ਲੰਡਨ, 1 ਮਈ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਜੈਪੁਰ ਦੀ ਮਹਾਰਾਣੀ ਗਾਇਤਰੀ ਦੇਵੀ ਦੇ ਸੰਗ੍ਰਹਿ 'ਚੋਂ ਇਕ ਦੁਰਲੱਭ 17ਵੀਂ ਸਦੀ ਦਾ ਪਿੱਤਲ ਦਾ ਖਗੋਲੀ ਸੁਪਰ ਕੰਪਿਊਟਰ (ਐਸਟ੍ਰੋਲੇਬ) ਲੰਡਨ ਦੇ ਸੋਥਬੀ ਨਿਲਾਮੀ ਘਰ ਵਿਚ ਨਿਲਾਮ ਕੀਤਾ ਗਿਆ | ਇਹ ਸੁਪਰ ਕੰਪਿਊਟਰ 'ਆਰਟ ਆਫ਼ ਦ ਇਸਲਾਮਿਕ ਵਰਲਡ ਐਂਡ ਇੰਡੀਆ' ਪ੍ਰਦਰਸ਼ਨੀ ਦਾ ਹਿੱਸਾ ਸੀ | ਜੋ ਬੀਤੇ ਕੱਲ 20 ਲੱਖ 42 ਹਜ਼ਾਰ ਪੌਂਡ ਦਾ ਵਿਕਿਆ | 1612 ਦਾ ਇਹ ਸੁਪਰ ਕੰਪਿਊਟਰ ਆਪਣੀ ਕਿਸਮ ਦਾ ਸਭ ਤੋਂ ਵੱਡਾ ਮੰਨਿਆ ਜਾਂਦਾ ਸੀ ਤੇ 2 ਭਰਾਵਾਂ ਕਾਇਮ ਮੁਹੰਮਦ ਅਤੇ ਮੁਹੰਮਦ ਮੁਕੀਮ ਦੁਆਰਾ ਲਾਹੌਰ ਵਿਚ ਇਕ ਮੁਗਲ ਹੁਕਮਰਾਨ ਅੱਕਾ ਅਫਜ਼ਲ ਲਈ ਬਣਾਇਆ ਗਿਆ ਸੀ | ਇਹ ਯੰਤਰ ਮਹਾਰਾਜਾ ਸਵਾਈ ਮਾਨ ਸਿੰਘ ਦੂਜੇ ਦੇ ਸ਼ਾਹੀ ਸੰਗ੍ਰਹਿ ਦਾ ਹਿੱਸਾ ਰਿਹਾ ਤੇ ਬਾਅਦ ਵਿੱਚ ਉਸਦੀ ਪਤਨੀ ਗਾਇਤਰੀ ਦੇਵੀ ਤੇ ਫਿਰ ਇਕ ਨਿੱਜੀ ਸੰਗ੍ਰਹਿ ਨੂੰ ਦਿੱਤਾ ਗਿਆ | ਨਿਲਾਮੀ ਵਿਚ ਹੋਰ ਮਹੱਤਵਪੂਰਨ ਕਲਾਕਿ੍ੀਆਂ 'ਚ ਜਹਾਂਗੀਰ ਦੀ ਇਕ ਮੁਗਲ-ਯੁੱਗ ਦੀ ਪੇਂਟਿੰਗ 256,000 ਪੌਂਡ ਦੀ ਵਿਕੀ ਹੈ ਜਿਸ 'ਚ ਜਹਾਂਗੀਰ ਤੇ ਆਸਿਫ ਖਾਨ ਵਿਖਾਈ ਦਿੰਦੇ ਹਨ¢ ਜਦਕਿ ਜਹਾਂਗੀਰ ਤੇ ਉਸ ਦੇ ਪੁੱਤਰ ਖੁਰਮ ਦੀ ਪੇਂਟਿੰਗ 3 ਲੱਖ 84 ਹਜ਼ਾਰ ਪੌਂਡ ਦੀ ਨਿਲਾਮ ਹੋਈ ਹੈ | ਇਸ ਤੋਂ ਇਲਾਵਾ ਭਾਰਤ ਨਾਲ ਸਬੰਧਤ ਕਈ ਕਲਾ ਕ੍ਰਿਤਾਂ ਨਿਲਾਮ ਹੋਈਆਂ ਹਨ |
