ਆ ਨਵੇਂ ਵਰ੍ਹਿਆ ਤੂੰ ਆ

ਕੁਝ ਨਵਾਂ ਨਕੋਰ ਲੈ ਆ

ਲੋਕ ਉਮੀਦਾਂ ਲਾਈ ਬੈਠੇ
ਤੱਕਦੇ ਪਏ ਨੇ ਤੇਰਾ ਰਾਹ...

ਲੋਕਾਂ ਦੀ ਰੂਹ ਅੰਦਰ ਦੱਬੇ
ਅਣਵਗੇ ਹੰਝੂਆਂ ਦੇ ਜਾਪਣ ਥੱਬੇ
ਪਕੜੀਂ ਬਾਂਹ ਕਮਜ਼ੋਰਾਂ ਦੀ ਤੂੰ
ਨਿਤਾਣਿਆਂ ਨੂੰ ਗਲ਼ ਲਾ...

ਐਥੇ ਲੋਕੀਂ ਤਕੜੇ ਤੇ ਮਾੜੇ
ਮਾੜੇ ਜਾਂਦੇ ਨੇ ਸਦਾ ਲਿਤਾੜੇ
ਧਿਰ ਬਣੀ ਮਾੜਿਆਂ ਦੀ ਸੁਹਣਿਆਂ
ਹੋਵੇ ਇਕ ਵਰਤਾਅ...

ਭੋਰਾ ਖ਼ੁਸ਼ੀ ਤੋਂ ਖ਼ੁਸ਼ ਹੋ ਜਾਂਦੇ
ਲੜਦੇ ਭਿੜਦੇ ਨਾਲ ਖਲੋ ਜਾਂਦੇ
ਭੋਰਾ ਭੋਰਾ ਖ਼ੁਸ਼ੀਆਂ ਇਨ੍ਹਾਂ ਦੀਆਂ
ਭੋਰਾ ਭੋਰਾ ਚਾਅ...

ਤੂੰ ਆਵੇਂ ਤਾਂ ਬਦਲਾਅ ਆਵੇ
ਲੋਕਾਂ ਨੂੰ ਸੌਖਾ ਸਾਹ ਆਵੇ
ਇਕਸਾਰ ਕੁਦਰਤ ਦੀਆਂ ਦਾਤਾਂ
ਨੂੰ ਲਾਵੇ ਨਾ ਕੋਈ ਢਾਹ...

ਐਸ ਵਾਰ ਲੋਕਾਂ 'ਚ ਖਲੋਵੀਂ
ਲੋਕਾਂ ਵਰਗਾ ਤੂੰ ਵੀ ਹੋਵੀਂ
ਨਾਲ ਤੁਰੀ ਲੋਕਾਂ ਦੇ ਰੱਖ
ਲੋਕੀਂ ਹਾਰੇ ਤੇ ਹੰਭੇ
ਲੋਕਾਂ ਲਈ ਕੁਝ ਲੈ ਕੇ ਆਵੇਂ।

mayer_hk@yahoo.com