ਚੰਡੀਗੜ੍ਹ, 13 ਸਤੰਬਰ (ਅ. ਬ.)-20.7 ਬਿਲੀਅਨ ਅਮਰੀਕੀ ਡਾਲਰ ਦੇ ਮਹਿੰਦਰਾ ਸਮੂਹ ਦੇ ਹਿੱਸੇ ਸਵਰਾਜ ਟਰੈਕਟਰਜ਼ ਨੇ ਆਪਣੇ ਟਰੈਕਟਰਾਂ ਦੀ ਪੂਰੀ ਰੇਂਜ ਅਤੇ ਫਾਰਮ ਮਸ਼ੀਨਰੀ ਦੇ ਗਾਹਕਾਂ ਲਈ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ ਵਿਚ ਰਾਜ ਪੱਧਰ 'ਤੇ ਮੈਗਾ ਸਰਵਿਸ ਕੈਂਪ ਲਗਾਏ | ਗਾਹਕ ਕੇਂਦਰਿਤ ਇਹ ਪਹਿਲ 9 ਸਤੰਬਰ ਤੋਂ 11 ਸਤੰਬਰ ਤੱਕ 46 ਤੋਂ ਵੱਧ ਵਰਕਸ਼ਾਪਾਂ ਵਿਚ ਆਯੋਜਿਤ ਕੀਤੀ ਗਈ ਜਿਸ ਨਾਲ 7000 ਤੋਂ ਵੱਧ ਕਿਸਾਨਾਂ ਨੂੰ ਲਾਭ ਪਹੁੰਚਾਇਆ ਗਿਆ | ਸਵਰਾਜ ਦੇ ਗਾਹਕਾਂ ਨੇ ਸਿਖਲਾਈ ਪ੍ਰਾਪਤ ਟੈਕਨੀਸ਼ੀਅਨਜ਼ ਦੇ ਜ਼ਰੀਏ ਹਰੇਕ ਵਾਹਨ ਦੀ ਇਕ ਪੂਰੀ 15-ਪੁਆਇੰਟ ਦੀ ਜਾਂਚ ਦਾ ਲਾਭ ਉਠਾਇਆ ਅਤੇ ਇਹ ਸਰਵਿਸ ਬਿਲਕੁਲ ਮੁਫ਼ਤ ਮੁਹੱਈਆ ਕਰਵਾਈ ਗਈ | ਇਸ ਤੋਂ ਇਲਾਵਾ ਗਾਹਕਾਂ ਨੇ ਸਪੇਅਰ ਪਾਰਟਸ, ਲੇਬਰ ਅਤੇ ਐਕਸ. ਐਮ. ਤੇਲ 'ਤੇ ਛੋਟ ਦਾ ਵੀ ਅਨੰਦ ਲਿਆ | ਹਿੱਸਾ ਲੈਣ ਵਾਲੇ ਹਰੇਕ ਗਾਹਕ ਨੂੰ ਵਰਕਸ਼ਾਪ ਵਿਚ ਆਕਰਸ਼ਿਕ ਤੋਹਫ਼ੇ ਵੀ ਦਿੱਤੇ ਗਏ |
