ਰਾੜਾ ਸਾਹਿਬ, 5 ਸਤੰਬਰ (ਸੁਖਵੀਰ ਸਿੰਘ ਚਣਕੋਈਆਂ, ਪ੍ਰੀਤਮ ਸਿੰਘ ਮੁਕੰਦਪੁਰੀ)-ਸ਼ਹੀਦ ਊਧਮ ਸਿੰਘ ਸਪੋਰਟਸ ਐਂਡ ਕਲਚਰਲ ਕਲੱਬ ਪਿੰਡ ਘਲੋਟੀ ਦੇ ਅਹੁਦੇਦਾਰ ਤੇ ਸਮੂਹ ਮੈਂਬਰ ਵਲੋਂ ਪਿੰਡ ਵਾਸੀਆਂ ਤੇ ਪ੍ਰਵਾਸੀ ਪੰਜਾਬੀਆਂ ਦੀ ਮਦਦ ਨਾਲ ਹੜ੍ਹ ਪ੍ਰਭਾਵਿਤ ਇਲਾਕੇ ਅਜਨਾਲਾ ਦੇ ਸ਼ਹਿਰ ਰਮਦਾਸ ਲਈ ਖਾਣ-ਪੀਣ ਦਾ ਸਾਮਾਨ, ਪਸ਼ੂਆਂ ਲਈ ਆਚਾਰ ਦੀ ਟਰਾਲੀ, ਮੈਡੀਕਲ ਕਿੱਟਾਂ ਤੇ ਹੋਰ ਨਿੱਤ ਵਰਤੋਂ 'ਚ ਆਉਣ ਵਾਲੀਆਂ ਵਸਤਾਂ, ਸੁੱਕਾ ਰਾਸ਼ਨ ਲੈ ਕੇ ਰਵਾਨਾ ਹੋਏ | ਇਸ ਸਮੇਂ ਬਲਾਕ ਪ੍ਰਧਾਨ ਗੁਰਵਿੰਦਰ ਸਿੰਘ ਗਿੱਲ ਘਲੋਟੀ ਨੇ ਦੱਸਿਆ ਕਿ ਕਲੱਬ ਪ੍ਰਧਾਨ ਤਨੂੰ ਪੰਧੇਰ, ਮੀਤ ਪ੍ਰਧਾਨ ਪਰਮਵੀਰ ਸਿੰਘ ਉਹ ਪਹਿਲਾਂ ਹੜ੍ਹ ਪ੍ਰਭਾਵਿਤ ਇਲਾਕੇ ਵਿਖੇ ਦੌਰਾ ਕਰਨ ਗਏ ਸਨ ਅਤੇ ਦੇਖਿਆ ਕਿ ਇਥੇ ਪੀੜਤ ਲੋਕਾਂ ਨੂੰ ਕਿਸ ਸਾਮਾਨ ਦੀ ਲੋੜ ਹੈ ਅਤੇ ਅੱਜ ਉਹੀ ਵਸਤਾਂ ਲੈ ਕੇ ਉਹ ਪਿੰਡ ਘਲੋਟੀ ਤੋਂ ਟਰੈਕਟਰ-ਟਰਾਲੀ ਰਾਹੀਂ ਰਵਾਨਾ ਹੋਏ ਹਨ | ਇਸ ਮੌਕੇ ਮਨਪ੍ਰੀਤ ਸਿੰਘ ਘਲੋਟੀ, ਗੁਰਪਿੰਦਰ ਸਿੰਘ ਖ਼ਾਲਸਾ, ਜਗਦੇਵ ਸਿੰਘ, ਨਵਦੀਪ ਸਿੰਘ, ਸੁਖਵਿੰਦਰ ਸਿੰਘ ਸੁੱਖਾ, ਗੁਰਤੇਜ ਸਿੰਘ ਤੇਜੀ, ਗੱਗੀ ਘਲੋਟੀ, ਜੱਸਾ ਘਲੋਟੀ, ਬਿਪਨ ਘਲੋਟੀ, ਕਰਨ ਪੰਧੇਰ, ਸੁਖਵਿੰਦਰ ਸਿੰਘ ਖੇਤੂ, ਸ਼ੇਰ ਸਿੰਘ, ਤਲਵਿੰਦਰ ਸਿੰਘ, ਡਾ. ਗੁਰਵੀਰ ਸਿੰਘ, ਦਮਨ ਪੰਧੇਰ, ਤਲਵਿੰਦਰ ਸਿੰਘ, ਸੁਖਪਾਲ ਸਿੰਘ ਸੋਨੀ ਆਦਿ ਸਨ |