ਜਲੰਧਰ, 24 ਅਪ੍ਰੈਲ (ਸ਼ਿਵ)-ਬੀਤੇ ਦਿਨੀਂ ਕੰਮ ਡਰਾਈਵਿੰਗ ਟਰੈਕ 'ਤੇ ਕੰਮ ਪ੍ਰਭਾਵਿਤ ਹੋਣ ਕਰਕੇ ਕਈ ਲੋਕਾਂ ਨੂੰ ਪੇ੍ਰਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ ਸੀ ਕਿਉਂਕਿ ਇਕ ਕਰਮਚਾਰੀ ਤੈਅ ਸਮੇਂ ਤੋਂ ਪਹਿਲਾਂ ਹੀ ਘਰ ਚਲੇ ਗਏ ਸਨ ਤਾਂ ਇਸ ਮਾਮਲੇ ਨੂੰ ਆਰ. ਟੀ. ਓ. ਬਲਜਿੰਦਰ ਸਿੰਘ ਢਿੱਲੋਂ ਨੇ ਗੰਭੀਰਤਾ ਨਾਲ ਲਿਆ ਹੈ | ਉਨਾਂ ਨੇ ਇਸ ਮਾਮਲੇ 'ਚ ਸੰਬੰਧਿਤ ਕਰਮਚਾਰੀ ਤੋਂ ਜਵਾਬ ਤਲਬੀ ਕਰਦੇ ਹੋਏ ਕਿਹਾ ਹੈ ਕਿ 22 ਅਪ੍ਰੈਲ ਨੂੰ ਡਰਾਈਵਿੰਗ ਟਰੈਕ 'ਤੇ 2 ਘੰਟੇ ਲਾਈਟ ਚਲੀ ਜਾਣ ਕਾਰਨ ਟਰੈਕ ਦਾ ਕੰਮ ਪ੍ਰਭਾਵਿਤ ਹੋ ਰਿਹਾ ਸੀ | ਸ਼ਾਮ ਨੂੰ ਜਦੋਂ ਟਰੈਕ ਦਾ ਕੰਮ ਚੱਲਿਆ ਤਾਂ ਉਹ 4 ਵਜੇ ਹੀ ਛੁੱਟੀ ਕਰਕੇ ਚਲੇ ਗਏ | ਜਦਕਿ ਛੁੱਟੀ ਦਾ ਸਮਾਂ 5 ਵਜੇ ਦਾ ਹੈ | ਆਪ ਕਿਸੇ ਨੂੰ ਦੱਸੇ ਬਿਨਾਂ ਹੀ ਟਰੈਕ ਤੋਂ ਚਲੇ ਗਏ ਜੋ ਕਿ ਬਿਲਕੁਲ ਗ਼ਲਤ ਹੈ | ਆਰ. ਟੀ. ਓ. ਨੇ ਇਸ ਮਾਮਲੇ 'ਚ ਆਪਣਾ ਸਪੱਸ਼ਟੀਕਰਨ ਦੋ ਦਿਨ ਦੇ ਅੰਦਰ ਪੇਸ਼ ਕਰਨ ਲਈ ਕਿਹਾ ਹੈ ਤੇ ਜਵਾਬ ਨਾ ਦੇਣ ਦੀ ਸੂਰਤ 'ਚ ਕਰਮਚਾਰੀ ਖ਼ਿਲਾਫ਼ ਕਾਰਵਾਈ ਕਰਨ ਦੀ ਗੱਲ ਕਹੀ ਗਈ ਹੈ |
