ਨੌਸ਼ਹਿਰਾ ਮੱਝਾ ਸਿੰਘ, 24 ਦਸੰਬਰ (ਰਵੀ ਭਗਤ)- ਪ੍ਰਭੂ ਯਿਸੂ ਮਸੀਹ ਦੇ ਜਨਮ ਦਿਨ ਨੂੰ ਸਮਰਪਿਤ ਪਰੋਫਿਟ ਸੋਭ ਰਾਜ ਖੋਸਲਾ ਮਨਿਸਟਰੀ ਚਰਚ ਅਠਵਾਲ, ਸਮੂਹ ਮਸੀਹ ਸਭਾਵਾਂ ਤੇ ਇਲਾਕਾ ਨਿਵਾਸੀਆਂ ਦੇ ਸਾਂਝੇ ਸਹਿਯੋਗ ਨਾਲ ਕਿ੍ਸਮਸ ਸ਼ੋਭਾ ਯਾਤਰਾ ਕੱਢੀ ਗਈ | ਇਹ ਸ਼ੋਭਾ ਯਾਤਰਾ ਪਿੰਡ ਅਠਵਾਲ ਤੋਂ ਪਾਸਟਰਾਂ ਵਲੋਂ ਅਮਨ-ਸ਼ਾਂਤੀ ਦੀ ਬਹਾਲੀ ਤੇ ਹਰ ਘਰ ਬਰਕਤਾਂ ਆਉਣ ਦੀ ਦੁਆ ਕਰ ਕੇ ਅਰੰਭ ਕੀਤੀ ਗਈ | ਇਸ ਦੌਰਾਨ ਸੁੰਦਰ ਝਾਕੀਆਂ ਤੇ ਪਰੋਫਿਟ ਸੋਭ ਰਾਜ ਖੋਸਲਾ ਮਨਿਸਟਰੀ ਚਰਚ ਅਠਵਾਲ ਦੇ ਸਿਸਟਰ ਰੋਮਾ ਦੀ ਅਗਵਾਈ 'ਚ ਬੈਂਡ ਦੀ ਟੀਮ ਨੇ ਆਪਣੀ ਕਲਾ ਦੇ ਜੌਹਰ ਵਿਖਾਏ | ਇਸ ਸ਼ੋਭਾ ਯਾਤਰਾ ਦੇ ਦੌਰਾਨ ਸੇਵਾਦਾਰਾਂ ਵਲੋਂ ਸੰਗਤਾਂ ਦਾ ਹਾਰਦਿਕ ਸਵਾਗਤ ਕੀਤਾ | ਇਸ ਮੌਕੇ ਪਾਸਟਰ ਸਤਪਾਲ ਭੱਟੀ, ਪਾਸਟਰ ਵਿਜੈ, ਆਰਿਫ਼ ਚੌਹਾਨ, ਪਾਸਟਰ ਕਸ਼ਮੀਰ, ਪਾਸਟਰ ਤਰਸੇਮ, ਭਾਈ ਬਖਸ਼ੀ, ਭਾਈ ਰਾਜੂ, ਦੇਸ ਰਾਜ, ਨੰਬਰਦਾਰ ਉਦੈ ਅਠਵਾਲ, ਮਸੀਹ ਆਗੂ ਲਖਵਿੰਦਰ ਬਾਊ ਅਠਵਾਲ ਤੇ ਕੇਵਲ ਅਠਵਾਲ ਸਮੇਤ ਵੱਡੀ ਗਿਣਤੀ ਵਿਚ ਸੰਗਤਾਂ ਨੇ ਹਾਜ਼ਰੀ ਭਰੀ |
