2026 ਲੰਡਨ ਮੈਰਾਥਨ ਦੌਰਾਨ ਸਮਾਜ ਸੇਵਾ ਲਈ ਇਕੱਠੇ ਹੋਏ 8.75 ਕਰੋੜ ਪੌਂਡ

ਬਣਿਆ ਨਵਾਂ ਵਿਸ਼ਵ ਰਿਕਾਰਡ
ਲੰਡਨ, 2 ਮਈ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-2026 ਲੰਡਨ ਮੈਰਾਥਨ ਦੌਰਾਨ ਸਮਾਜ ਸੇਵੀ ਸੰਸਥਾਵਾਂ ਲਈ ਯੂ.ਕੇ. ਭਰ ਚੋਂ ਦੌੜੇ ਦÏੜਾਕਾਂ ਨੇ ਚੈਰਿਟੀ ਲਈ 8.75 ਕਰੋੜ ਪੌਂਡ ਇਕੱਠੇ ਕੀਤੇ ਹਨ, ਜੋ ਇਸ ਸਾਲ ਹੁਣ ਤੱਕ ਦੀ ਆਪਣੀ ਕਿਸਮ ਦੀ ਸਭ ਤੋਂ ਵੱਡੀ ਇੱਕ-ਰੋਜ਼ਾ ਫੰਡ ਇਕੱਠਾ ਕਰਨ ਵਾਲਾ ਰਿਕਾਰਡ ਹੈ | ਰਿਪੋਰਟ ਅਨੁਸਾਰ ਪ੍ਰਬੰਧਕਾਂ ਨੇ ਕਿਹਾ ਕਿ ਕੁੱਲ ਰਕਮ ਪਿਛਲੇ ਸਾਲ ਦੇ 8.73 ਕਰੋੜ ਪੌਂਡ ਨੂੰ ਪਾਰ ਕਰ ਗਈ ਹੈ ਤੇ ਇਸ ਸਾਲ ਦੇ ਅੰਤ ਵਿਚ ਪੁਸ਼ਟੀ ਹੋਣ 'ਤੇ ਅੰਤਿਮ ਅੰਕੜਾ 9 ਕਰੋੜ ਪੌਂਡ ਤੋਂ ਵੱਧ ਹੋਣ ਦੀ ਉਮੀਦ ਹੈ | ਲੰਡਨ ਮੈਰਾਥਨ ਦੇ ਮੁੱਖ ਕਾਰਜਕਾਰੀ ਹਿਊਗ ਬ੍ਰਾਸ਼ਰ ਨੇ ਇਸ ਦਿਨ ਨੂੰ ਵਿਸ਼ਵ ਰਿਕਾਰਡਾਂ ਦਾ ਇਕ ਅਸਾਧਾਰਨ ਦਿਨ ਦੱਸਿਆ | ਉਹਨਾਂ ਕਿਹਾ ਕਿ ਦੌੜਾਕਾਂ ਤੇ ਦਾਨੀਆਂ ਦੇ ਸਮਰਥਨ ਦੇ ਪੈਮਾਨੇ ਨੇ ਇਸ ਪ੍ਰੋਗਰਾਮ ਨੂੰ ਨਵੀਆਂ ਉਚਾਈਆਂ 'ਤੇ ਪਹੁੰਚਾਇਆ ਹੈ | ਅਸੀਂ 2025 ਤੱਕ ਦੇ ਆਪਣੇ 8.73 ਕਰੋੜ ਪੌਂਡ ਦੇ ਵਿਸ਼ਵ ਰਿਕਾਰਡ ਨੂੰ ਪਾਰ ਕੀਤਾ ਹੈ |