ਜ਼ੀਰਾ, 22 ਮਈ (ਹਰਜੀਤ ਸਿੰਘ ਗਿੱਲ)-ਬਹੁਜਨ ਸਮਾਜ ਪਾਰਟੀ ਦੇ ਜ਼ੀਰਾ ਵਿਖੇ ਪੈਂਦੇ ਵਾਰਡ ਨੰਬਰ 2 ਤੋਂ ਬਸਤੀ ਮਾਸੀਆਂ ਤੋਂ ਸੁਖਜਿੰਦਰ ਸਿੰਘ ਘਾਲੀ ਦੇ ਹੱਕ ਵਿਚ ਪਾਰਟੀ ਆਗੂਆਂ ਵਲੋਂ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ | ਇਸ ਸਬੰਧ ਵਿਚ ਸੁਖਜਿੰਦਰ ਘਾਲੀ ਦੇ ਹੱਕ ਵਿਚ ਵਾਰਡ ਵਾਸੀਆਂ ਦੀ ਇੱਕ ਭਰਵੀਂ ਮੀਟਿੰਗ ਹੋਈ ਜਿਸ ਵਿਚ ਸੁਖਦੇਵ ਸਿੰਘ ਸ਼ੀਰਾ ਜਨਰਲ ਸਕੱਤਰ ਬਹੁਜਨ ਸਮਾਜ ਪਾਰਟੀ ਵਿਸ਼ੇਸ਼ ਤੌਰ 'ਤੇ ਪਹੁੰਚੇ | ਉਨ੍ਹਾਂ ਹਾਜ਼ਰ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਪੰਜਾਬ ਦੀ ਜਨਤਾ ਨੇ ਪਿਛਲੇ 78 ਸਾਲ ਅਕਾਲੀ ਦਲ ਬੀ.ਜੇ.ਪੀ ਕਾਂਗਰਸ ਆਮ ਪਾਰਟੀ ਨੂੰ ਮੌਕਾ ਦਿੱਤਾ ਹੈ | ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਸਰਕਾਰਾਂ ਨੇ ਪੰਜਾਬ ਨੂੰ ਖ਼ੁਸ਼ਹਾਲ ਬਣਾਉਣ ਦੀ ਬਜਾਏ ਹਰ ਪੱਖ ਤੋਂ ਸੂਬੇ ਦਾ ਨੁਕਸਾਨ ਹੀ ਕੀਤਾ ਹੈ | ਇਸ ਲਈ ਹੁਣ ਬਹੁਜਨ ਸਮਾਜ ਪਾਰਟੀ ਵੱਲੋਂ ਪੰਜਾਬ ਸੰਭਾਲੋ ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ ਜਿਸ ਨੂੰ ਸੂਬੇ ਦੀ ਜਨਤਾ ਵਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਹੋ ਰਹੀਆਂ ਨਗਰ ਕੌਂਸਲ ਚੋਣਾਂ ਵਿਚ ਜ਼ੀਰਾ ਦੇ ਵਾਰਡ ਨੰਬਰ 2 ਤੋਂ ਬਹੁਜਨ ਸਮਾਜ ਪਾਰਟੀ ਦੇ ਸੁਖਜਿੰਦਰ ਸਿੰਘ ਘਾਲੀ ਉਮੀਦਵਾਰ ਹਨ | ਜਿਨ੍ਹਾਂ ਦੇ ਹੱਕ ਵਿਚ ਵੱਡੀ ਲਹਿਰ ਬਣ ਚੁੱਕੀ ਹੈ ਅਤੇ ਲੋਕ ਸੁਖਜਿੰਦਰ ਸਿੰਘ ਘਾਲੀ ਭਾਰੀ ਬਹੁਮਤ ਨਾਲ ਜਿਤਾਉਗੇ | ਇਸ ਮੌਕੇ ਨੱਥਾ ਸਿੰਘ ਗਾਦੜੀਵਾਲਾ, ਮੁਖ਼ਤਿਆਰ ਸਿੰਘ ਮੱਲਾਂਵਾਲਾ, ਤਰਸੇਮ ਸਿੰਘ ਭੱਟੀ, ਬੂਟਾ ਸਿੰਘ ਜ਼ੀਰਾ, ਅਰਜਨ ਸਿੰਘ ਜ਼ੀਰਾ , ਕੁਲਦੀਪ ਸਿੰਘ ਜ਼ੀਰਾ , ਚੰਦ ਸਿੰਘ , ਜੱਸਾ ਸਿੰਘ , ਨਛੱਤਰ ਸਿੰਘ ਮਹੀਆਂ ਵਾਲਾ ਅਤੇ ਕਰਨਜੀਤ ਮਸੀਹ ਆਦਿ ਆਗੂ ਹਾਜ਼ਰ ਸਨ |
