ਢਿਲਵਾਂ, 1 ਮਈ (ਪ੍ਰਵੀਨ ਕੁਮਾਰ)-ਡਿਪਸ ਕਾਲਜ ਆਫ਼ ਐਜੂਕੇਸ਼ਨ ਢਿਲਵਾਂ ਵਿਖੇ ਆਰਟ ਐਸੋਸੀਏਸ਼ਨ ਵਲੋਂ ਆਰਟ ਐਂਡ ਕਰਾਫ਼ਟ ਦੀ ਇਕ ਰੋਜ਼ਾ ਵਰਕਸ਼ਾਪ ਲਗਾਈ ਗਈ | ਇਸ ਵਰਕਸ਼ਾਪ ਵਿਚ ਫੇਵਿਕਿ੍ਲ ਕੰਪਨੀ ਤੋਂ ਟਰੇਨਰ ਰਿਤੂ ਨੇ ਵਿਦਿਆਰਥੀਆਂ ਦਾ ਮਾਰਗ ਦਰਸ਼ਨ ਕਰਦਿਆਂ ਰੰਗਾਂ, ਸਮੱਗਰੀ ਆਦਿ ਦੀ ਸਹੀ ਵਰਤੋਂ ਕਰਨ ਬਾਰੇ ਸਿਧਾਂਤਕ ਭਾਗ ਦੇ ਨਾਲ ਪ੍ਰਦਰਸ਼ਨ ਕਰਕੇ ਟੈਕਸਚਰ ਆਰਟ ਨਾਲ ਕੈਨਵਸ ਪੇਂਟਿੰਗ ਦਾ ਵਿਹਾਰਕ ਗਿਆਨ ਦਿੱਤਾ | ਇਸ ਮੌਕੇ ਵਿਦਿਆਰਥੀਆਂ ਨੇ ਵੱਖ-ਵੱਖ ਕਲਾਕਿ੍ਤੀਆਂ ਤਿਆਰ ਕੀਤੀਆਂ, ਕਾਲਜ ਦੇ ਸਾਰੇ ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਵਰਕਸ਼ਾਪ ਵਿਚ ਹਿੱਸਾ ਲਿਆ | ਇਸ ਮੌਕੇ ਕਾਲਜ ਦੇ ਪਿ੍ੰਸੀਪਲ ਡਾ. ਮੁਕੇਸ਼ ਕੁਮਾਰ, ਐਕਟੀਵਿਟੀ ਇੰਚਾਰਜ ਸੁਖਮਿੰਦਰ ਬੀਰ ਕੌਰ ਤੇ ਕਾਲਜ ਦੇ ਸਟਾਫ਼ ਨੇ ਵਿਦਿਆਰਥੀਆਂ ਦੁਆਰਾ ਕੀਤੇ ਗਏ ਕੰਮ ਦੀ ਸ਼ਲਾਘਾ ਕੀਤੀ ਅਤੇ ਰਚਨਾਤਮਿਕ ਹੁਨਰ ਨੂੰ ਵਧਾਉਣ ਲਈ ਰਿਤੂ ਦਾ ਧੰਨਵਾਦ ਵੀ ਕੀਤਾ |
