ਜਲੰਧਰ, 27 ਜੁਲਾਈ (ਸ਼ਿਵ)- ਬਰਨਾਲਾ ਦੀ ਘਟਨਾ ਨੂੰ ਲੈ ਕੇ ਵਾਲਮੀਕਿ ਭਾਈਚਾਰੇ ਦੇ ਸੱਦੇ ’ਤੇ ਜਿੱਥੇ ਜਲੰਧਰ ਵਿਚ ਪੂਰਨ ਤੌਰ ’ਤੇ ਬੰਦ ਰੱਖਿਆ ਗਿਆ ਤਾਂ ਉਥੇ ਹੀ ਨਗਰ ਨਿਗਮ ਯੂਨੀਅਨਾਂ ਵਲੋਂ ਵੀ ਸਫ਼ਾਈ ਤੇ ਹੋਰ ਕੰਮ ਬੰਦ ਰੱਖੇ ਗਏ। ਨਗਰ ਨਿਗਮ ਯੂਨੀਅਨ ਪ੍ਰਧਾਨ ਬੰਟੂ ਸਭਰਵਾਲ ਨੇ ਦੱਸਿਆ ਕਿ ਉਨ੍ਹਾਂ ਦੀਆਂ ਯੂਨੀਅਨਾਂ ਵਲੋਂ 28 ਜੁਲਾਈ ਨੂੰ ਵੀ ਸਫ਼ਾਈ ਸਮੇਤ ਹੋਰ ਕੰਮ ਬੰਦ ਰੱਖੇ ਜਾਣਗੇ। ਦੱਸਿਆ ਜਾਂਦਾ ਹੈ ਕਿ ਬੰਟੂ ਸਭਰਵਾਲ ਆਪਣੇ ਸਾਥੀਆਂ ਨਾਲ 28 ਜੁਲਾਈ ਨੂੰ ਹੀ ਬਰਨਾਲਾ ਲਾਠੀਚਾਰਜ ਦੇ ਪੀੜਤਾਂ ਨਾਲ ਮੁਲਾਕਾਤ ਕਰਨਗੇ। ਉੱਧਰ ਅੱਜ ਯੂਨੀਅਨ ਵਲੋਂ ਕੰਮ ਬੰਦ ਰੱਖੇ ਜਾਣ ਕਾਰਨ ਰੋਸ ਵਜੋਂ ਕੂੜਾ ਅਤੇ ਸਫ਼ਾਈ ਦਾ ਕੰਮ ਬੰਦ ਰੱਖਿਆ ਗਿਆ। ਨਿਗਮ ਕਰਮਚਾਰੀਆਂ ਵਲੋਂ ਅੱਜ ਸਰਕਾਰ ਖ਼ਿਲਾਫ਼ ਨਾਅਰੇਬਾਜ਼ੀ ਕੀਤੀ ਗਈ।
