ਸ਼ਹਿਣਾ, 1 ਨਵੰਬਰ (ਸੁਰੇਸ਼ ਗੋਗੀ)-ਸ਼ਹਿਣਾ ਤੋਂ ਪਿਛਲੇ 37 ਸਾਲਾਂ ਤੋਂ ਚੱਲੀ ਆ ਰਹੀ ਰਵਾਇਤ ਅਨੁਸਾਰ ਸ੍ਰੀ ਕਪਾਲ ਮੋਚਨ ਵਿਖੇ ਲੰਗਰ ਲਗਾਉਣ ਲਈ ਸੰਗਤ ਸਾਂਝੇ ਰੂਪ ਵਿਚ ਰਵਾਨਾ ਹੋਈ | 80 ਦੇ ਕਰੀਬ ਵਿਅਕਤੀਆਂ ਅਤੇ ਔਰਤਾਂ ਵਲੋਂ ਪਿੰਡ ਵਿਚੋਂ ਸੰਗਤਾਂ ਦੇ ਸਹਿਯੋਗ ਨਾਲ ਇਕੱਤਰ ਕੀਤੇ ਰਾਸ਼ਨ ਨੂੰ ਕਪਾਲ ਮੋਚਨ ਲਈ ਗੱਡੀਆਂ ਵਿਚ ਲਿਜਾਇਆ ਗਿਆ | ਪ੍ਰਬੰਧਕਾਂ ਨੇ ਦੱਸਿਆ ਕਿ ਪਿਛਲੇ 37 ਸਾਲਾਂ ਤੋਂ ਬਜ਼ੁਰਗਾਂ ਵਲੋਂ ਸ਼ੁਰੂ ਕੀਤੀ ਰਵਾਇਤ ਨੂੰ ਸੰਗਤਾਂ ਵਲੋਂ ਲਗਾਤਾਰ ਜਾਰੀ ਰੱਖਿਆ ਹੋਇਆ ਹੈ ਅਤੇ ਪੰਜ ਦਿਨ ਸ੍ਰੀ ਕਪਾਲ ਮੋਚਨ ਵਿਖੇ ਸੰਗਤਾਂ ਲਈ ਵੱਖ-ਵੱਖ ਤਰ੍ਹਾਂ ਦੇ ਲੰਗਰ ਲਗਾਏ ਜਾਣਗੇ |
