ਉਲਾਨਬਾਟੋਰ (ਮੰਗੋਲੀਆ), 2 ਅਪ੍ਰੈਲ (ਪੀ.ਟੀ.ਆਈ.)-ਭਾਰਤੀ ਮੁੱਕੇਬਾਜ਼ ਆਦਿੱਤਿਆ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਇੱਥੇ ਕਰਵਾਏ ਗਏ ਏਸ਼ੀਅਨ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਦੇ ਚੌਥੇ ਦਿਨ ਸ਼ਾਨਦਾਰ ਜਿੱਤ ਦਰਜ ਕੀਤੀ | ਰਾਸ਼ਟਰੀ ਚੈਂਪੀਅਨ ਆਦਿੱਤਿਆ ਨੇ ਪੁਰਸ਼ਾਂ ਦੇ 65 ਕਿਲੋਗ੍ਰਾਮ ਵਰਗ ਵਿਚ ਸਾਊਦੀ ਅਰਬ ਦੇ ਮੂਸਾ ਅਲਹੌਸਾ ਦੇ ਖਿਲਾਫ ਆਪਣੇ ਮੁਕਾਬਲੇ ਦੌਰਾਨ ਪੂਰਾ ਕੰਟਰੋਲ ਬਣਾਈ ਰੱਖਿਆ, ਸਰਬਸੰਮਤੀ ਨਾਲ 5-0 ਦੇ ਫੈਸਲੇ ਨਾਲ ਜਿੱਤ ਪ੍ਰਾਪਤ ਕੀਤੀ | ਆਦਿੱਤਿਆ ਨੇ ਇਸ ਸਾਲ ਜਨਵਰੀ ਵਿਚ ਕਰਵਾਈ ਗਈ 9ਵੀਂ ਏਲੀਟ ਪੁਰਸ਼ ਰਾਸ਼ਟਰੀ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਵਿਚ ਸੋਨ ਤਗਮਾ ਜਿੱਤਿਆ ਸੀ | ਅਗਲੇ ਦÏਰ 'ਚ ਆਦਿੱਤਿਆ ਨੂੰ ਉਜ਼ਬੇਕਿਸਤਾਨ ਦੇ ਅਬਦੁੱਲੋਹ ਮਾਦਾਮਿਨੋਵ ਤੋਂ ਇਕ ਸਖ਼ਤ ਚੁਣÏਤੀ ਦਾ ਸਾਹਮਣਾ ਕਰਨਾ ਪਵੇਗਾ | ਇਸ ਮੁਕਾਬਲੇ 'ਚ ਮਹਾਂਦੀਪ ਭਰ ਦੇ ਚੋਟੀ ਦੇ ਐਥਲੀਟ ਹਿੱਸਾ ਲੈ ਰਹੇ ਹਨ | ਭਾਰਤੀ ਮੁੱਕੇਬਾਜ਼ਾਂ ਨੇ ਹੁਣ ਤੱਕ ਵਧੀਆ ਪ੍ਰਦਰਸ਼ਨ ਕੀਤਾ ਹੈ |
