ਬੰਗਾਲ 'ਚ ਚੋਣ ਨਗਾਰਾ ਵੱਜਿਆ ਅਮਿਤ ਸ਼ਾਹ-ਮਮਤਾ ਬੈਨਰਜੀ ਆਹਮੋ-ਸਾਹਮਣੇ <br/>

ਕੋਲਕਾਤਾ, 30 ਦਸੰਬਰ (ਰਣਜੀਤ ਸਿੰਘ ਲੁਧਿਆਣਵੀ)-ਐਸਆਈਆਰ ਜੋਰ-ਸ਼ੋਰ ਨਾਲ ਚੱਲ ਰਿਹਾ ਹੈ ਪੱਛਮੀ ਬੰਗਾਲ ਚ ਅੱਜ ਕੋਲਕਾਤਾ ਵਿਖੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਇਕ-ਦੁੱਜੇ ਨੂੰ ਲਲਕਾਰਦਿਆਂ ਚੋਣ ਨਗਾਰਾ ਵਜਾ ਦਿੱਤਾ ਹੈ | ਸਾਲਟਲੇਕ ਬੀਜੇਪੀ ਦਫਤਰ ਚ ਅਮਿਤ ਸਾਹ ਨੇ ਰਾਜ ਸਰਕਾਰ ਦੇ ਹੱਲਾ ਬੋਲਦਿਆਂ ਤਿ੍ਣਮੂਲ ਕਾਂਗਰਗ ਦੇ ਚਿਹਰੇ ਤੋਂ ਨਕਾਬ ਹਟਾਉਂਦਿਆਂ ਘੁਸਪੈਠ, ਜਮੀਨ, ਭਿ੍ਸ਼ਟਾਚਾਰ, ਮੰਤਰੀ-ਆਗੂਆਂ ਦੀ ਜੇਲ ਯਾਤਰਾ, ਤੁਸ਼ਟੀਕਰਣ ਅਤੇ ਵਿਧਾਨਸਭਾ ਚ ਜਿੱਤੀਆਂ ਸੀਟਾਂ ਬਾਰੇ ਜਿਕਰ ਕੀਤਾ | ਇਥੋਂ 180 ਕਿਲੋਮੀਟਰ ਦੂਰ ਬਾਂਕੁੜਾ ਜਿਲੇ ਦੇ ਬੜਜੋੜਾ ਚ ਇਕ ਜਨਤਕ ਰੈਲੀ ਚ 30 ਮਿੰਨਟ ਬਾਦ ਮਮਤਾ ਬੈਨਰਜੀ ਨੇ ਇਕ -ਇਕ ਦੋਸ਼ ਦਾ ਸਖਤ ਜਵਾਬ ਦਿੰਦਿਆਂ ਕਿਹਾ ਕਿ ਇਹ ਤਿ੍ਣਮੂਲ ਦੀ ਸਰਕਾਰ ਹੀ ਹੈ ਕਿ ਹੋਟਲ ਤੋਂ ਬਾਹਰ ਨਿੱਕਲ ਸਕਦੇ ਹੋ |
ਸ਼ਾਹ ਨੇ ਕਿਹਾ ਕਿ ਬੰਗਾਲ ਦੀ ਸਰਹੱਦ ਤੋਂ ਘੁਸਪੈਠ ਸਿਰਫ ਬੰਗਾਲ ਨਹੀਂ ਦੇਸ਼ ਦੀ ਸੁਰਖਿਆ ਦਾ ਮਾਮਲਾ ਹੈ,ਇਥੇ ਮਜਬੂਤ ਸਰਕਾਰ ਹੋਣ ਤੇ ਇਹ ਪੂਰੀ ਤਰਾਂ ਬੰਦ ਹੋ ਜਾਵੇਗੀ | ਮਮਤਾ ਨੇ ਕਿਹਾ ਕਿ ਕਸ਼ਮੀਰ ਚ ਘੁਸਪੈਠ ਨਹੀਂ ਹੁੰਦੀ ਤਾਂ ਪਹਿਲਗਾਮ ਚ ਅੱਤਵਾਦੀ ਕਿਵੇਂ ਦਾਖਿਲ ਹੋਏ, ਦਿੱਲੀ ਚ ਅਤੱਵਾਦੀਆਂ ਕਿਵੇਂ ਹਮਲਾ ਕੀਤਾ | ਰਾਜਸਭਾ ਚ ਸੰਸਦ ਮੈਂਬਰ ਸਾਕੇਤ ਗੋਖਲੇ ਨੇ ਦੱਸਿਆ ਸੀ 140 ਕਰੋੜ ਆਧਾਰ ਕਾਰਡ ਚ 11 ਹਜਾਰ ਘੁਸਪੈਠੀਏ ਹਨ | ਕੀ ਇਹ ਗਿਣਤੀ ਇੰਨੀ ਥੋੜੀ ਹੈ | ਗ੍ਰਹਿ ਮੰਤਰੀ ਨੇ ਦੋਸ਼ ਲਾਇਆ ਕਿ ਕੇਂਦਰ ਨੂੰ ਜਮੀਨ ਨਹੀਂ ਦਿੱਤੀ ਜਾਂਦੀ, ਮਮਤਾ ਨੇ ਕਿਹਾ ਕਿ ਤਾਰਕੇਸ਼ਰ ਰੇਲਵੇ ਦਾ ਕੰਮ ਕਿਵੇਂ ਹੀ ਰਿਹਾ ਹੈ, ਜਾਮੁੜੀਆ, ਰਾਨੀਗੰਜ, ਆਸਨਸੋਲ ਚ ਈਸੀਐਲ ਕਿਵੇਂ ਕੰਮਕਰ ਰਹੀ ਹੈ | ਅੰਡਾਲ ਚ ਏਅਰਪੋਰਟ ਲਈ ਕਿਸਨੇ ਜਮੀਨ ਦਿੱਤੀਹੈ | ਮੈਂ ਬੀਐਸਐਫ ਦੇ ਵਿਰੁਧ ਨਹੀਂ ਐਪਰ ਪਹਿਲਾਂ ਜਿਹੜੀ ਜਮੀਨ ਦਿੱਤੀ ਹੈ, ਉਸਤੇ ਕੰਮ ਕਰੋ, ਫੇਰ ਵੇਖਾਂਗੇ |
ਸ਼ਾਹ ਨੇ ਭਿ੍ਸ਼ਟਾਚਾਰ ਅਤੇ ਆਗੂਆਂ ਦੇ ਜੇਲ ਜਾਣ ਦਾ ਦੋਸ਼ ਲਾਇਆ, ਮਮਤਾ ਨੇ ਕਿਹਾ ਕਿ ਅਸੀਂ ਗਿਰਫਤਾਰ ਕਰਕੇ ਦੋਸ਼ੀਆਂ ਨੂੰ ਜੇਲ ਭੇਜਦੇ ਹਾਂ, ਐਪਰ ਤੁਸੀਂ ਸਤਿਕਾਰ ਕਰਦੇ ਹੋ | ਸਾਹ ਨੇ ਕਿਹਾ ਕਿ ਤੁਸਟੀਕਰਣ ਦੀ ਰਾਜਨੀਤੀ ਚ ਹੁਣ ਮਲਮ ਲਾਉਣ ਦੀ ਕੋਸ਼ਿਸ ਕੀਤੀ ਜਾ ਰਹੀ ਹੈ | ਮਮਤਾ ਨੇ ਕਿਹਾ ਕਿ ਤੁਸੀਂ ਮਾਲੰਗਿਨੀ ਹਾਜਰਾ ਨੂੰ ਮੁਸਲਮਾਨ ਕਹਿੰਦੇ ਹੋ,ਬੰਗਾਲ ਬਾਰੇ ਕੋਈ ਜਾਨਕਾਰੀ ਨਹੀਂ ਹੈ | ਅਸੀਂ ਲੋਕਾਂ ਲਈ ਕੰਮ ਕਰਦੇ ਹਾਂ ਅਤੇ ਕਰਦੇ ਰਹਾਂਗੇ | ਸਾਹ ਨੇ ਅੰਕੜੇ ਰਾਹੀ ਦੱਸਿਆ ਕਿ 2014 ਚ 17 ਫੀਸਦੀ ਵੋਟ ਵੱਧ ਕੇ 39 ਫੀਸਦੀ ਹੋ ਗਏ ਸਨ 2024 ਚ, ਹੁਣ ਦੋ ਤਿਹਾਈ ਵੋਟਾਂ ਨਾਲ ਸਰਕਾਰ ਬਣਾਵਾਂਗੇ | ਮਮਤਾ ਨੇ ਕਿਹਾ ਕਿ ਪਹਿਲਾਂ ਕਿਹਾ ਸੀ ਇਸ ਬਾਰ 200 ਪਾਰ , ਹੋ ਗਿਆ ਸੀ ਗੰਗਾ ਪਾਰ, ਹੁਣ ਕਹਿ ਰਹੇ ਹਨ ਦੋ ਤਿਹਾਈ | ਇਕ ਬਾਰ ਟੱਟੂ ਮਿਲੇਗਾ |