ਸ਼ਿਰਡੀ ਸਾਈਾ ਬਾਬਾ ਦੇ ਦਰਸ਼ਨਾਂ ਲਈ ਸ਼ਰਧਾਲੂਆਂ ਦਾ ਸਮੂਹ ਕੈਥਲ ਤੋਂ ਰਵਾਨਾ ਹੋਇਆ

ਅ

ਅਜੀਤ ਡੈਸਕ 11-06-2026

ਗੂਹਲਾ ਚੀਕਾ (ਕੈਥਲ), 10 ਜੂਨ (ਓ ਪੀ ਸੈਣੀ)-ਸ਼ਿਰਡੀ ਸਾਈਾ ਬਾਬਾ ਦੇ ਦਰਸ਼ਨਾਂ ਲਈ ਸ਼ਰਧਾਲੂਆਂ ਦਾ ਇਕ ਸਮੂਹ ਬੀਤੀ ਰਾਤ ਕੈਥਲ ਰੇਲਵੇ ਸਟੇਸ਼ਨ ਤੋਂ ਰਵਾਨਾ ਹੋਇਆ | ਕੈਥਲ ਤੋਂ ਸ਼ਿਰਡੀ ਸਾਈਾ ਬਾਬਾ ਦੇ ਅਣਥੱਕ ਸ਼ਰਧਾਲੂ ਅਨਿਲ ਸਲੂਜਾ, ਸੁਸ਼ੀਲ ਰਹੇਜਾ ਅਤੇ ਟਿਮੀ ਮਦਨ ਦਾ ਕੈਥਲ ਰੇਲਵੇ ਸਟੇਸ਼ਨ 'ਤੇ ਕੈਥਲ ਸਾਈਾ ਮੰਦਰ ਦੇ ਸਾਬਕਾ ਪ੍ਰਧਾਨ ਨਵੀਨ ਮਲਹੋਤਰਾ ਅਤੇ ਸੀਨੀਅਰ ਪੱਤਰਕਾਰ, ਸਾਈਾ ਮੰਦਰ ਦੇ ਮੁਖੀ ਨਿਤਿਨ ਗੁਗਲਾਨੀ, ਦੀਪੂ ਸਲੂਜਾ, ਮਹਿੰਦਰ ਕਾਮਰਾ ਅਤੇ ਕੈਥਲ ਵਿਚ ਇਕ ਧਾਰਮਿਕ ਸੰਗਠਨ ਸ੍ਰੀ ਸਾਈਾ ਕੀ ਰਸੋਈ ਦੇ ਸੀਨੀਅਰ ਵਲੰਟੀਅਰ ਦੀਪਕ ਕੁਮਾਰ ਨੇ ਸਨਮਾਨਿਤ ਕੀਤਾ | ਉਨ੍ਹਾਂ ਨੇ ਸ਼ਿਰਡੀ ਜਾਣ ਵਾਲੇ ਸਾਈਾ ਭਗਤਾਂ ਨੂੰ ਇਕ ਸੁਹਾਵਣੀ ਧਾਰਮਿਕ ਯਾਤਰਾ ਦੀ ਕਾਮਨਾ ਕੀਤੀ | ਕੈਥਲ ਸਾਈਾ ਮੰਦਿਰ ਦੇ ਸਾਬਕਾ ਪ੍ਰਧਾਨ ਨਵੀਨ ਮਲਹੋਤਰਾ ਨੇ ਕਿਹਾ ਕਿ ਹਰਿਆਣਾ, ਪੰਜਾਬ, ਹਿਮਾਚਲ ਪ੍ਰਦੇਸ਼, ਕੈਥਲ, ਕਰਨਾਲ, ਅੰਬਾਲਾ, ਪਾਣੀਪਤ ਅਤੇ ਹੋਰ ਥਾਵਾਂ ਤੋਂ ਹਜ਼ਾਰਾਂ ਸ਼ਰਧਾਲੂ ਹਰ ਰੋਜ਼ ਸਾਈਾ ਬਾਬਾ ਦੇ ਦਰਸ਼ਨਾਂ ਲਈ ਸ਼ਿਰਡੀ ਜਾਂਦੇ ਹਨ |
ਸਾਈਾ ਭਗਤਾਂ ਨੇ ਰੇਲਵੇ ਮੰਤਰੀ ਨੂੰ ਸ਼ਿਰਡੀ ਜਾਣ ਵਾਲੇ ਸ਼ਰਧਾਲੂਆਂ ਲਈ ਕਾਲਕਾ ਤੋਂ ਸ਼ਿਰਡੀ ਲਈ ਰੋਜ਼ਾਨਾ ਸਾਈਾ ਨਗਰ ਐਕਸਪ੍ਰੈੱਸ ਟ੍ਰੇਨ ਸ਼ੁਰੂ ਕਰਨ ਦੀ ਬੇਨਤੀ ਕੀਤੀ ਹੈ¢