ਚੰਡੀਗੜ੍ਹ, 9 ਅਗਸਤ (ਗੁਰਪ੍ਰੀਤ ਸਿੰਘ ਜਾਗੋਵਾਲ)- ਬੈਂਕ ਤੋਂ ਕਰਜ਼ ਲੈਣ ਲਈ ਗ਼ਲਤ ਪਤਾ ਦੇਣ ਵਾਲੇ ਵਿਅਕਤੀ ਿਖ਼ਲਾਫ਼ ਪੁਲਿਸ ਨੇ ਧੋਖਾਧੜੀ ਦਾ ਮਾਮਲਾ ਦਰਜ ਕੀਤਾ ਹੈ | ਮਿਲੀ ਜਾਣਕਾਰੀ ਅਨੁਸਾਰ ਸਬੰਧਤ ਮਾਮਲੇ ਦੀ ਸ਼ਿਕਾਇਤ ਐਚ.ਡੀ.ਐਫ.ਸੀ ਬੈਂਕ ਇੰਡਸਟਰੀਅਲ ਏਰੀਆ ਦੇ ਇਲਾਕਾ ਮੈਨੇਜਰ ਅਮਿਤ ਗੁਮਬਰ ਨੇ ਪੁਲਿਸ ਨੂੰ ਦਿੱਤੀ ਹੈ | ਸ਼ਿਕਾਇਤ ਕਰਤਾ ਨੇ ਦੱਸਿਆ ਕਿ ਵਿਨੀਤ ਪਵਾਰ ਨਾਮ ਦੇ ਵਿਅਕਤੀ ਨੇ ਬੈਂਕ ਤੋਂ 62 ਹਜ਼ਾਰ ਰੁਪਏ ਕਰਜ਼ ਲੈਣ ਲਈ ਆਪਣਾ ਜਾਅਲੀ ਪਤਾ ਦਿੱਤਾ ਅਤੇ ਬੈਂਕ ਨੂੰ ਦਿੱਤੇ ਗਏ ਪੈਨ ਕਾਰਡ ਵਿਚ ਵੀ ਤਬਦੀਲੀ ਕੀਤੀ ਹੈ | ਪੁਲਿਸ ਨੇ ਸ਼ਿਕਾਇਤ 'ਤੇ ਸਬੰਧਤ ਮਾਮਲਾ ਪੁਲਿਸ ਸਟੇਸ਼ਨ ਸੈਕਟਰ 19 ਵਿਚ ਆਈ.ਪੀ.ਸੀ ਦੀ ਧਾਰਾ 420, 467, 468, 471 ਤਹਿਤ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ, ਮਾਮਲੇ ਦੀ ਜਾਂਚ ਜਾਰੀ ਹੈ |
