ਧਨੌਲਾ, 15 ਜੂਨ (ਜਤਿੰਦਰ ਸਿੰਘ ਧਨੌਲਾ)-ਧਨੌਲਾ ਮੰਡੀ ਅੰਦਰ ਉਸ ਵੇਲੇ ਸਹਿਮ ਫੈਲ ਗਿਆ, ਜਦ ਚਾਰ ਅਣਪਛਾਤੇ ਨੌਜਵਾਨਾਂ ਨੇ ਦੋ ਅÏਰਤਾਂ ਸਮੇਤ ਮੋਟਰਸਾਈਕਲ 'ਤੇ ਸਵਾਰ ਹੋ ਕੇ ਭੱਠਲ ਕਲੀਨਿਕ ਦੇ ਸਾਹਮਣੇ ਖ਼ਰੀਦੋ ਫ਼ਰੋਖ਼ਤ ਕਰਨ ਲਈ ਆਏ ਇਕ ਨੌਜਵਾਨ ਨੂੰ ਮੋਟਰਸਾਈਕਲ ਤੋਂ ਹੇਠਾਂ ਉਤਾਰ ਲਿਆ ਅਤੇ ਬੇਰਹਿਮੀ ਨਾਲ ਪਾਈਪਾਂ ਤੇ ਖੁਰਚਣਿਆਂ ਨਾਲ ਕੁੱਟਮਾਰ ਕੀਤੀ | ਗੁੰਡਾਗਰਦੀ ਦਾ ਨੰਗਾ ਨਾਚ ਦੇਖ ਕੇ ਕੋਈ ਵੀ ਵਿਅਕਤੀ ਨੌਜਵਾਨ ਨੂੰ ਛਡਾਉਣ ਲਈ ਅੱਗੇ ਨਹੀਂ ਵਧਿਆ | ਬਲਕਿ ਕੁੱਟ ਖਾ ਰਿਹਾ ਨੌਜਵਾਨ ਹੀ ਆਪਦੀ ਜਾਨ ਬਚਾਉਣ ਲਈ ਹਿੰਮਤ ਕਰ ਕੇ ਭੱਜ ਨਿਕਲਿਆ ਤੇ ਮਿੱਤਲ ਕਲੀਨਿਕ ਵਾਲੀ ਗਲੀ ਵਿਚ ਦੌੜ ਗਿਆ | ਦੂਸਰੇ ਪਾਸੇ ਹਮਲਾਵਰ ਰਿੰਪਲ ਇਲੈਕਟ੍ਰੋਨਿਕ ਸਟੋਰ ਵਾਲੀ ਗਲੀ ਵਿਚੋਂ ਦੀ ਹੁੰਦੇ ਹੋਏ ਫ਼ਰਾਰ ਹੋ ਗਏ | ਐਸ.ਐਚ.ਓ ਧਨੌਲਾ ਨੂੰ ਪੁੱਛਣ 'ਤੇ ਉਨ੍ਹਾਂ ਦੱਸਿਆ ਕਿ ਸਾਡੇ ਪਾਸ ਕੋਈ ਇਤਲਾਹ ਨਹੀਂ ਆਈ | ਜਦ ਕਿ ਜਿਸ ਤਰੀਕੇ ਨਾਲ ਨੌਜਵਾਨ ਦੀ ਕੁੱਟਮਾਰ ਹੋਈ ਤਾਂ ਉਸ ਦਾ ਬਚਣਾ ਵੀ ਬੜਾ ਮੁਸ਼ਕਿਲ ਸੀ | ਇਸ ਕੁੱਟਮਾਰ ਦੀਆਂ ਵੀਡੀਓਜ਼ ਵੀ ਵਾਇਰਲ ਹੋਈਆਂ ਪ੍ਰੰਤੂ ਗੁੰਡਾਗਰਦੀ ਕਰਨ ਵਾਲਿਆਂ ਵਿਰੁੱਧ ਲੋਕਾਂ ਵਿਚ ਭਾਰੀ ਰੋਸ ਪਾਇਆ ਗਿਆ | ਲੋਕਾਂ ਨੇ ਮੰਗ ਕਰਦੇ ਆਖਿਆ ਕਿ ਚਿੱਟੇ ਦਿਨ ਅਜਿਹੇ ਸਾਹਸ ਕਰਨ ਵਾਲਿਆਂ ਨੂੰ ਸਲਾਖ਼ਾਂ ਪਿੱਛੇ ਧੱਕਿਆ ਜਾਵੇ |
