* ਪ੍ਰੋ. ਜਸਵੰਤ ਸਿੰਘ ਗੰਡਮ *
ਸੂਰਜ ਨੇ ਤਾਂ ਚੜ੍ਹਨਾ ਹੀ ਹੈ
ਨਾਲ ਹਨੇਰੇ ਲੜਨਾ ਹੀ ਹੈ
ਤੂੰ ਵੀ ਤਾਂ ਹੱਥ-ਪੈਰ ਹਿਲਾ
ਮੇਟਣ ਦੇ ਲਈ ਧੁੰਦ-ਗੁਬਾਰ!
ਕੁੱਲੀਆਂ ਦੇ ਹਿੱਸੇ ਦਾ ਚਾਨਣ
ਮਹਿਲ-ਮੁਨਾਰੇ ਖਾ ਗਏ
ਆਪਣਾ ਹੱਕ ਲੈਣ ਦੀ ਖ਼ਾਤਰ
ਹੀਲਾ ਕਰ, ਕੋਈ ਹੱਲਾ ਮਾਰ!
ਰਾਤ ਦੇ ਘੁੱਪ-ਹਨੇਰੇ ਦੇ ਨਾਲ
ਦੀਵਾ, ਬੱਤੀ, ਜੁਗਨੂੰ ਪੇ ਜੂਝਣ,
ਆਪਣੇ ਹੱਡ ਬਾਲ ਕੇ ਤੂੰ ਵੀ
ਰਲ ਕੇ ਨਾ ਇਕ ਹਮਲਾ ਮਾਰ।
ਨਵੇਂ ਵਰ੍ਹੇ ਦੀ ਸੁਭਾ-ਸਵੇਰੇ
ਸੂਰਜ ਨੂੰ ਸਭ ਕਰੀਏ ਦੁਆ,
ਸੰਸਾਰ-ਅਮਨ ਤੇ ਸਹਿਣਸ਼ੀਲਤਾ
ਦੀ ਮੌਲੇ-ਵਿਗਸੇ ਸਦਾ ਬਹਾਰ!
-ਫਗਵਾੜਾ। ਮੋ: 98766-55055
