ਕੋਹਲੀ ਦੇ ਸੈਂਕੜੇ ਨਾਲ ਜਿੱਤੀ ਬੈਂਗਲੁਰੂ <br/>

ਰਾਏਪੁਰ, 13 ਮਈ (ਏਜੰਸੀ)-ਇਥੇ ਖੇਡੇ ਗਏ ਆਈ.ਪੀ.ਐਲ. ਦੇ 57ਵੇਂ ਮੈਚ 'ਚ ਰਾਇਲ ਚੈਲੰਜਰਸ ਬੈਂਗਲੁਰੂ ਨੇ ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ 6 ਵਿਕਟਾਂ ਨਾਲ ਹਰਾ ਦਿੱਤਾ | ਇਸ ਜਿੱਤ ਦੇ ਨਾਲ ਹੀ ਬੈਂਗਲੁਰੂ ਅੰਕ ਸੂਚੀ ਦੇ ਸਿਖਰ 'ਤੇ ਪਹੁੰਚ ਗਈ ਹੈ | ਬੈਂਗਲੁਰੂ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਨੂੰ ਚੁਣਿਆ | ਕੋਲਕਾਤਾ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ 'ਚ 4 ਵਿਕਟਾਂ 'ਤੇ 192 ਦੌੜਾਂ ਬਣਾਈਆਂ | ਟੀਮ ਵਲੋਂ ਅੰਗਕ੍ਰਿਸ਼ ਰਘੂਵੰਸ਼ੀ ਨੇ 46 ਗੇਂਦਾਂ 'ਤੇ 71 ਦੌੜਾਂ ਦੀ ਪਾਰੀ ਖੇਡੀ | ਇਸ ਤੋਂ ਬਾਅਦ ਕੈਮਰੋਨ ਗਰੀਨ 32 ਦੌੜਾਂ ਤੇ ਅਜਿੰਕਯ ਰਹਾਣੇ 19 ਦੌੜਾਂ ਬਣਾ ਕੇ ਆਊਟ ਹੋ ਗਏ | ਫਿਨ ਐਲਨ ਨੇ 18 ਦੌੜਾਂ ਬਣਾਈਆਂ | ਰਿੰਕੂ ਸਿੰਘ ਨੇ ਨਾਬਾਦ 49 ਦੌੜਾਂ ਦੀ ਪਾਰੀ ਖੇਡੀ | ਬੈਂਗਲੁਰੂ ਵਲੋਂ ਭੁਵਨੇਸ਼ਵਰ, ਜੋਸ਼ ਹੇਜ਼ਲਵੁੱਡ, ਰਾਸਿਖ ਸਾਲਮ ਡਾਰ ਨੇ 1-1 ਵਿਕਟ ਹਾਸਿਲ ਕੀਤੀ | ਟੀਚੇ ਦਾ ਪਿੱਛਾ ਕਰਨ ਉਤਰੀ ਬੈਂਗਲੁਰੂ ਟੀਮ ਨੇ ਜਵਾਬ 'ਚ 19.1 ਓਵਰਾਂ 'ਚ 4 ਵਿਕਟਾਂ 'ਤੇ 194 ਦੌੜਾਂ ਬਣਾਈਆਂ | ਟੀਮ ਵਲੋਂ ਵਿਰਾਟ ਕੋਹਲੀ ਨੇ 60 ਗੇਂਦਾਂ 'ਤੇ 105 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ | ਦੇਵਦੱਤ 39 ਦੌੜਾਂ ਬਣਾ ਕੇ ਆਊਟ ਹੋ ਗਏ | ਬੈਥਲ 15 ਦੌੜਾਂ ਤੇ ਰਜਤ ਪਾਟੀਦਾਰ 11 ਦੌੜਾਂ ਬਣਾ ਕੇ ਆਊਟ ਹੋ ਗਏ | ਕੋਲਕਾਤਾ ਵਲੋਂ ਤਿਆਗੀ ਨੇ 3 ਵਿਕਟਾਂ ਅਤੇ ਸੁਨੀਲ ਨੇ 1 ਵਿਕਟ ਹਾਸਿਲ ਕੀਤੀ |