ਰੁਪਾਣਾ, 25 ਦਸੰਬਰ (ਜਗਜੀਤ ਸਿੰਘ)-ਪਿੰਡ ਰੁਪਾਣਾ ਦੇ ਮਹਿਰਾ ਪਰਿਵਾਰਾਂ ਵਲੋਂ ਚਾਰ ਸਾਹਿਬਜ਼ਾਦਿਆਂ ਅਤੇ ਬਾਬਾ ਮੋਤੀ ਰਾਮ ਮਹਿਰਾ ਦੀ ਯਾਦ 'ਚ ਸ੍ਰੀ ਮੁਕਤਸਰ ਸਾਹਿਬ ਤੋਂ ਮਲੋਟ ਰੋਡ ਸਥਿਤ ਅਰਨੀਵਾਲਾ ਨਹਿਰ ਦੇ ਨਜ਼ਦੀਕ ਮੱਕੀ ਦੀ ਰੋਟੀ, ਸਰੋ੍ਹਾ ਦਾ ਸਾਗ ਤੇ ਦੁੱਧ ਦਾ ਲੰਗਰ ਲਗਾਇਆ ਗਿਆ | ਇਸ ਮੌਕੇ ਸੇਵਾਦਾਰਾਂ ਵਲੋਂ ਸੜਕ 'ਤੇ ਜਾ ਰਾਹਗੀਰਾਂ ਨੂੰ ਰੋਕ ਕੇ ਬੜੀ ਨਿਮਰਤਾ ਨਾਲ ਲੰਗਰ ਛਕਾਇਆ | ਇਸ ਮੌਕੇ ਬਹਾਦਰ ਸਿੰਘ, ਗੁਰਦੇਵ ਸਿੰਘ ਭਾਊ, ਸਾਬਕਾ ਪੰਚ ਮਹਿੰਦਰ ਸਿੰਘ, ਮੰਗਾ ਪੰਚ, ਜਸ਼ਨ, ਕੀਰਤ ਲਹੌਰੀਆ ਆਦਿ ਹਾਜ਼ਰ ਸਨ |
