ਕੋਲਕਾਤਾ, 31 ਅਕਤੂਬਰ (ਪੀ.ਟੀ.ਆਈ.)-ਗੋਲਫਰ ਅਮਨ ਰਾਜ ਨੇ ਸ਼ੁੱਕਰਵਾਰ ਨੂੰ ਇੱਥੇ ਟਾਲੀਗੰਜ ਗੋਲਫ ਕਲੱਬ ਵਿਖੇ ਆਈ. ਜੀ. ਪੀ. ਐਲ. ਇਨਵੀਟੇਸ਼ਨਲ ਟੂਰਨਾਮੈਂਟ 'ਚ ਆਪਣੀ ਲਗਾਤਾਰ ਦੂਜੀ ਜਿੱਤ ਦਰਜ ਕੀਤੀ, ਜਿਸ ਨਾਲ ਉਹ ਆਈ.ਜੀ.ਪੀ.ਐਲ. ਆਰਡਰ ਆਫ਼ ਮੈਰਿਟ ਦੇ ਸਿਖਰ 'ਤੇ ਪਹੁੰਚ ਗਿਆ | ਇਸ ਤਰ੍ਹਾਂ ਅਮਨ ਗਗਨਜੀਤ ਭੁੱਲਰ ਤੋਂ ਬਾਅਦ ਇਸ ਸੀਜ਼ਨ 'ਚ ਕਈ ਟੂਰਨਾਮੈਂਟ ਜਿੱਤਣ ਵਾਲਾ ਦੂਜਾ ਖਿਡਾਰੀ ਬਣ ਗਿਆ | ਅਮਨ ਪੰਜ ਟੂਰਨਾਮੈਂਟਾਂ 'ਚੋਂ 50 ਲੱਖ ਰੁਪਏ ਕਮਾਉਣ ਵਾਲਾ ਪਹਿਲਾ ਖਿਡਾਰੀ ਵੀ ਬਣ ਗਿਆ | ਅਮਨ (68) ਨੇ 17 ਸਾਲਾ ਵੀਰ ਗਣਪਤੀ ਨੂੰ ਹਰਾ ਕੇ ਇਹ ਖਿਤਾਬ ਜਿੱਤਿਆ, ਜਿਸਨੇ ਪਿਛਲੇ ਹਫ਼ਤੇ ਜੈਪੁਰ 'ਚ ਵੀ ਜਿੱਤ ਪ੍ਰਾਪਤ ਕੀਤੀ ਸੀ |
