ਕੀਵ, 1 ਜੂਨ (ਏ.ਪੀ.)-ਯੂਕਰੇਨੀ ਫੌਜ ਸਿਖਲਾਈ ਯੂਨਿਟ ਦੇ ਸਥਾਨ 'ਤੇ ਰੂਸੀ ਮਿਜ਼ਾਈਲ ਹਮਲੇ 'ਚ ਘੱਟੋ-ਘੱਟ 12 ਯੂਕਰੇਨੀ ਸੈਨਿਕ ਮਾਰੇ ਗਏ ਅਤੇ 60 ਤੋਂ ਵੱਧ ਜ਼ਖਮੀ ਹੋ ਗਏ, ਯੂਕਰੇਨੀ ਜ਼ਮੀਨੀ ਫੌਜ ਨੇ ਇਕ ਬਿਆਨ ਜਾਰੀ ਕਰਕੇ ਇਸ ਸੰਬੰਧੀ ਜਾਣਕਾਰੀ ਦਿੱਤੀ | ਬਿਆਨ 'ਚ ਕਿਹਾ ਗਿਆ ਕਿ ਇਹ ਹਮਲਾ ਦੁਪਹਿਰ 12:50 ਵਜੇ ਹੋਇਆ | ਇਸ ਗੱਲ 'ਤੇ ਜ਼ੋਰ ਦਿੱਤਾ ਗਿਆ ਕਿ ਉਸ ਸਮੇਂ ਕਰਮਚਾਰੀਆਂ ਦਾ ਕੋਈ ਗਠਨ ਜਾਂ ਸਮੂਹਿਕ ਇਕੱਠ ਨਹੀਂ ਹੋ ਰਿਹਾ ਸੀ | ਹਮਲੇ ਦੇ ਆਲੇ ਦੁਆਲੇ ਦੇ ਹਾਲਾਤਾਂ ਦਾ ਪਤਾ ਲਗਾਉਣ ਲਈ ਇਕ ਜਾਂਚ ਕਮਿਸ਼ਨ ਬਣਾਇਆ ਗਿਆ ਹੈ | ਜ਼ਿਕਰਯੋਗ ਹੈ ਕਿ ਯੂਕਰੇਨ ਦੀਆਂ ਫੌਜਾਂ ਮਨੁੱਖੀ ਸ਼ਕਤੀ ਦੀ ਘਾਟ ਤੋਂ ਪੀੜਤ ਹਨ ਤੇ ਸਮੂਹਿਕ ਇਕੱਠਾਂ ਤੋਂ ਬਚਣ ਲਈ ਵਾਧੂ ਸਾਵਧਾਨੀਆਂ ਵਰਤਦੀਆਂ ਹਨ ਕਿਉਂਕਿ ਫਰੰਟ ਲਾਈਨ ਦੇ ਪਾਰ ਅਸਮਾਨ ਨਿਸ਼ਾਨਿਆਂ ਦੀ ਭਾਲ 'ਚ ਰੂਸੀ ਡਰੋਨਾਂ ਨਾਲ ਭਰਿਆ ਹੋਇਆ ਹੈ |
