ਜਲੰਧਰ ਵਾਰਡ ਨੰਬਰ ਦੋ ਹਰਗੋਬਿੰਦ ਨਗਰ ਰੇਰੂ ਪਿੰਡ ਦੇ ਕੌਂਸਲਰ ਹਰਪ੍ਰੀਤ ਵਾਲੀਆ ਨੇ ਦੱਸਿਆ ਹੈ ਕਿ ਹਰਿਗੋਬਿੰਦ ਨਗਰ ਪਿਛਲੇ 10 ਦਿਨਾਂ ਤੋਂ ਸੀਵਰੇਜ ਨਾਲ ਡੁੱਬਿਆ ਪਿਆ ਹੈ |?ਇਸ ਬਾਰੇ ਨਗਰ ਨਿਗਮ ਅਧਿਕਾਰੀਆਂ ਨੂੰ ਸ਼ਿਕਾਇਤ ਕੀਤੀ ਜਾਂਦੀ ਹੈ ਤਾਂ ਉਨ੍ਹਾਂ ਵਲੋਂ ਭਰੋਸਾ ਦਿੱਤਾ ਜਾਂਦਾ ਹੈ ਕਿ ਸੀਵਰ ਸਫ਼ਾਈ ਲਈ ਗੱਡੀ ਭੇਜਦੇ ਹਾਂ ਪਰ ਕੋਈ ਸੁਣਵਾਈ ਨਹੀਂ ਹੈ | ਹਰਗੋਬਿੰਦ ਨਗਰ ਪੂਰਾ ਇਲਾਕਾ ਡੁੱਬਿਆ ਪਿਆ ਹੈ ਤੇ ਲੋਕਾਂ ਦਾ ਘਰਾਂ ਵਿਚੋਂ ਨਿਕਲਣਾ ਔਖਾ ਹੋ ਰਿਹਾ ਹੈ | ਹਰਪ੍ਰੀਤ ਵਾਲੀਆ ਨੇ ਕਿਹਾ ਕਿ ਰੇਰੂ ਪਿੰਡ ਵਿਚ ਜਿਸ ਦਾ ਸੀਵਰ ਸਫ਼ਾਈ ਦਾ ਟੈਂਡਰ ਵੀ ਨਹੀਂ ਹੋਇਆ ਹੈ ਉੱਥੇ ਵੀ ਸੀਵਰਾਂ ਦੀ ਸਫ਼ਾਈ ਲਈ ਸੁਪਰ ਸਕਸ਼ਨ ਮਸ਼ੀਨਾਂ ਕੰਮ ਕਰ ਰਹੀਆਂ ਹਨ | ਜਿੱਥੇ ਪੰਜ ਛੇ ਫੁੱਟ ਪਾਣੀ ਸੀਵਰੇਜ ਦੇ ਨਾਲ ਭਰਿਆ ਹੈ | ਉੱਥੇ ਕੋਈ ਕਾਰਵਾਈ ਨਹੀਂ ਕੀਤੀ ਜਾ ਰਹੀ ਹੈ | ਕÏਾਸਲਰ ਹਰਪ੍ਰੀਤ ਵਾਲੀਆ ਨੇ ਕਿਹਾ ਕਿ ਮਸਲਾ ਹੱਲ ਨਾ ਹੋਣ 'ਤੇ ਲੋਕ ਨਾਰਾਜ਼ ਹਨ ਤੇ ਉਹ ਮੰਗਲਵਾਰ ਨੂੰ ਨਿਗਮ ਵਿਚ ਧਰਨਾ ਪ੍ਰਦਰਸ਼ਨ ਕਰਨਗੇ |
