ਨਿਊਯਾਰਕ/ਵਾਸ਼ਿੰਗਟਨ, 4 ਫਰਵਰੀ (ਏਜੰਸੀ)-ਇਕ ਸੀਨੀਅਰ ਅਮਰੀਕੀ ਅਧਿਕਾਰੀ ਨੇ ਕਿਹਾ ਕਿ ਰਾਸ਼ਟਰਪਤੀ ਡੋਨਾਲਡ ਦੁਆਰਾ ਐਲਾਨੇ ਵਪਾਰ ਸਮਝੌਤੇ ਤਹਿਤ ਭਾਰਤ ਫ਼ਲ ਤੇ ਸਬਜ਼ੀਆਂ ਵਰਗੇ ਅਮਰੀਕੀ ਉਦੋਯਗਿਕ ਤੇ ਖੇਤੀਬਾੜੀ ਸਾਮਾਨਾਂ ਦੀ ਇਕ ਵੱਡੀ ਰੇਂਜ 'ਤੇ ਟੈਰਿਫ਼ ਨੂੰ ਘਟਾ ਕੇ ਜ਼ੀਰੋ ਕਰ ਦੇਵੇਗਾ | ਅਮਰੀਕੀ ਵਪਾਰ ਪ੍ਰਤੀਨਿਧੀ ਜੇਮੀਸਨ ਗ੍ਰੀਰ ਨੇ ਇਸ ਸਮਝੌਤੇ ਨੂੰ ਇਕ ਵੱਡੀ ਜਿੱਤ ਦੱਸਿਆ, ਨਾਲ ਹੀ ਇਹ ਵੀ ਕਿਹਾ ਕਿ ਭਾਰਤ ਕੁਝ ਖਾਸ ਖੇਤਰਾਂ 'ਤੇ ਆਪਣਾ ਕੰਟਰੋਲ ਬਣਾਈ ਰੱਖੇਗਾ, ਜਿਨ੍ਹਾਂ ਨੂੰ ਸੁਰੱਖਿਆ ਮਿਲੀ ਹੋਈ ਹੈ | ਗ੍ਰੀਰ ਨੇ ਕਿਹਾ ਕਿ ਅਮਰੀਕਾ ਭਾਰਤ 'ਤੇ ਕੁਝ ਪੱਧਰ ਦਾ ਟੈਰਿਫ਼ 18 ਫੀਸਦੀ ਬਣਾਈ ਰੱਖੇਗਾ, ਪਰ ਉਹ ਵੀ ਸਾਡੇ ਲਈ ਕਈ ਤਰ੍ਹਾਂ ਦੇ ਖੇਤੀ ਉਤਪਾਦਾਂ, ਰਸਾਇਣਾਂ, ਨਿਰਮਾਣ ਵਸਤਾਂ, ਮੈਡੀਕਲ ਡਿਵਾਇਸਾਂ ਆਦਿ 'ਤੇ ਆਪਣੇ ਟੈਰਿਫ਼ ਘੱਟ ਕਰਨ 'ਤੇ ਸਹਿਮਤ ਹੋਏ ਹਨ | ਇਹ ਦੋਵਾਂ ਦੇਸ਼ਾਂ ਲਈ ਇਕ ਰੋਮਾਂਚਕ ਮੌਕਾ ਹੈ |