ਰਾਮਪੁਰਾ ਫੂਲ, 18 ਜੁਲਾਈ (ਹੇਮੰਤ ਕੁਮਾਰ ਸ਼ਰਮਾ): ਬਠਿੰਡਾ-ਬਰਨਾਲਾ ਨੈਸ਼ਨਲ ਹਾਈਵੇ ਮਾਰਗ ’ਤੇ ਸਥਿਤ ਓਵਰਬ੍ਰਿਜ ਦੇ ਨਜ਼ਦੀਕ ਸਰਵਿਸ ਰੋਡ ਤੋਂ ਇੱਕ ਬਜ਼ੁਰਗ ਦੀ ਕੁਚਲੀ ਹੋਈ ਲਾਸ਼ ਮਿਲੀ। ਜਾਣਕਾਰੀ ਅਨੁਸਾਰ ਸਹਾਰਾ ਸਮਾਜ ਸੇਵਾ (ਰਜਿ:) ਰਾਮਪਰਾ ਫੂਲ ਦੇ ਪੰਜਾਬ ਪ੍ਰਧਾਨ ਸੰਦੀਪ ਵਰਮਾ ਨੇ ਦੱਸਿਆ ਕਿ ਰਾਤ 1:00 ਵਜੇ ਦੇ ਕਰੀਬ ਸਾਡੇ ਸਹਾਰਾ ਕੰਟਰੋਲ ਰੂਮ ਨੂੰ ਇਤਲਾਅ ਮਿਲੀ ਕਿ ਪੁੱਲ ਦੇ ਨਜ਼ਦੀਕ ਇੱਕ ਕੁਚਲੀ ਹੋਈ ਲਾਸ਼ ਪਈ ਹੈ ਤਾਂ ਤੁਰੰਤ ਸਹਾਰਾ ਦੀ ਟੀਮ ਐਂਬੂਲੈਂਸ ਲੈਕੇ ਘਟਨਾ ਸਥਾਨ ’ਤੇ ਪਹੁੰਚੇ ਜਦ ਕਿ ਉੱਥੇ ਐਸ.ਐਸ.ਐਫ ਅਤੇ ਥਾਣਾ ਸਿਟੀ ਦੀ ਪੁਲਿਸ ਪਾਰਟੀ ਮੌਜੂਦ ਸੀ, ਕੁਚਲੀ ਹੋਈ ਲਾਸ਼ ਦੀ ਪਹਿਚਾਣ ਕਰਨਾ ਬਹੁਤ ਹੀ ਮੁਸ਼ਕਿਲ ਸੀ, ਉਸ ਕੋਲੋਂ ਕੋਈ ਵੀ ਪਹਿਚਾਣ ਪੱਤਰ ਨਹੀਂ ਮਿਲਿਆ, ਹੁਲੀਆ ਉਮਰ ਕਰੀਬ 60/65 ਸਾਲ, ਦਾੜੀ ਰੱਖੀ ਹੋਈ ਹੈ, ਚਿੱਟੇ ਰੰਗ ਦਾ ਕੁੜਤਾ ਪਜਾਮਾ ਲੱਗ ਰਿਹਾ ਹੈ, ਬੂਟ ਬਿਨਾਂ ਫੀਤੀਆਂ ਤੋਂ, ਸੱਜੇ ਹੱਥ ਵਿਚ ਲੋਹੇ ਦਾ ਕੜਾ, ਡੱਬੀਦਾਰ ਪਰਨਾ ਜਿਸ ਵਿਚ ਨੀਲਾ ਰੰਗ ਜ਼ਿਆਦਾ ਦਿੱਖ ਰਿਹਾ ਹੈ। ਲਾਸ਼ ਜ਼ਿਆਦਾ ਕੁਚਲੀ ਹੋਣ ਕਰਕੇ ਲਾਸ਼ ਨੂੰ ਸੰਸਥਾ ਦੀ ਐਂਬੂਲੈਂਸ ਰਾਹੀਂ ਪੁਲਿਸ ਦੀ ਮੌਜੂਦਗੀ ਵਿਚ 72 ਘੰਟੇ ਸ਼ਨਾਖਤ ਲਈ ਸਿਵਲ ਹਸਪਤਾਲ ਰਾਮਪੁਰਾ ਫੂਲ ਦੀ ਮੋਰਚਰੀ ਵਿਚ ਰੱਖਿਆ ਗਿਆ ਹੈ ਜੇਕਰ ਕੋਈ ਵਿਅਕਤੀ ਇਸ ਵਿਅਕਤੀ ਨੂੰ ਜਾਣਦਾ ਹੋਵੇ ਤਾਂ ਉਹ ਸਹਾਰਾ ਕੰਟਰੋਲ ਰੂਮ, ਪੁਲਿਸ ਕੰਟਰੋਲ ਰੂਮ ਬਠਿੰਡਾ, ਥਾਣਾ ਸਿਟੀ ਰਾਮਪੁਰਾ ਨਾਲ ਸੰਪਰਕ ਕਰ ਸਕਦਾ ਹੈ।
