ਗ਼ਜ਼ਲ

ਜਿਸ ਨੂੰ ਮਿਲਿਆ ਯਾਰ ਮੁਕੰਮਲ।
ਉਸਦਾ ਫਿਰ ਸੰਸਾਰ ਮੁਕੰਮਲ।
ਯਾਰੀ ਖਾਤਰ ਜਾਨ ਗਈ ਤਾਂ,
ਤਾਂ ਹੀ ਹੁੰਦਾ ਪਿਆਰ ਮੁਕੰਮਲ।
ਅੱਖਾਂ ਦੇ ਨਾਲ ਦਿਲ ਵੀ ਠਰਿਆ,
ਹੋਇਆ ਜਦ ਦੀਦਾਰ ਮੁਕੰਮਲ।
ਸਾਗਰ ਤਰਨਾ ਆ ਜਾਵੇ ਤਾਂ,
ਲੱਗਦਾ ਬੇੜਾ ਪਾਰ ਮੁਕੰਮਲ।
ਪਿੱਠ ਤੇ ਵਾਰ ਗ਼ੱਦਾਰੀ ਹੁੰਦੀ,
ਹਿੱਕ ਤੇ ਹੋਵੇ ਵਾਰ ਮੁਕੰਮਲ।
ਰਿਸ਼ਤਾ ਟੁੱਟਕੇ ਵੀ ਰਿਸ਼ਤੇ ਵਿੱਚ,
ਹੋਵੇ ਨਾ ਦੀਵਾਰ ਮੁਕੰਮਲ।
ਦੁਨੀਆ ਯਾਦ ਕਰੇਂਦੀ ਉਸਨੂੰ,
ਰੱਖਦਾ ਜੋ ਕਿਰਦਾਰ ਮੁਕੰਮਲ।
ਹੱਕ-ਸੱਚ ਖ਼ਤਿਰ ਉੱਠੇ ਜਿਹੜੀ,
ਉਹ ਹੁੰਦੀ ਤਲਵਾਰ ਮੁਕੰਮਲ।
ਦੁਨੀਆ ਅੰਦਰ ਦੀਨ ਕਮਾਵੇ,
ਹਾਂ,ਉਹ ਦੁਨੀਆਦਾਰ ਮੁਕੰਮਲ।

ਮੋਬਾ : 9814272293