ਸੰਗਤ ਮੰਡੀ, 22 ਨਵੰਬਰ (ਸੁਖਤੇਜ ਧਾਲੀਵਾਲ)-ਸਰਾਂ ਚੈਰੀਟੇਬਲ ਹਸਪਤਾਲ ਰਿਫ਼ਾਇਨਰੀ ਰੋਡ ਪੱਕਾ ਕਲਾਂ ਵਿਖੇ ਡਾ: ਨਿਰਮਲ ਸਿੰਘ ਸਰਾਂ, ਸੁਰਿੰਦਰ ਕੌਰ ਸਰਾਂ, ਡਾ: ਗਗਨਦੀਪ ਸਿੰਘ ਸਰਾਂ, ਮਨਦੀਪ ਕੌਰ, ਡਾ: ਸਵਰਨਜੀਤ ਸਿੰਘ ਸਰਾਂ ਅਤੇ ਰਮਨਦੀਪ ਕੌਰ ਅਤੇ ਸਮੂਹ ਸਰਾਂ ਪਰਿਵਾਰ ਵਲੋਂ ਆਪਣੇ ਬੇਟੇ ਅਕਾਸ਼ਦੀਪ ਸਿੰਘ ਦੇ ਜਨਮ ਦਿਨ ਮੌਕੇ ਅੱਖਾਂ ਦਾ ਮੁਫ਼ਤ ਜਾਂਚ ਕੈਂਪ ਲਗਾਇਆ ਗਿਆ | ਇਸ ਕੈਂਪ ਵਿਚ ਕਰੀਬ 150 ਮਰੀਜ਼ਾਂ ਦਾ ਚੈੱਕਅੱਪ ਕੀਤਾ ਗਿਆ ਅਤੇ 55 ਮਰੀਜ਼ਾਂ ਦੇ ਮੁਫ਼ਤ ਲੈਂਜ਼ ਪਾਏ ਗਏ | ਕੈਂਪ ਵਿਚ ਸੁਖਮਨੀ ਹਸਪਤਾਲ ਡੱਬਵਾਲੀ ਮੰਡੀ ਅਤੇ ਅੱਖਾਂ ਦੇ ਮਾਹਿਰ ਡਾ: ਨੀਤੀ ਗਰਗ ਨੇ ਵਿਸ਼ੇਸ ਯੋਗਦਾਨ ਪਾਇਆ | ਕੈਂਪ ਦੌਰਾਨ ਵੱਖ-ਵੱਖ ਪਿੰਡਾਂ ਦੀਆਂ ਪੰਚਾਇਤਾਂ, ਐਮ ਪੀ ਏ ਪੀ ਬਲਾਕ ਸੰਗਤ, ਡਾ: ਸੁਖਮੰਦਰ ਸਿੰਘ ਭਾਈਕਾ, ਡਾ: ਗੁਰਦੀਪ ਸਿੰਘ ਘੁੱਦਾ, ਡਾ: ਜਗਰੂਪ ਸਿੰਘ ਵਲੋਂ ਆਪਣੀ ਹਾਜ਼ਰੀ ਲਵਾਉਂਦਿਆਂ ਸਰਾਂ ਪਰਿਵਾਰ ਨੂੰ ਵਧਾਈਆਂ ਦਿੱਤੀਆਂ ਅਤੇ ਸਮੂਹ ਸਟਾਫ਼ ਵਲੋਂ ਮਰੀਜ਼ਾਂ ਦੀ ਦੇਖ ਭਾਲ ਕੀਤੀ ਗਈ |
