ਨਡਾਲਾ, 3 ਸਤੰਬਰ (ਰਘਬਿੰਦਰ ਸਿੰਘ)-ਸਬ ਡਵੀਜ਼ਨ ਭੁਲੱਥ ਦੇ ਮੰਡ ਖੇਤਰ ਵਿਚ ਆਏ ਦਰਿਆ ਦੇ ਪਾਣੀ ਘਟਣ ਅਤੇ ਦੁਪਹਿਰੋਂ ਬਾਅਦ ਧੁੱਪ ਖਿੜਨ ਤੇ ਲੋਕਾਂ ਨੇ ਸੁੱਖ ਦਾ ਸਾਹ ਲਿਆ | ਗੱਲਬਾਤ ਕਰਦਿਆਂ ਕਿਸਾਨ ਰੋਮੀ ਬਾਜਵਾ, ਖ਼ੁਸ਼ਦੀਪ ਸਿੰਘ ਖਹਿਰਾ, ਜਸਵਿੰਦਰ ਸਿੰਘ ਤੇ ਹੋਰਾਂ ਨੇ ਦੱਸਿਆ ਕਿ ਮੰਡ ਖੇਤਰ ਵਿਚ ਪਹਿਲਾ ਦੇ ਮੁਕਾਬਲੇ ਪਾਣੀ ਘਟਿਆ ਹੈ, ਪਰ ਨੀਵੇਂ ਇਲਾਕਿਆਂ ਵਿਚ ਪੂਰੀ ਤਰਾਂ ਪਾਣੀ ਸੁੱਕਣ ਨੂੰ ਅਜੇ ਸਮਾਂ ਲੱਗੇਗਾ | ਉਨ੍ਹਾਂ ਦੱਸਿਆ ਕਿ ਪਾਣੀ ਭਾਵੇਂ ਆਉਂਦੇ ਦਿਨਾਂ ਨੂੰ ਸੁੱਕ ਜਾਵੇਗਾ ਪਰੰਤੂ ਫ਼ਸਲਾਂ ਪੂਰੀ ਤਰਾਂ ਨੁਕਸਾਨੀਆਂ ਗਈਆਂ ਹਨ ਉਨ੍ਹਾਂ ਦੱਸਿਆ ਕਿ ਲੋਕ ਹੁਣ ਪੈਦਲ ਅਤੇ ਆਪਣੇ ਵਾਹਨਾਂ ਤੇ ਮੰਡ ਅੰਦਰ ਆ ਜਾ ਰਹੇ ਹਨ |
