ਗੁਰਦਾਸਪੁਰ, 5 ਦਸੰਬਰ (ਚੱਕਰਾਜਾ)- 14 ਦਸੰਬਰ ਨੰੂ ਹੋ ਰਹੀਆਂ ਬਲਾਕ ਸੰਮਤੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ ਵਿਚ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਵਲੋਂ ਹਲਕਾ ਦੀਨਾਨਗਰ ਦੇ ਇੰਚਾਰਜ ਕਮਲਜੀਤ ਚਾਵਲਾ ਵਲੋਂ ਬਲਾਕ ਸੰਮਤੀ ਦੋਰਾਂਗਲਾ ਨਾਲ ਸਬੰਧਿਤ 15 ਜ਼ੋਨਾਂ 'ਚੋਂ ਆਪਣੇ ਉਮੀਦਵਾਰਾਂ ਦੇ ਨਾਮਜ਼ਦਗੀ ਪੇਪਰ ਦਾਖ਼ਲ ਕਰਵਾਏ ਗਏ | ਉਨ੍ਹਾਂ ਦੱਸਿਆ ਕਿ ਪਾਰਟੀ ਵਲੋਂ ਡੁਗਰੀ ਜ਼ੋਨ ਤੋਂ ਮਲਕੀਤ ਚੰਦ, ਅੱਬਲ ਖੈਰ ਤੋਂ ਪੁਸ਼ਪਾ ਦੇਵੀ, ਸੁਲਤਾਨੀ ਤੋਂ ਤਿ੍ਪਤਾ ਦੇਵੀ, ਠੱਠੀ ਤੋਂ ਬੀਬੀ ਪਰਮਜੀਤ ਕੌਰ, ਸ਼ਾਹਪੁਰ ਅਫਗਾਨਾ ਤੋਂ ਹਰਪ੍ਰੀਤ ਕੌਰ, ਮਰਾੜਾ ਤੋਂ ਗੀਤੂ ਦੇਵੀ, ਦੋਰਾਂਗਲਾ ਤੋਂ ਸਤਨਾਮ ਸਿੰਘ, ਸੇਖਾ ਤੋਂ ਹਰਭਜਨ ਸਿੰਘ, ਬੁੱਗਨਾ ਤੋਂ ਕਰਨੈਲ ਸਿੰਘ, ਕਠਿਆਲੀ ਤੋਂ ਰਣਜੀਤ ਸਿੰਘ ਅਤੇ ਬਹਿਰਾਮਪੁਰ ਜ਼ੋਨ ਤੋਂ ਮੰਗਲ ਸਿੰਘ ਨੰੂ ਉਮੀਦਵਾਰ ਬਣਾਇਆ ਗਿਆ ਹੈ | ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਚੋਣਾਂ ਸੰਬੰਧੀ ਪਾਰਟੀ ਵਰਕਰਾਂ 'ਚ ਪਿੰਡਾਂ ਅੰਦਰ ਭਾਰੀ ਉਤਸ਼ਾਹ ਹੈ ਤੇ ਇਨ੍ਹਾਂ ਸੀਟਾਂ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਸ਼ਾਨਦਾਰ ਜਿੱਤ ਪ੍ਰਾਪਤ ਕਰਨਗੇ ਕਿਉਂਕਿ ਮੌਜੂਦਾ ਸਰਕਾਰ ਤੋਂ ਲੋਕਾਂ ਦਾ ਮੋਹ ਪੂਰੀ ਤਰ੍ਹਾਂ ਭੰਗ ਹੋ ਚੁੱਕਾ ਹੈ ਅਤੇ ਲੋਕ ਸਰਕਾਰ ਨੰੂ ਸਬਕ ਸਿੱਖਾਉਣ ਦੇ ਰੌਂਅ ਵਿਚ ਹਨ |
