ਲਖਨਊ, 26 ਅਪ੍ਰੈਲ (ਏਜੰਸੀ)-ਆਈ.ਪੀ.ਐਲ. 2026 ਦੇ 38ਵੇਂ ਮੈਚ 'ਚ ਕੋਲਕਾਤਾ ਨਾਈਟ ਰਾਈਡਰਜ਼ ਤੇ ਲਖਨਊ ਸੁਪਰ ਜਾਇੰਟਸ ਵਿਚਕਾਰ ਇਸ ਸੀਜ਼ਨ ਦਾ ਪਹਿਲਾ ਸੂਪਰ ਓਵਰ ਖੇਡਿਆ ਗਿਆ | ਜਿਸ'ਚ ਕੋਲਕਾਤਾ ਨੇ ਇਕ ਸ਼ਾਨਦਾਰ ਜਿੱਤ ਦਰਜ ਕੀਤੀ | ਇਥੋਂ ਦੇ ਏਕਾਨਾ ਸਟੇਡੀਅਮ 'ਚ ਲਖਨਊ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ | ਰਿੰਕੂ ਸਿੰਘ ਦੀ 83 ਦÏੜਾਂ ਦੀ ਪਾਰੀ ਨਾਲ, ਕੇ.ਕੇ.ਆਰ. ਨੇ ਕੁੱਲ 155 ਦÏੜਾਂ ਬਣਾਈਆਂ | ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਕੇ.ਕੇ.ਆਰ. ਦੀ ਸ਼ੁਰੂਆਤ ਬਹੁਤ ਮਾੜੀ ਰਹੀ | ਟਿਮ ਸੀਫਰਟ ਇਸ ਵਾਰ ਮੁੜ ਖਾਤਾ ਨਹੀਂ ਖੋਲ੍ਹ ਸਕਿਆ | ਰਹਾਣੇ ਨੇ 10 ਤੇ ਕੈਮਰਨ ਗ੍ਰੀਨ ਨੇ 34 ਦÏੜਾਂ ਬਣਾਈਆਂ | ਇਸ ਤੋਂ ਇਲਾਵਾ, ਅੰਗਕ੍ਰਿਸ਼, ਪਾਵੇਲ ਤੇ ਅਨੁਕੂਲ ਰਾਏ ਪੂਰੀ ਤਰ੍ਹਾਂ ਅਸਫਲ ਰਹੇ | ਰਿੰਕੂ ਸਿੰਘ ਨੇ 51 ਗੇਂਦਾਂ ਵਿਚ 83 ਦੌੜਾਂ ਦੀ ਪਾਰੀ ਖੇਡੀ | ਜਿਸ ਦੌਰਾਨ ਉਸਨੇ 7 ਚੌਕੇ ਤੇ 5 ਛੱਕੇ ਲਗਾਏ | ਉਸਦੇ ਯੋਗਦਾਨ ਦੀ ਬਦੌਲਤ ਕੇ.ਕੇ.ਆਰ. ਨੇ 7 ਵਿਕਟਾਂ ਦੇ ਨੁਕਸਾਨ 'ਤੇ ਕੁੱਲ 155 ਦÏੜਾਂ ਬਣਾਈਆਂ | ਟੀਚੇ ਦੀ ਪ੍ਰਾਪਤੀ ਲਈ ਬੱਲੇਬਾਜ਼ੀ ਕਰਨ ਪਹੁੰਚੀ ਲਖਨਊ ਨੇ ਸ਼ੁਰੂਆਤ 'ਚ ਹੀ 8 ਦੌੜਾਂ ਦੇ ਸਕੋਰ 'ਤੇ ਮਿਸ਼ੇਲ ਮਾਰਸ਼ (2) ਦੀ ਵਿਕਟ ਗਵਾ ਦਿੱਤੀ | ਇਸ ਤੋਂ ਬਾਅਦ ਸਲਾਮੀ ਬੱਲਬਾਜ਼ ਏਡਨ ਮਾਰਕਰਮ ਤੇ ਰਿਸ਼ਭ ਪੰਤ ਨੇ ਇਕ ਸ਼ਾਨਦਾਰ ਸਾਂਝੇਦਾਰੀ ਕੀਤੀ | ਪਰ ਉਨ੍ਹਾਂ ਦੋਵਾਂ ਦੇ ਆਉਟ ਹੋਣ ਤੋਂ ਬਾਅਦ ਟੀਮ ਦਾ ਬੱਲੇਬਾਜ਼ੀ ਕ੍ਰਮ ਢਹਿ-ਢੇਰੀ ਹੋ ਗਿਆ | ਪਰ ਇਸ ਸਭ ਦੇ ਬਾਵਜੂਦ ਲਖਨਊ 20 ਓਵਰਾਂ 'ਚ ਮੈਚ 'ਚ ਡਰਾਅ ਕਰਨ 'ਚ ਕਾਮਯਾਬ ਰਿਹਾ | ਮੈਚ ਦੇ ਫ਼ੈਸਲੇ ਲਈ ਖੇਡੇ ਗਏ ਸੁਪਰ ਓਵਰ 'ਚ ਸੁਨੀਲ ਨਾਰਾਇਣ ਨੇ ਕੋਲਕਾਤਾ ਲਈ ਸ਼ਾਨਦਾਰ ਗੇਂਦਬਾਜ਼ੀ ਪ੍ਰਦਰਸ਼ਨ ਕੀਤਾ, ਮੈਚ ਨੂੰ ਪੂਰੀ ਤਰ੍ਹਾਂ ਆਪਣੀ ਟੀਮ ਦੇ ਹੱਕ 'ਚ ਕਰ ਦਿੱਤਾ | ਪਹਿਲੀ ਹੀ ਗੇਂਦ 'ਤੇ ਨਾਰਾਇਣ ਨੇ ਨਿਕੋਲਸ ਪੂਰਨ ਨੂੰ ਆਉਟ ਕੀਤਾ | ਦੂਜੀ ਗੇਂਦ 'ਤੇ ਰਿਸ਼ਭ ਪੰਤ ਇਕ ਦੌੜ ਬਣਾਉਣ 'ਚ ਕਾਮਯਾਬ ਰਿਹਾ | ਤੀਜੀ ਗੇਂਦ 'ਤੇ ਏਡਨ ਮਾਰਕਰਾਮ ਆਉਟ ਹੋ ਗਿਆ | ਮਾਰਕਰਾਮ ਵਲੋਂ ਲਗਾਏ ਸ਼ਾਟ ਨੂੰ ਰੋਵਮੈਨ ਪਾਵੇਲ ਖੇਡ ਦੇ ਮੈਦਾਨ 'ਚ ਫਲਿੱਕ ਕਰਨ ਦੀ ਸ਼ਾਨਦਾਰ ਕੋਸ਼ਿਸ਼ ਕੀਤੀ, ਜਿੱਥੇ ਰਿੰਕੂ ਸਿੰਘ ਨੇ ਕੈਚ ਪੂਰਾ ਕੀਤਾ | ਸੁਪਰ ਓਵਰ 'ਚ ਕੋਲਕਾਤਾ ਨੂੰ ਜਿੱਤਣ ਲਈ ਸਿਰਫ਼ 2 ਦÏੜਾਂ ਦੀ ਲੋੜ ਸੀ ਤੇ ਰਿੰਕੂ ਸਿੰਘ ਨੇ ਪਹਿਲੀ ਹੀ ਗੇਂਦ 'ਤੇ ਚੌਕਾ ਲਗਾ ਕੇ ਮੈਚ ਦਾ ਅੰਤ ਕੀਤਾ | ਇਸ ਤਰ੍ਹਾਂ ਕੋਲਕਾਤਾ ਨੇ ਇਕ ਸ਼ਾਨਦਾਰ ਜਿੱਤ ਦਰਜ ਕੀਤੀ |
