ਔਰਤ ਦੀ ਹੱਤਿਆ ਦੇ ਮਾਮਲੇ ’ਚ ਗੈਰ ਕਾਨੂੰਨੀ ਪ੍ਰਵਾਸੀ ਗ੍ਰਿਫਤਾਰ

ਸੈਕਰਾਮੈਂਟੋ, 21 ਅਗਸਤ (ਹੁਸਨ ਲੜੋਆ ਬੰਗਾ)-ਵਰਜੀਨੀਆ ਪੁਲਿਸ ਨੇ ਗ੍ਰੇਟ ਫਾਲਸ ’ਚ ਔਰਤ ਦੀ ਹੱਤਿਆ ਦੇ ਮਾਮਲੇ ’ਚ ਇਕ ਸ਼ੱਕੀ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ| ਫੇਅਰਫੈਕਸ ਕਾਉਂਟੀ ਪੁਲਿਸ ਨੇ 42 ਸਾਲਾ ਕਾਰਮੇਨ ਲਿਜ਼ੇਟ ਪੁਚ ਦੇ ਕਤਲ ਦੇ ਸਬੰਧ ’ਚ 19 ਸਾਲਾ ਅਲੈਕਸਿਸ ਐਂਟੋਨੀਓ ਸੇਡੀਲੋਸ-ਕੈਂਪੋਸ ਨੂੰ ਗ੍ਰਿਫ਼ਤਾਰ ਕੀਤਾ| ਪੁਚ ਸੋਮਵਾਰ ਨੂੰ ਮ੍ਰਿਤਕ ਮਿਲੀ ਸੀ| ਸੰਘੀ ਅਧਿਕਾਰੀਆਂ ਨੇ ਸੇਡੀਲੋਸ-ਕੈਂਪੋਸ ਦੀ ਪਛਾਣ ਐਲ ਸੈਲਵਾਡੋਰ ਦੇ ਇਕ ਗੈਰ-ਦਸਤਾਵੇਜ਼ੀ ਪ੍ਰਵਾਸੀ ਵਜੋਂ ਕੀਤੀ ਹੈ| ਪੁਲਿਸ ਅਨੁਸਾਰ ਸੇਡੀਲੋਸ-ਕੈਂਪੋਸ ਅਤੇ ਪੁਚ ਸਹਿਕਰਮੀ ਸਨ ਤੇ ਉਨਾਂ ਦਾ ਆਪਸ ਵਿਚ ਗੂੜਾ ਰਿਸ਼ਤਾ ਵੀ ਸੀ| ਪੁਲਿਸ ਮੁਖੀ ਕੇਵਿਨ ਡੇਵਿਸ ਨੇ ਇਕ ਪ੍ਰੈਸ ਕਾਨਫਰੰਸ ਵਿਚ ਕਿਹਾ ਕਿ ਔਰਤ ਨੂੰ ਬਹੁਤ ਹੀ ਬੇਰਹਿਮ ਨਾਲ ਮਾਰਿਆ ਗਿਆ, ਉਸ ਦੇ ਸਰੀਰ ’ਤੇ ਚਾਕੂ ਨਾਲ ਕਈ ਵਾਰ ਕੀਤੇ ਗਏ ਸਨ| ਪੁਲਿਸ ਮੁਖੀ ਨੇ ਕਿਹਾ ਕਿ ਪੁਚ ਦੀ ਹੱਤਿਆ ਵੇਲੇ ਦੀ ਸਾਡੇ ਕੋਲ ਸ਼ੱਕੀ ਦੀ ਵੀਡੀਓ ਫੁਟੇਜ ਹੈ। ਡੇਵਿਸ ਦੇ ਅਨੁਸਾਰ, ਸੇਡੀਲੋਸ-ਕੈਂਪੋਸ ਨੂੰ ਬੁੱਧਵਾਰ ਸਵੇਰੇ ਮੈਰੀਲੈਂਡ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਤੇ ਉਸ ਨੇ ਕਤਲ ਦੇ ਦੋਸ਼ਾਂ ਨੂੰ ਮੰਨ ਲਿਆ ਹੈ| 21Hussan (2) ਅਲੈਕਸਿਸ ਐਂਟੋਨੀਓ ਸੇਡੀਲੋਸ-ਕੈਂਪੋਸ