ਖਰੜ, 10 ਮਈ (ਗੁਰਮੁੱਖ ਸਿੰਘ ਮਾਨ)-ਸੰਨੀ ਇਨਕਲੇਵ ਪੁਲਿਸ ਚੌਕੀ ਖਰੜ ਵਲੋਂ ਨਾਜਾਇਜ਼ ਸ਼ਰਾਬ ਅਤੇ ਨਾਜਾਇਜ਼ ਬੀਅਰ ਦੀਆਂ ਪੇਟੀਆਂ ਸਬੰਧੀ ਥਾਣਾ ਸਿਟੀ ਖਰੜ ਵਿਖੇ ਕਾਰ ਚਾਲਕ ਦੇ ਿਖ਼ਲਾਫ਼ ਐਕਸਾਈਜ਼ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ | ਪੁਲਿਸ ਚੌਕੀ ਇੰਚਾਰਜ ਕੇਵਲ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਸਮੇਤ ਹੌਲਦਾਰ ਕਿ੍ਸ਼ਨ ਕੁਮਾਰ, ਸਿਪਾਹੀ ਪਰਵਿੰਦਰ ਸਿੰਘ, ਸਿਪਾਹੀ ਰਤਨ ਲਾਲ, ਸਿਪਾਹੀ ਚਰਨਜੀਤ ਸਿੰਘ ਨਿੱਝਰ ਚੌਾਕ ਚੰਡੀਗੜ੍ਹ ਰੋਡ 'ਤੇ ਮੌਜੂਦ ਸੀ ਕਿ ਪੁੁਲਿਸ ਨੂੰ ਇਤਲਾਹ ਮਿਲੀ ਕਿ ਚੰਡੀਗੜ੍ਹ ਤੋਂ ਇਕ ਕਾਰ ਨੰਬਰ ਪੀ. ਬੀ. 12. ਡੀ-0663 ਜਿਸ ਵਿਚ ਸ਼ਰਾਬ ਤੇ ਬੀਅਰ ਦੀਆਂ ਪੇਟੀਆਂ ਰੱਖੀਆਂ ਹੋਈਆਂ ਹਨ ਪੰਜਾਬ ਵਿਚ ਵਿਕਣ ਜਾ ਰਹੀ ਹੈ | ਪੁਲਿਸ ਨੇ ਤੁਰੰਤ ਨਾਕਾਬੰਦੀ ਕਰਕੇ ਉਕਤ ਕਾਰ ਨੂੰ ਰੋਕਿਆ ਤਾਂ ਡਰਾਈਵਰ ਗੱਡੀ ਖੜ੍ਹਾ ਕੇ ਭੱਜਣ ਵਿਚ ਸਫ਼ਲ ਹੋ ਗਿਆ | ਕਾਰ ਦੀ ਤਲਾਸ਼ੀ ਲੈਣ 'ਤੇ 31 ਬੀਅਰ ਦੀਆਂ ਪੇਟੀਆਂ, ਵੱਖ-ਵੱਖ ਬਰਾਡਾਂ ਦੀਆਂ 21 ਸ਼ਰਾਬ ਦੀਆਂ ਬੋਤਲਾਂ ਅਤੇ 11 ਪਊਏ ਬਰਾਮਦ ਕੀਤੇ ਗਏ |
