ਸ਼ਹਿਣਾ, 28 ਅਪ੍ਰੈਲ (ਸੁਰੇਸ਼ ਗੋਗੀ)-ਕਣਕ ਦੇ ਨਾੜ ਦੀਆਂ ਗੱਠਾ ਬਣਾ ਕੇ ਫ਼ੈਕਟਰੀਆਂ ਵਿਚ ਬਾਲਣ ਦੇ ਰੂਪ ਵਿਚ ਸਾੜੇ ਸ਼ਹੀਦ ਭਗਤ ਸਿੰਘ ਪੀ.ਐਚ ਆਰ ਵੀਟ ਸਟਰਾਅ ਟਰੈਕਟਰ-ਟਰਾਲੀ ਐਸੋਸੀਏਸ਼ਨ ਦੇ ਆਗੂਆਂ ਨੇ ਮੌੜਾਂ ਵਿਖੇ ਮੀਟਿੰਗ ਕਰਨ ਉਪਰੰਤ ਆਖੇ | ਜਥੇਬੰਦੀ ਦੇ ਸੂਬਾ ਪ੍ਰਧਾਨ ਸਹਿਬਾਜ ਸਿੰਘ ਮੌੜ, ਤਰਸੇਮ ਸਿੰਘ ਮੁਕਤਸਰ, ਕੁਲਦੀਪ ਸਿੰਘ ਬਰਨਾਲਾ, ਗੁਰਤੇਜ ਸਿੰਘ ਤੇਜੀ ਜਖੇਪਲ ਆਦਿ ਨੇ ਕਿਹਾ ਕਿ ਪੰਜਾਬ ਤੇ ਹਰਿਆਣਾ ਸਰਕਾਰਾਂ ਬੇਲਰਾਂ ਰਾਹੀ ਕਣਕ ਦੇ ਨਾੜ ਦੀਆਂ ਗੱਠਾਂ ਬਣਾਉਣ 'ਤੇ ਤੁਰੰਤ ਪਾਬੰਦੀ ਲਾਉਣ, ਕਿਉਂਕਿ ਬੇਲਰਾਂ ਨਾਲ ਬਣਾਈਆਂ ਜਾਂਦੀਆਂ ਗੱਠਾਂ ਨੂੰ ਪਾਵਰ ਪਲਾਟਾਂ ਵਿਚ ਬਾਲਣ ਦੇ ਰੂਪ ਵਿਚ ਸਾੜਿਆ ਜਾ ਰਿਹਾ ਹੈ | ਇਸ ਤਰ੍ਹਾਂ ਨਾੜ ਦੀਆਂ ਗੱਠਾਂ ਸਾੜਨ ਨਾਲ ਤੂੜੀ ਦੀ ਵੱਡੀ ਕਿੱਲਤ ਦੋਵੇਂ ਸੂਬਿਆਂ ਵਿਚ ਆਵੇਗੀ | ਜਿਸ ਨਾਲ ਪਸ਼ੂ ਪਾਲਕਾਂ ਤੇ ਗਊਸ਼ਾਲਾ ਡੇਅਰੀਆਂ ਨੂੰ ਮੁਸ਼ਕਲ ਆਵੇਗੀ | ਉਕਤ ਆਗੂਆਂ ਨੇ ਕਿਹਾ ਕਿ ਪਿਛਲੇ ਤੂੜੀ 2 ਹਜ਼ਾਰ ਦੇ ਕਰੀਬ ਸੀ | ਇਸ ਵਾਰ 6 ਹਜ਼ਾਰ ਤੂੜੀ ਦੀ ਟਰਾਲੀ ਮੁਸ਼ਕਲ ਨਾਲ ਮਿਲ ਰਹੀ ਹੈ, ਜੋ ਕਿ ਛੋਟੇ ਪਸ਼ੂ ਪਾਲਕਾਂ ਲਈ ਹੋਰ ਸੰਕਟ ਦੀ ਘੜੀ ਖੜੀ ਕਰੇਗੀ |
