* ਹਰਦੇਵ ਸਿੰਘ 'ਭੁੱਲਰ'*
ਆਓ ਸੁੱਖ ਸਭ ਦੀ ਮਨਾਈਏ ਨਵੇਂ ਸਾਲ 'ਤੇ।
ਮੁਹੱਬਤਾਂ ਦੀ ਮਹਿਕ ਖਿੰਡਾਈਏ ਨਵੇਂ ਸਾਲ 'ਤੇ।
ਆਓ, ਸੁੱਖ ਸਭ ਦੀ ਮਨਾਈਏ ਨਵੇਂ ਸਾਲ 'ਤੇ।
ਸਰਹੱਦਾਂ ਉੱਤੇ ਕਦੇ ਹੋਣ ਨਾ ਲੜਾਈਆਂ ਬਈ।
ਭੈਣਾਂ ਨਾਲੋਂ ਵੀਰ ਪਾਉਣ ਨਾ ਜੁਦਾਈਆਂ ਬਈ।
ਆਓ, ਗੱਲ ਜੰਗ ਦੀ ਮੁਕਾਈਏ ਨਵੇਂ ਸਾਲ 'ਤੇ।
ਆਓ, ਸੁੱਖ ਸਭ ਦੀ ਮਨਾਈਏ ਨਵੇਂ ਸਾਲ 'ਤੇ।
ਨਸ਼ਿਆਂ ਤੋਂ ਦੂਰ ਰਹਿਣ ਗੱਭਰੂ ਪੰਜਾਬ ਦੇ।
ਸਦਾ ਰਹਿਣ ਮਹਿਕਦੇ ਫੁੱਲ ਸੂਹੇ ਗੁਲਾਬ ਦੇ।
ਵਿੱਛੜਿਆਂ ਨੂੰ ਗਲ ਲਾਈਏ ਨਵੇਂ ਸਾਲ 'ਤੇ।
ਆਓ, ਸੁੱਖ ਸਭ ਦੀ ਮਨਾਈਏ ਨਵੇਂ ਸਾਲ 'ਤੇ।
ਫਸਲਾਂ ਦੇ ਪੂਰੇ ਮੁੱਲ ਮਿਲਣ ਕਿਸਾਨ ਨੂੰ।
ਆਪ ਭੁੱਖਾ ਰਹਿ ਕੇ ਰੋਟੀ ਦੇਵੇ ਜੋ ਜਹਾਨ ਨੂੰ।
ਆਓ, ਇਨਸਾਫ ਦਿਵਾਈਏ ਨਵੇਂ ਸਾਲ 'ਤੇ।
ਆਓ, ਸੁੱਖ ਸਭ ਦੀ ਮਨਾਈਏ ਨਵੇਂ ਸਾਲ 'ਤੇ।
ਵਿੱਦਿਆ ਤੋਂ ਵਾਂਝਾ 'ਭੁੱਲਰਾ' ਕੋਈ ਹੋਵੇ ਨਾ।
ਭੁੱਖਾ ਮੇਰੇ ਦੇਸ਼ ਦਾ ਵਾਸੀ ਕੋਈ ਸੌਂਵੇ ਨਾ।
ਪਿਆਰ ਵਾਲੇ ਗੀਤ ਗਾਈਏ ਨਵੇਂ ਸਾਲ 'ਤੇ।
ਆਓ ਸੁੱਖ ਸਭ ਦੀ ਮਨਾਈਏ ਨਵੇਂ ਸਾਲ 'ਤੇ।
-ਪਿੰਡ ਮਸਤੇ ਵਾਲਾ (ਜ਼ੀਰਾ) ਮੋਬਾਈਲ: 94173-19048
