ਕਪੂਰਥਲਾ, 22 ਮਈ (ਵਿਸ਼ੇਸ਼ ਪ੍ਰਤੀਨਿਧ)-ਨਗਰ ਨਿਗਮ ਕਪੂਰਥਲਾ ਦੇ ਵਾਰਡ ਨੰਬਰ 22 ਤੋਂ ਆਜ਼ਾਦ ਉਮੀਦਵਾਰ ਤੇ ਤਿੰਨ ਵਾਰ ਕੌਂਸਲਰ ਰਹਿ ਚੁੱਕੀ ਮੋਨਿਕਾ ਗੋਇਲ ਦੇ ਹੱਕ ਵਿਚ ਸਾਬਕਾ ਕੌਂਸਲਰ ਦਵਿੰਦਰਪਾਲ ਸਿੰਘ ਰੰਗਾ ਦੀ ਅਗਵਾਈ ਵਿਚ ਉੱਘੇ ਰਾਈਸ ਮਿੱਲਰ ਜੈਪਾਲ ਗੋਇਲ, ਉੱਘੇ ਸਨਅਤਕਾਰ ਤਰਲੋਚਨ ਸਿੰਘ ਧਿੰਜਣ, ਸ਼ਾਮ ਸੁੰਦਰ ਮੱਲਣ, ਦਿਨੇਸ਼ ਗੁਪਤਾ, ਵਿਸ਼ਾਲ ਗੁਪਤਾ (ਸ਼ਾਲੂ) ਤੇ ਉਨ੍ਹਾਂ ਦੇ ਹਿਮਾਇਤੀਆਂ ਵਲੋਂ ਘਰ-ਘਰ ਜਾ ਕੇ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ | ਦਵਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਇਸ ਵਾਰਡ ਵਿਚ ਬੀਬੀ ਮੋਨਿਕਾ ਗੋਇਲ ਨੂੰ ਵੋਟਰਾਂ ਵਲੋਂ ਭਰਵਾਂ ਹੁੰਗਾਰਾ ਦਿੱਤਾ ਜਾ ਰਿਹਾ ਹੈ ਤੇ ਇਸ ਚੋਣ ਵਿਚ ਉਹ ਆਪਣੇ ਵਿਰੋਧੀ ਉਮੀਦਵਾਰਾਂ ਨੂੰ ਪਛਾੜ ਕੇ ਵੱਡੇ ਬਹੁਮਤ ਨਾਲ ਜਿੱਤ ਹਾਸਲ ਕਰਨਗੇ | ਇਸੇ ਦੌਰਾਨ ਹੀ ਤਰਲੋਚਨ ਸਿੰਘ ਧਿੰਜਣ, ਸ਼ਾਮ ਸੁੰਦਰ ਮੱਲਣ, ਦਿਨੇਸ਼ ਗੁਪਤਾ ਤੇ ਵਿਸ਼ਾਲ ਗੁਪਤਾ, ਐੱਚ.ਐੱਸ. ਬਿਜਲੀ ਵਾਲਾ, ਬੌਬੀ ਰਾਮਗੜੀਆ, ਨੇ ਵਾਰਡ ਦੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਬੀਬੀ ਗੋਇਲ ਨੂੰ ਵੱਧ ਤੋਂ ਵੱਧ ਵੋਟਾਂ ਪਾ ਕੇ ਜਿਤਾਉਣ |
