ਮਲੇਰਕੋਟਲਾ, 1 ਨਵੰਬਰ (ਮੁਹੰਮਦ ਹਨੀਫ਼ ਥਿੰਦ)-ਮਲੇਰਕੋਟਲਾ ਦੀ ਹੋਣਹਾਰ ਵਿਦਿਆਰਥਣ ਜ਼ੈਨਾ ਨੂੰ ਇਸ ਸੈਸ਼ਨ ਵਿਚ ਡੀ.ਐੱਮ.ਸੀ. ਲੁਧਿਆਣਾ ਵਿਚ ਐੱਮ.ਬੀ.ਬੀ.ਐੱਸ. ਦੀ ਪੜ੍ਹਾਈ ਕਰਨ ਲਈ ਦਾਖਲਾ ਮਿਲਨ ਤੇ ਇਲਾਕੇ ਭਰ ਵਿਚ ਖ਼ੁਸ਼ੀ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ, ਓਥੇ ਹੀ ਮਲੇਰਕੋਟਲਾ ਦੇ ਹੋਣਹਾਰ ਵਿਦਿਆਰਥੀ ਡਾਕਟਰ ਖਿਜ਼ਰ ਨੇ ਆਪਣੀ ਡਾਕਟਰੀ ਦੀ ਪੜ੍ਹਾਈ ਪੂਰੀ ਕਰ ਲਈ ਹੈ | ਉਨ੍ਹਾਂ ਦੀ ਇਸ ਸ਼ਾਨਦਾਰ ਪ੍ਰਾਪਤੀ 'ਤੇ ਡਾਕਟਰ ਮੁਹੰਮਦ ਸ਼ੱਬੀਰ ਦੰਦਾਂ ਦੇ ਰੋਗਾਂ ਦੇ ਮਾਹਿਰ ਡਾਕਟਰ ਨੇ ਵਿਦਿਆਰਥਣ ਜ਼ੈਨਾ ਨੂੰ ਦਾਖ਼ਲਾ ਮਿਲਣ ਅਤੇ ਡਾਕਟਰ ਖ਼ਿਜ਼ਰ ਨੂੰ ਡਾਕਟਰੀ ਦੀ ਪੜ੍ਹਾਈ ਪੂਰੀ ਕਰਨ ਤੇ ਇਸ ਮਾਣਮੱਤੀ ਪ੍ਰਾਪਤੀ ਲਈ ਦਿਲੀ ਮੁਬਾਰਕਬਾਦ ਦਿੰਦਿਆਂ ਬੁੱਕੇ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਜ਼ਿਕਰਯੋਗ ਹੈ ਕਿ ਵਿਦਿਆਰਥਣ ਜ਼ੈਨਾ ਅਤੇ ਡਾਕਟਰ ਖਿਜ਼ਰ ਦਿਲ ਦੇ ਰੋਗਾਂ ਦੇ ਮਾਹਿਰ ਡਾਕਟਰ ਨਾਵੇਦ ਅਸਲਮ ਜੋ ਕਿ ਲੁਧਿਆਣਾ ਦੇ ਡੀ.ਐੱਮ.ਸੀ. ਹਸਪਤਾਲ ਵਿਖੇ ਆਪਣੀਆਂ ਪਿਛਲੇ ਲੰਮੇ ਸਮੇਂ ਤੋਂ ਸੇਵਾਵਾਂ ਨਿਭਾਅ ਰਹੇ ਹਨ ਅਤੇ ਉਨ੍ਹਾਂ ਦੀ ਧਰਮ ਪਤਨੀ ਡਾਕਟਰ ਫਰਾਹ ਗੌਰੀ ਇਕ ਉੱਘੇ ਗਾਇਨੋਕਲੋਜਿਸਟ ਦੇ ਡਾਕਟਰ ਹਨ | ਇਹ ਦੋਵੇਂ ਹੁਸ਼ਿਆਰ ਤੇ ਹੋਣਹਾਰ ਇਸ ਡਾਕਟਰ ਜੋੜੀ ਦੇ ਬੱਚੇ ਹਨ | ਇਸ ਮੌਕੇ ਡਾਕਟਰ ਮੁਹੰਮਦ ਸ਼ੱਬੀਰ ਦੇ ਧਰਮ ਪਤਨੀ ਤੋਂ ਇਲਾਵਾ ਪਰਿਵਾਰਿਕ ਮੈਂਬਰ ਮੌਜੂਦ ਸਨ |
