ਜਲੰਧਰ, 24 ਅਪ੍ਰੈਲ (ਡਾ.ਜਤਿੰਦਰ ਸਾਬੀ)-ਸਕੂਲ ਗੇਮਜ ਫੈਡਰੇਸ਼ਨ ਆਫ ਇੰਡੀਆ ਵਲੋਂ 28 ਅਪ੍ਰੈਲ ਤੋਂ ਰੋਹਤਕ (ਹਰਿਆਣਾ) ਵਿਖੇ ਕਰਵਾਈ ਜਾ ਰਹੀ ਅੰਡਰ 17 ਸਾਲ ਲੜਕੀਆਂ ਦੇ ਵਰਗ ਦੀ ਨੈਸ਼ਨਲ ਸਕੂਲ ਗੇਮਜ਼ ਚੈਂਪੀਅਨਸ਼ਿਪ 'ਚ ਜਲੰਧਰ ਦੀ ਦੋ ਖਿਡਾਰਨਾਂ ਦੀ ਪੰਜਾਬ ਟੀਮ 'ਚ ਚੋਣ ਹੋਈ ਹੈ | ਪੰਜਾਬ ਟੀਮ 'ਚ ਚੁਣੀਆਂ ਗਈਆਂ ਖਿਡਾਰਨਾਂ 'ਚ ਆਰਤੀ ਸ਼ਰਮਾਂ ਜੋ ਸਰਕਾਰੀ ਗਰਲਜ ਸੀਨੀਅਰ ਸੈਕੰਡਰੀ ਸਕੂਲ ਆਦਰਸ਼ ਨਗਰ ਜਲੰਧਰ ਤੇ ਇਸ ਦੇ ਨਾਲ ਹੀ ਵਨੀਸ਼ਾ ਜੋ ਗੁਰੂ ਅੰਗਦ ਦੇਵ ਪਬਲਿਕ ਸਕੂਲ ਜਲੰਧਰ ਦੀ ਵਿਦਿਆਰਥਣ ਦੀ ਚੋਣ ਹੋਈ ਹੈ | ਇਸ ਦੇ ਨਾਲ ਹੀ ਇਨ੍ਹਾਂ ਖਿਡਾਰਨਾਂ ਦੀ ਕੋਚ ਸ਼ਰਨਦੀਪ ਕੌਰ ਜੋ ਕਿ ਸਰਕਾਰੀ ਗਰਲਜ ਸੀਨੀਅਰ ਸੈਕੰਡਰੀ ਸਕੂਲ ਆਦਰਸ਼ ਨਗਰ ਜਲੰਧਰ ਵਿਖੇ ਬਤੌਰ ਡੀ. ਪੀ. ਈ. ਸੇਵਾ ਨਿਭਾਅ ਰਹੀ ਹੈ ਤੇ ਇਸ ਦੇ ਨਾਲ ਹੀ ਬਰਲਟਨ ਪਾਰਕ ਕਿ੍ਕਟ ਸਟੇਡੀਅਮ 'ਚ ਜੇ. ਡੀ. ਸੀ. ਏ. ਦੀਆਂ ਮਹਿਲਾ ਕ੍ਰਿਕਟ ਖਿਡਾਰਨਾਂ ਨੂੰ ਸਵੇਰ ਤੇ ਸ਼ਾਮ ਵੇਲੇ ਕੋਚਿੰਗ ਵੀ ਦਿੰਦੀ ਹੈ ਜੋ ਕਿ ਜ਼ਿਲ੍ਹਾ ਜਲੰਧਰ ਦੇ ਲਈ ਮਾਣ ਵਾਲੀ ਗੱਲ ਹੈ | ਹੁਣ ਪੰਜਾਬ ਸਕੂਲ ਦੀ ਕ੍ਰਿਕਟ ਟੀਮ ਜੋ ਨੈਸ਼ਨਲ ਸਕੂਲ ਗੇਮਜ 'ਚ ਹਿੱਸਾ ਲੈਣ ਲਈ ਜਾਵੇਗੀ ਉਸ ਟੀਮ ਦੀ ਮਹਿਲਾ ਕੋਚ ਵੀ ਜਲੰਧਰ ਦੀ ਸ਼ਰਨਦੀਪ ਕੌਰ ਨੂੰ ਨਿਯੁਕਤ ਕੀਤਾ ਗਿਆ ਹੈ | ਪੰਜਾਬ ਟੀਮ 'ਚ ਚੁੁਣੀਆਂ ਗਈਆਂ ਖਿਡਾਰਨਾਂ ਤੇ ਕੋਚ ਸ਼ਰਨਦੀਪ ਕੌਰ ਦੀ ਨਿਯੁਕਤੀ ਤੇ ਪਿ੍ੰਸੀਪਲ ਕਮਲ ਗੁਪਤਾ ਨੇ ਵਧਾਈ ਦਿੱਤੀ ਹੈ |
