ਸ੍ਰੀ ਚਮਕੌਰ ਸਾਹਿਬ, 21 ਦਸੰਬਰ (ਜਗਮੋਹਣ ਸਿੰਘ ਨਾਰੰਗ)-ਸ੍ਰੀ ਚਮਕੌਰ ਸਾਹਿਬ ਦੇ ਸ਼ਹੀਦੀ ਜੋੜ ਮੇਲ ਦੌਰਾਨ ਗੁੰਮ ਹੋਏ ਪ੍ਰਵਾਸੀ ਪਰਿਵਾਰ ਦੇ ਬੱਚੇ ਨੂੰ ਪੁਲਿਸ ਵਲੋਂ ਲੱਭ ਕੇ ਮਾਪਿਆਂ ਹਵਾਲੇ ਕੀਤਾ | ਥਾਣਾ ਮੁਖੀ ਇੰਸਪੈਕਟਰ ਗੁਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਅੱਜ ਦੂਜੇ ਦਿਨ ਠਾਠਾ ਮਾਰਦੇ ਇਕੱਠ 'ਚ ਇਕ ਬੱਚਾ ਗੁੰਮ ਹੋ ਗਿਆ, ਉਸ ਦੇ ਮਾਪਿਆਂ ਵਲੋਂ ਪੁਲਿਸ ਨੂੰ ਸੂਚਿਤ ਕੀਤਾ, ਜਿਸ 'ਤੇ ਪੁਲਿਸ ਨੇ ਤੁਰੰਤ ਟੀਮਾਂ ਬਣਾ ਕੇ ਬੱਚੇ ਦੀ ਭਾਲ ਸ਼ੁਰੂ ਕਰ ਦਿੱਤੀ ਤਾਂ ਉਕਤ ਬੱਚਾ ਜਿਸ ਦਾ ਨਾਂਅ ਅਬਦੁਲ ਸਾਫ਼ੀ ਉਮਰ 9 ਸਾਲ ਸੀ, ਨੂੰ ਲੱਭ ਕੇ ਕੁਝ ਸਮੇਂ ਅੰਦਰ ਹੀ ਮਾਪਿਆਂ ਬੁਲਾ ਲਿਆ ਕੇ ਉਨ੍ਹਾਂ ਦੇ ਹਵਾਲੇ ਕਰ ਦਿੱਤਾ | ਥਾਣਾ ਮੁਖੀ ਨੇ ਦੱਸਿਆ ਕਿ ਟ੍ਰੈਫ਼ਿਕ ਪੁਲਿਸ ਦੇ ਏ. ਐਸ. ਆਈ. ਰਣਜੀਤ ਸਿੰਘ ਤੇ ਏ. ਐਸ. ਆਈ. ਬਲਜਿੰਦਰ ਸਿੰਘ ਨੇ ਕੀਤੀ ਕੋਸ਼ਿਸ਼ ਕਾਰਨ ਹੀ ਬੱਚੇ ਨੂੰ ਕੁਝ ਸਮੇਂ ਅੰਦਰ ਹੀ ਲੱਭ ਕੇ ਮਾਪੇ ਮੁਹੰਮਦ ਸਾਫ਼ੀ ਅਤੇ ਅਫ਼ਸਾਨਾ ਦੇ ਹਵਾਲੇ ਕਰ ਦਿੱਤਾ |
