ਪੀ.ਐਸ.ਜੀ. ਦੀ ਜਿੱਤ ਤੋਂ ਬਾਅਦ ਪੈਰਿਸ 'ਚ ਮਚੀ ਭਾਜੜ ਫੁੱਟਬਾਲ ਪ੍ਰਸ਼ੰਸਕਾਂ ਦੀ ਪੁਲਿਸ ਨਾਲ ਹੋਈ ਝੜਪ, 79 ਗਿ੍ਫ਼ਤਾਰ

ਪੈਰਿਸ, 31 ਮਈ (ਏਜੰਸੀ)-ਪੈਰਿਸ 'ਚ ਪੀ.ਐਸ.ਜੀ. ਦੀ ਰੋਮਾਂਚਕ ਪੈਨਲਟੀ ਸ਼ੂਟਆਊਟ ਜਿੱਤ ਦਾ ਜਸ਼ਨ ਮਨਾ ਰਹੇ ਕੁਝ ਇਲਾਕਿਆਂ 'ਚ ਅਸ਼ਾਂਤੀ ਤੇ ਹਿੰਸਾ ਦੀਆਂ ਘਟਨਾਵਾਂ ਦੀ ਰਿਪੋਰਟ ਕੀਤੀ ਗਈ | ਹਿੰਸਾ ਨੂੰ ਰੋਕਣ ਲਈ, ਟ੍ਰਾਮ ਲਾਈਨਾਂ ਨੂੰ ਮੁਅੱਤਲ ਕਰ ਦਿੱਤਾ ਗਿਆ, ਕਈ ਮੈਟਰੋ ਸਟੇਸ਼ਨ ਬੰਦ ਕਰ ਦਿੱਤੇ ਗਏ ਤੇ ਕੁਝ ਇਲਾਕਿਆਂ 'ਚ ਬੱਸ ਆਵਾਜਾਈ ਵੀ ਰੋਕ ਦਿੱਤੀ ਗਈ | ਪੁਲਿਸ ਨੇ ਕਾਰਵਾਈ ਕੀਤੀ ਤੇ 70 ਤੋਂ ਵੱਧ ਲੋਕਾਂ ਨੂੰ ਹਿਰਾਸਤ ਵਿੱਚ ਲਿਆ | ਪੁਲਿਸ ਨੇ ਕਿਹਾ ਕਿ ਪਿਛਲੇ ਸਾਲ ਪੀ.ਐਸ.ਜੀ. ਦੀ ਜਿੱਤ ਤੋਂ ਬਾਅਦ ਹੋਈ ਅਸ਼ਾਂਤੀ ਦੇ ਮੱਦੇਨਜ਼ਰ, ਸਖ਼ਤ ਸੁਰੱਖਿਆ ਉਪਾਅ ਕੀਤੇ ਗਏ ਸਨ | ਪੈਰਿਸ 'ਚ ਟ੍ਰਾਮ ਲਾਈਨਾਂ, ਕਈ ਮੈਟਰੋ ਸਟੇਸ਼ਨ ਤੇ ਬੱਸ ਆਵਾਜਾਈ ਪੂਰੀ ਤਰ੍ਹਾਂ ਠੱਪ ਕਰ ਦਿੱਤੀ ਗਈ ਸੀ | ਇਸ ਦੇ ਬਾਵਜੂਦ, ਲਗਭਗ 20,000 ਲੋਕਾਂ ਦੀ ਭੀੜ ਚੈਂਪਸ-ਏਲੀਸੀਸ ਐਵੇਨਿਊ 'ਤੇ ਇਕੱਠੀ ਹੋਈ, ਪੁਲਿਸ 'ਤੇ ਪਟਾਕੇ ਸੁੱਟੇ ਤੇ ਅੱਗ ਦੀਆਂ ਲਾਟਾਂ ਸਾੜੀਆਂ¢ ਜਵਾਬ 'ਚ ਪੁਲਿਸ ਨੇ ਅੱਥਰੂ ਗੈਸ ਦੇ ਗੋਲੇ ਛੱਡੇ ਤੇ 79 ਲੋਕਾਂ ਨੂੰ ਹਿਰਾਸਤ 'ਚ ਲੈ ਲਿਆ, ਜਿਨ੍ਹਾਂ ਵਿੱਚੋਂ 45 ਨੂੰ ਪੁਲਿਸ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ | ਪੁਲਿਸ ਨੇ ਦੱਸਿਆ ਕਿ ਗ੍ਰਹਿ ਮੰਤਰੀ ਲੌਰੇਂਟ ਨੂਨਸ ਦੇ ਨਿਰਦੇਸ਼ਾਂ 'ਤੇ ਫਰਾਂਸ ਭਰ 'ਚ 22,000 ਪੁਲਿਸ ਅਧਿਕਾਰੀ ਤਾਇਨਾਤ ਕੀਤੇ ਗਏ ਸਨ, ਜਿਨ੍ਹਾਂ ਵਿੱਚੋਂ 8,000 ਪੈਰਿਸ 'ਚ ਤਾਇਨਾਤ ਸਨ |