ਫਗਵਾੜਾ, 3 ਸਤੰਬਰ (ਚਾਨਾ)-ਕੁੱਟਮਾਰ ਕਰਕੇ ਗਹਿਣੇ ਖੋਹ ਕੇ ਲੈ ਜਾਣ ਦੇ ਸਬੰਧ 'ਚ ਸਿਟੀ ਪੁਲਿਸ ਨੇ ਚਾਰ ਵਿਅਕਤੀਆਂ ਖ਼ਿਲਾਫ਼ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ | ਐਸ.ਐਚ.ਓ ਸਿਟੀ ਊਸ਼ਾ ਰਾਣੀ ਨੇ ਦੱਸਿਆ ਕਿ ਸ਼ਿਕਾਇਤ ਕਰਤਾ ਪ੍ਰਭੂਨਾਥ ਵਰਮਾ ਪੁੱਤਰ ਜਮੂਨਾ ਵਰਮਾ ਵਾਸੀ ਪਿੰਡ ਅਮਤਾਹੀ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ ਉਹ ਜੇ.ਪੀ. ਜਿਊਲਰਜ਼ ਵਿਖੇ ਕੰਮ ਕਰਦਾ ਹੈ | 30 ਅਗਸਤ ਨੂੰ ਉਹ ਦੁਕਾਨ ਬੰਦ ਕਰਕੇ ਆਪਣੇ ਘਰ ਮੋਟਰਸਾਈਕਲ ਤੇ ਜਾ ਰਹੇ ਸਨ ਜਦੋਂ ਉਹ ਮੈਣੀ ਪਾਰਕ ਲਾਗੇ ਸਾਮਾਨ ਖ਼ਰੀਦਣ ਲੱਗੇ ਤਾਂ ਪਿੱਛੋਂ ਦੋ ਨੌਜਵਾਨ ਆਏ ਤੇ ਉਨ੍ਹਾਂ ਦੀ ਕੁੱਟਮਾਰ ਕੀਤੀ ਤੇ ਉਨ੍ਹਾਂ ਪਾਸੋਂ ਸੋਨੇ ਦੀ ਚੈਨ, ਦੋ ਪੈਂਡਲ, ਇੱਕ ਜੋੜੀ ਚੁਮਕੀ ਤੇ ਹੋਰ ਸਾਮਾਨ ਲੈ ਕੇ ਫ਼ਰਾਰ ਹੋ ਗਏ | ਜਿਸ ਸਬੰਧ 'ਚ ਪੁਲਿਸ ਨੇ ਬੱਲੜ ਵਾਸੀ ਖੋਥੜਾ, ਮੰਨਾ ਵਾਸੀ ਖੋਥੜਾ, ਸੁੱਖਾ ਤੇ ਅਣਪਛਾਤੇ ਵਿਅਕਤੀ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
