ਜਲੰਧਰ, 4 ਜੁਲਾਈ (ਸ਼ਿਵ)-ਸਵਦੇਸ਼ੀ ਜਾਗਰਨ ਮੰਚ ਦੇ ਦੋ-ਰੋਜ਼ਾ ਪੰਜਾਬ ਰਾਜ ਵਿਚਾਰ ਵਰਗ ਦਾ ਪਹਿਲੇ ਦਿਨ ਡਾ. ਬੀ. ਆਰ. ਅੰਬੇਡਕਰ ਨੈਸ਼ਨਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (ਐਨ. ਆਈ. ਟੀ.), ਜਲੰਧਰ ਵਿਖੇ ਸ਼ੁਰੂ ਹੋਇਆ, ਜਿਸ ’ਚ ਸਿੱਖਿਆ ਮਾਹਿਰਾਂ, ਉੱਦਮੀਆਂ, ਉਦਯੋਗਪਤੀਆਂ, ਸਮਾਜਿਕ ਚਿੰਤਕਾਂ ਤੇ ਸਵਦੇਸ਼ੀ ਜਾਗਰਨ ਮੰਚ ਦੇ ਵਰਕਰਾਂ ਨੇ ਇਕ ਸਵੈ-ਨਿਰਭਰ ਤੇ ਆਰਥਿਕ ਤੌਰ ’ਤੇ ਮਜ਼ਬੂਤ ਭਾਰਤ ਬਣਾਉਣ ’ਤੇ ਵਿਚਾਰ-ਵਟਾਂਦਰਾ ਕੀਤਾ। ਨੌਜਵਾਨਾਂ ਦੀ ਭਾਗੀਦਾਰੀ, ਐਮ. ਐੱਸ. ਐਮ. ਈ. ਵਿਕਾਸ ਤੇ ਸਵਦੇਸ਼ੀ ਲਹਿਰ ਦੇ ਭਵਿੱਖ ਦੇ ਰੋਡਮੈਪ ’ਤੇ ਸਾਰਥਿਕ ਵਿਚਾਰ-ਵਟਾਂਦਰੇ ਹੋਏ। ਵਿਚਾਰ-ਵਟਾਂਦਰੇ ਨੇ ਦੇਸ਼ ਦੀ ਆਰਥਿਕਤਾ ਨੂੰ ਮਜ਼ਬੂਤ ਕਰਨ ਲਈ ਸਵਦੇਸ਼ੀ ਵਿਕਾਸ, ਨਵੀਨਤਾ, ਰੁਜ਼ਗਾਰ ਪੈਦਾ ਕਰਨ ਤੇ ਸਰਗਰਮ ਸਮਾਜਿਕ ਭਾਗੀਦਾਰੀ ਦੀ ਜ਼ਰੂਰਤ ਨੂੰ ਉਜਾਗਰ ਕੀਤਾ। ਦੀਪਕ ਜਗਾਉਣ ਦੀ ਰਸਮ ਸਵਦੇਸ਼ੀ ਜਾਗਰਨ ਮੰਚ ਦੇ ਸ੍ਰੀ ਕਸ਼ਮੀਰੀ ਲਾਲ, ਸਵਦੇਸ਼ੀ ਜਾਗਰਨ ਮੰਚ ਦੇ ਸ੍ਰੀ ਵਿਨੈ ਕੁਮਾਰ, ਡਾ. ਨੇਹਾ ਤੇਜਪਾਲ ਸੂਬਾ ਕਨਵੀਨਰ, ਸਵਦੇਸ਼ੀ ਜਾਗਰਨ ਮੰਚ, ਸੀ. ਏ. ਅਮਿੱਤ ਹਾਂਡਾ ਸਹਿ ਕਨਵੀਨਰ, ਕੌਂਸਲਰ ਕੰਵਰ ਸਰਤਾਜ ਸਿੰਘ ਜ਼ਿਲ੍ਹਾ ਕਨਵੀਨਰ, ਡਾ. ਅਨੀਸ਼ ਸਚਦੇਵਾ, ਰਜਿਸਟਰਾਰ ਡਾ. ਬੀ. ਆਰ. ਅੰਬੇਡਕਰ ਨੈਸ਼ਨਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਜਲੰਧਰ ਤੇ ਡਾ. ਰਾਜੇਸ਼ ਬੱਗਾ ਵਲੋਂ ਕੀਤੀ। ਪ੍ਰਮੁੱਖ ਬੁਲਾਰਿਆਂ ’ਚ ਡਾ. ਪਰਵਿੰਦਰ ਸ਼ੇਰੋਂ, ਵਿਵੇਕ ਰਾਠੌਰ, ਸੁਖਦੇਵ ਸਿੰਘ, ਡਾ. ਕਮਲਜੀਤ ਸਿੰਘ ਟਿੱਬਾ, ਮਨੋਜ ਅਗਰਵਾਲ, ਸਵਦੇਸ਼ੀ ਜਾਗਰਨ ਮੰਚ, ਜਲੰਧਰ ਨੇ ਸਾਰੇ ਪ੍ਰਸਿੱਧ ਬੁਲਾਰਿਆਂ, ਪਤਵੰਤਿਆਂ, ਡੈਲੀਗੇਟਾਂ ਤੇ ਭਾਗੀਦਾਰਾਂ ਦਾ ਉਨ੍ਹਾਂ ਦੀ ਕੀਮਤੀ ਮੌਜੂਦਗੀ ਅਤੇ ਸੂਝਵਾਨ ਵਿਚਾਰ-ਵਟਾਂਦਰੇ ਲਈ ਧੰਨਵਾਦ ਕੀਤਾ।
