ਨੈਸ਼ਨਲ ਬੁੱਕ ਟਰੱਸਟ, ਇੰਡੀਆ ਦੀ ਨਵੀਂ ਪੁਸਤਕ 'ਬ੍ਰਾਂਡ ਇੰਡੀਆ : ਸਟੋਰੀ ਆਫ਼ ਭਾਰਤ ਇਨ ਏ ਚੇਂਜਿੰਗ ਵਰਲਡ' ਰਿਲੀਜ਼ <br/>
ਅਜੀਤ ਡੈਸਕ
24-09-2025
ਸ੍ਰੀ ਹਿਮਾਂਸ਼ੂ ਰਾਏ ਪ੍ਰੋਫ਼ੈਸਰ ਅਤੇ ਡਾਇਰੈਕਟਰ, ਆਈ.ਆਈ.ਐਮ. ਇੰਦੌਰ ਅਤੇ ਸ੍ਰੀਮਤੀ ਵਰਸ਼ਾ ਜੈਨ ਮੁਦਰਾ ਇੰਸਟੀਚਿਊਟ ਆਫ਼ ਕਮਿਊਨੀਕੇਸ਼ਨਜ਼, ਅਹਿਮਦਾਬਾਦ (ਐਮ.ਆਈ.ਸੀ.ਏ.) ਤੋਂ, ਨੈਸ਼ਨਲ ਬੁੱਕ ਟਰੱਸਟ, ਇੰਡੀਆ ਦੇ ਡਾਇਰੈਕਟਰ ਯੁਵਰਾਜ ਮਲਿਕ ਅਤੇ ਐਨ.ਬੀ.ਟੀ. ਦੇ ਮੁੱਖ ਸੰਪਾਦਕ ਅਤੇ ਸੰਯੁਕਤ ਨਿਰਦੇਸ਼ਕ ਕੁਮਾਰ ਵਿਕਰਮ ਨੇ ਵੀ ਇਕੱਠ ਨੂੰ ਸੰਬੋਧਨ ਕੀਤਾ | ਇਸ ਪ੍ਰੋਗਰਾਮ ਵਿਚ ਵੱਡੀ ਗਿਣਤੀ ਵਿਚ ਸਿੱਖਿਆ ਸ਼ਾਸਤਰੀ, ਵਿਦਿਆਰਥੀ ਅਤੇ ਆਮ ਪਾਠਕ ਸ਼ਾਮਿਲ ਹੋਏ |
ਸਰਲ ਸ਼ਬਦਾਂ ਅਤੇ ਸਪੱਸ਼ਟ ਸ਼ੈਲੀ ਵਿਚ ਲਿਖੀ ਗਈ ਇਹ ਕਿਤਾਬ ਸਾਨੂੰ ਭਾਰਤ ਦੀਆਂ ਮਹੱਤਵਪੂਰਨ ਪ੍ਰਾਪਤੀਆਂ ਬਾਰੇ ਦੱਸਦੀ ਹੈ | ਇਹ ਕਿਤਾਬ ਇਸ ਤੱਥ ਨੂੰ ਉਜਾਗਰ ਕਰਦੀ ਹੈ ਕਿ ਭਾਰਤ ਹੁਣ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀਆਂ ਅਰਥਵਿਵਸਥਾਵਾਂ ਵਿਚੋਂ ਇਕ ਵਜੋਂ ਮਾਨਤਾ ਪ੍ਰਾਪਤ ਹੈ | ਆਈ.ਟੀ. ਫਰਮਾਸਿਊਟੀਕਲ, ਬਾਇਓਟੈੱਕ ਆਦਿ ਵਿਚ ਤੇਜ਼ੀ ਨੇ ਭਾਰਤ ਨੂੰ ਇਕ ਨਵੀਨਤਾ ਅਤੇ ਰਚਨਾਤਮਿਕਤਾ ਦੇ ਕੇਂਦਰ ਵਜੋਂ ਸਥਾਪਿਤ ਕੀਤਾ ਹੈ | ਕੁਝ ਖੇਤਰਾਂ ਵਿਚ ਜਿਥੇ ਭਾਰਤ ਨੇ ਮਹੱਤਵਪੂਰਨ ਤਰੱਕੀ ਕੀਤੀ ਹੈ, ਉਨ੍ਹਾਂ ਵਿਚ ਡਿਜੀਟਲਾਈਜ਼ੇਸ਼ਨ, ਸੈਰ-ਸਪਾਟਾ, ਆਰਥਿਕਤਾ, ਸਫ਼ਾਈ, ਘਾਤਕ ਬਿਮਾਰੀਆਂ ਵਿਰੁੱਧ ਟੀਕੇ ਬਣਾਉਣਾ ਅਤੇ ਵਰਤੋਂ ਆਦਿ ਸ਼ਾਮਿਲ ਹਨ ਜੋ ਵੱਖ-ਵੱਖ ਭਰੋਸੇਯੋਗ ਸਰੋਤਾਂ ਤੋਂ ਪ੍ਰਾਪਤ ਪ੍ਰਮਾਣਿਕ ਅੰਕੜਿਆਂ ਦੇ ਆਧਾਰ 'ਤੇ ਹਨ | ਇਸ ਪ੍ਰੋਗਰਾਮ ਦੇ ਐਂਕਰ ਵਿਜੇ ਵਿਕਰਮ ਸਿੰਘ ਸਨ |
