ਕਾਲਾਂਵਾਲੀ/ਸਿਰਸਾ, 3 ਜੁਲਾਈ (ਭੁਪਿੰਦਰ ਪੰਨੀਵਾਲੀਆ)- ਰਾਸ਼ਟਰੀ ਡਾਕਟਰ ਦਿਵਸ/ਚਾਰਟਰਡ ਅਕਾਊਂਟੈਂਟ ਦਿਵਸ ਦੇ ਮੌਕੇ ’ਤੇ ਭਾਰਤ ਵਿਕਾਸ ਪ੍ਰੀਸ਼ਦ ਨੇ ਇੱਕ ਨਿੱਜੀ ਰੈਸਟੋਰੈਂਟ ਵਿਚ ਡਾਕਟਰਾਂ ਅਤੇ ਚਾਰਟਰਡ ਅਕਾਊਂਟੈਂਟਾਂ ਨੂੰ ਸਨਮਾਨਿਤ ਕੀਤਾ। ਭਾਰਤ ਵਿਕਾਸ ਪਰੀਸ਼ਦ ਕਾਲਾਂਵਾਲੀ ਦੇ ਪ੍ਰਧਾਨ ਅਜੈ ਗਰਗ ਜੈਮਕੋ ਨੇ ਮੌਜੂਦ ਸਾਰੇ ਡਾਕਟਰਾਂ ਅਤੇ ਚਾਰਟਰਡ ਅਕਾਊਂਟੈਂਟਾਂ ਦਾ ਸਵਾਗਤ ਕੀਤਾ। ਸੰਸਥਾਪਕ ਪ੍ਰਧਾਨ ਦਿਨੇਸ਼ ਗਰਗ ਜੈਨ ਨੇ ਕੌਂਸਲ ਦੇ ਪੰਜ ਮੁੱਲਾਂ: ਸੰਪਰਕ, ਸਹਿਯੋਗ, ਕਦਰਾਂ-ਕੀਮਤਾਂ, ਸੇਵਾ ਅਤੇ ਸਮਰਪਣ ’ਤੇ ਚਾਨਣਾ ਪਾਇਆ ਅਤੇ ਪਰੀਸ਼ਦ ਦੇ ਸੇਵਾ ਕਾਰਜਾਂ ਦਾ ਸੰਖੇਪ ਵਿਚ ਵਰਣਨ ਕੀਤਾ। ਉਨ੍ਹਾਂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਡਾਕਟਰ ਆਪਣੇ ਗਿਆਨ, ਸੇਵਾ ਅਤੇ ਸਮਰਪਣ ਰਾਹੀਂ ਮਨੁੱਖੀ ਜੀਵਨ ਦੀ ਰੱਖਿਆ ਕਰਦੇ ਹਨ ਅਤੇ ਸਮਾਜ ਨੂੰ ਸਿਹਤਮੰਦ ਅਤੇ ਸੁਰੱਖਿਅਤ ਰੱਖਣ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਉਨ੍ਹਾਂ ਦੀ ਨਿਰਸਵਾਰਥ ਸੇਵਾ ਲਈ ਧੰਨਵਾਦ ਪ੍ਰਗਟ ਕਰਦੇ ਹੋਏ ਪਰੀਸ਼ਦ ਨੇ ਉਨ੍ਹਾਂ ਦਾ ਸਨਮਾਨ ਕੀਤਾ। ਇਸ ਮੌਕੇ ਡਾ. ਮਨੀਸ਼ ਗੁਪਤਾ, ਡਾ. ਨਵੀਨ ਮੋਂਗਾ, ਡਾ. ਭੂਸ਼ਣ ਗਰਗ, ਡਾ. ਮੀਨਾਕਸ਼ੀ ਅਗਰਵਾਲ, ਡਾ. ਸੋਨੀ ਸ਼ਰਮਾ, ਡਾ. ਰਵੀ ਕੁਮਾਰ, ਅੱਖਾਂ ਦੇ ਮਾਹਰ ਡਾ. ਕਸ਼ਮੀਰ, ਡਾ. ਸੋਹਨ ਸਿੰਘ, ਸੀਏ ਅਮਨਦੀਪ ਗੋਇਲ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਸਮਾਗਮ ਵਿਚ ਪਰੀਸ਼ਦ ਦੇ ਪ੍ਰਧਾਨ ਅਜੈ ਗਰਗ ਜੈਮਕੋ, ਸੰਸਥਾਪਕ ਦਿਨੇਸ਼ ਗਰਗ ਜੈਨ, ਸਕੱਤਰ ਸਤੀਸ਼ ਰਾਜਪਾਲ, ਹੀਰਾ ਸਿੰਘ ਅਰਨੇਜਾ, ਪੂਰਨ ਚੰਦ ਨਾਗਰ, ਡਾ. ਮਨੀਸ਼ ਗੁਪਤਾ, ਡਾ. ਨਵੀਨ ਮੋਂਗਾ, ਅਮਨਦੀਪ ਗੋਇਲ, ਰਾਕੇਸ਼ ਜੈਨ, ਭਾਰਤ ਭੂਸ਼ਣ ਜੈਨ, ਤੁਸ਼ਾਰ ਗਰਗ ਆਦਿ ਮੌਜੂਦ ਸਨ।
