ਭਗਤਾ ਭਾਈਕਾ/ਭਾਈਰੂਪਾ, 23 ਮਈ (ਸੁਖਪਾਲ ਸਿੰਘ ਸੋਨੀ/ਵਰਿੰਦਰ ਲੱਕੀ)-ਪਿੰਡ ਜਲਾਲ ਵਿਖੇ ਲੱਖਾਂ ਦਾ ਦਾਤਾ ਲਾਲਾਂਵਾਲਾ ਪੀਰ ਦੇ ਅਸ਼ੀਰਵਾਦ ਸਦਕਾ ਪੀਰਖਾਨਾ ਲੋਕਲ ਕਮੇਟੀ ਵਲੋਂ ਸੰਗਤਾਂ ਦੇ ਸਹਿਯੋਗ ਨਾਲ ਦਰਬਾਰ ਵਿਖੇ 20 ਵਾਂ ਵਿਸ਼ਾਲ ਸਲਾਨਾ ਭੰਡਾਰਾ ਕਰਵਾਇਆ ਗਿਆ | ਇਸ ਸਮਾਗਮ ਦੌਰਾਨ ਵਿਵੇਕ ਆਸ਼ਰਮ ਗੁਰੂਸਰ ਜਲਾਲ ਦੇ ਸੰਤ ਬਾਬਾ ਗੰਗਾ ਰਾਮ ਨੇ ਆਈਆਂ ਹੋਈਆਂ ਸੰਗਤਾਂ ਨੂੰ ਅਸ਼ੀਰਵਾਦ ਦੇ ਕੇ ਚੰਗੇ ਸਮਾਜ ਦੀ ਸਿਰਜਣਾ ਵਿਚ ਯੋਗਦਾਨ ਪਾਉਣ ਲਈ ਪ੍ਰੇਰਿਤ ਕਰਦਿਆਂ ਕਿਹਾ ਕਿ ਸਾਨੂੰ ਪੀਰਾਂ ਫ਼ਕੀਰਾਂ ਦੇ ਦਿਨ ਮਨਾਉਣੇ ਚਾਹੀਦੇ ਹਨ | ਇਸ ਮੌਕੇ ਪੀਰਖਾਨਾ ਦੇ ਮੁੱਖ ਸੇਵਾਦਾਰ ਅਤੇ ਕਮੇਟੀ ਦੇ ਪ੍ਰਧਾਨ ਬਿੰਦਰ ਜਲਾਲ, ਮੀਤ ਪ੍ਰਧਾਨ ਜਸਕਰਨ ਸਿੰਘ ਅਤੇ ਬਾਬਾਹਰਵੰਸ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬਾਬਾ ਜੀ ਦੀ ਯਾਦ ਵਿੱਚ ਹਰ ਸਾਲ ਜੇਠ ਮਹੀਨੇ ਦੇ ਚਾਨਣੇ ਵੀਰਵਾਰ ਨੂੰ ਜਲੇਬੀਆਂ ਅਤੇ ਗੁਰੂ ਕੇ ਲੰਗਰ ਤੇ ਠੰਡੇ ਮਿੱਠੇ ਦੁੱਧ ਦੀ ਛਬੀਲ ਬੜੀ ਸ਼ਰਧਾ ਭਾਵਨਾ ਨਾਲ ਲਾਕੇ ਮਨਾਇਆ ਜਾਂਦਾ ਹੈ | ਇਸ ਮੌਕੇ ਬੂਟਾ ਸਿੰਘ ਆੜਤੀਆਂ ਸਰਪੰਚ ਛਿੰਦਰਪਾਲ ਸਿੰਘ, ਭੀਮ ਸੈਨ ਜਲਾਲ, ਸਾਬਕਾ ਸਰਪੰਚ ਜਗਦੀਸ਼ ਸਿੰਘ, ਸਰਬਜੀਤ ਸਿੰਘ ਸਰਬਾ ਸਾਬਕਾ ਪੰਚ, ਗੁਰਮੀਤ ਸਿੰਘ ਪੰਚ, ਗੁਰਜੀਤ ਸਿੰਘ ਪ੍ਰਧਾਨ, ਸੋਹਣ ਸਿੰਘ ਪੰਚ, ਜਗਜੀਤ ਸਿੰਘ, ਮੋਦਨ ਸਿੰਘ ਢਿੱਲੋਂ, ਪੰਚ ਪਰਮਜੀਤ ਸਿੰਘ ਹੈਪੀ, ਮੰਗਤ ਦੀਨ ਪੰਚ, ਵੀਰ ਸਿੰਘ ਹਮੀਰਗੜ੍ਹ, ਮਾ: ਗੁਰਜੰਟ ਸਿੰਘ, ਛਿੰਦਾ ਜਲਾਲ, ਸੋਮਾ ਸਿੰਘ, ਬੁੱਧਾ ਖਾਨ, ਮਹਿੰਦਰ ਸਿੰਘ ਗਿਆਨੀ ਪੰਚ, ਸੰਦੀਪ ਸਨੀ ਪੰਚ, ਜਸਵੀਰ ਸਿੰਘ ਪੰਚ, ਰਾਮੇਸ਼ ਕੁਮਾਰ ਡਿੱਪੂ ਵਾਲਾ ਅਤੇ ਮੋਹਣੀ ਹਲਵਾਈ ਸਮੇਤ ਸੰਗਤਾਂ ਨੇ ਹਾਜ਼ਰੀ ਭਰੀ |
