ਰਾਸ਼ਟਰ ਮੰਡਲ ਖੇਡਾਂ: ਮੀਰਾਬਾਈ ਚਾਨੂ ਨੇ ਰਚਿਆ ਇਤਿਹਾਸ ਭਾਰਤ ਨੂੰ ਦਿਵਾਇਆ ਪਹਿਲਾ ਸੋਨ ਤਗਮਾ

ਮੀਰਾਬਾਈ ਚਾਨੂ ਨੇ ਲਗਾਈ ਸੋਨ ਦੇ ਤਗਮਿਆਂ ਦੀ ਹੈਟ੍ਰਿਕ
ਮੀਰਾਬਾਈ ਚਾਨੂ ਨੇ ਰਾਸ਼ਟਰਮੰਡਲ ਖੇਡਾਂ ’ਚ ਸੋਨੇ ਦੇ ਤਗਮਿਆਂ ਦੀ ਇਕ ਸ਼ਾਨਦਾਰ ਹੈਟ੍ਰਿਕ ਲਗਾ ਦਿੱਤੀ ਹੈ। ਜੋ ਗਲਾਸਗੋ ’ਚ ਉਸਦੀ ਪਹਿਲੀ ਹੈ। ਉਸਨੇ 2014 ਦੀਆਂ ਖੇਡਾਂ ’ਚ ਚਾਂਦੀ ਦਾ ਤਗਮਾ ਜਿੱਤਿਆ, ਫਿਰ ਇਸਨੂੰ 2018 ’ਚ ਗੋਲਡ ਕੋਸਟ ’ਚ ਸੋਨੇ ਦੇ ਤਗਮੇ ਵਿਚ ਬਦਲ ਦਿੱਤਾ ਤੇ ਫਿਰ ਬਰਮਿੰਘਮ 2022 ਵਿੱਚ ਆਪਣਾ ਖਿਤਾਬ ਬਰਕਰਾਰ ਰੱਖਿਆ। ਉਸਨੇ ਟੋਕੀਓ ਓਲੰਪਿਕ ਵ’ਚ ਵੀ ਚਾਂਦੀ ਦਾ ਤਗਮਾ ਜਿੱਤਿਆ, ਅਜਿਹਾ ਕਰਨ ਵਾਲੀ ਪਹਿਲੀ ਭਾਰਤੀ ਬਣ ਗਈ। ਇਹ ਰਾਸ਼ਟਰਮੰਡਲ ਖੇਡਾਂ ’ਚ ਮੀਰਾਬਾਈ ਚਾਨੂ ਦਾ ਚੌਥਾ ਤਗਮਾ ਸੀ, ਜਿਸ ’ਚ ਉਸਨੇ ਤਿੰਨ ਸੋਨ ਤੇ ਇੱਕ ਚਾਂਦੀ ਦਾ ਤਗਮਾ ਜਿੱਤਿਆ।ੀਤ ਸਿੰਘ ਦੁਸਾਂਝ ਪੁਆਦੜਾ/ਏਜੰਸੀ)-ਮੀਰਾਬਾਈ ਚਾਨੂ ਨੇ ਰਾਸ਼ਟਰਮੰਡਲ ਖੇਡਾਂ ’ਚ ਭਾਰਤ ਲਈ ਪਹਿਲਾ ਸੋਨ ਤਗਮਾ ਪੱਕਾ ਕੀਤਾ। ਉਸਨੇ ਔਰਤਾਂ ਦੇ 48 ਕਿਲੋਗ੍ਰਾਮ ਵੇਟਲਿਫਟਿੰਗ ਮੁਕਾਬਲੇ ’ਚ ਕੁੱਲ 190 ਕਿਲੋਗ੍ਰਾਮ (85 ਕਿਲੋਗ੍ਰਾਮ ਸਨੈਚ + 105 ਕਿਲੋਗ੍ਰਾਮ ਕਲੀਨ ਐਂਡ ਜਰਕ) ਚੁੱਕ ਕੇ ਇਹ ਤਗਮਾ ਜਿੱਤਿਆ। ਭਾਰਤ ਕੋਲ ਹੁਣ ਕੁੱਲ ਤਿੰਨ ਤਗਮੇ (1 ਸੋਨ, 1 ਚਾਂਦੀ ਅਤੇ 1 ਕਾਂਸੀ) ਹਨ। ਇਸ ਤੋਂ ਪਹਿਲਾਂ, ਰਿਸ਼ੀਕਾਂਤਾ ਸਿੰਘ ਨੇ ਐਤਵਾਰ ਨੂੰ ਪੁਰਸ਼ਾਂ ਦੇ 60 ਕਿਲੋਗ੍ਰਾਮ ਵਰਗ ’ਚ ਚਾਂਦੀ ਦਾ ਤਗਮਾ ਜਿੱਤਿਆ ਸੀ ਤੇ ਝੰਡੂ ਕੁਮਾਰ ਨੇ ਸ਼ੁੱਕਰਵਾਰ ਨੂੰ ਪੈਰਾ-ਪਾਵਰਲਿਫਟਿੰਗ ’ਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ। ਭਾਰਤ ਹੁਣ ਤਗਮਾ ਸੂਚੀ ’ਚ ਸੱਤਵੇਂ ਸਥਾਨ ’ਤੇ ਪਹੁੰਚ ਗਿਆ ਹੈ। ਆਸਟ੍ਰੇਲੀਆ 12 ਸੋਨ ਤਗਮਿਆਂ ਸਮੇਤ 24 ਤਗਮਿਆਂ ਨਾਲ ਸਿਖਰ ’ਤੇ ਬਣਿਆ ਹੋਇਆ ਹੈ। ਮੀਰਾਬਾਈ ਚਾਨੂ ਨੇ ਆਪਣੀ ਤੀਜੀ ਸਨੈਚ ਕੋਸ਼ਿਸ਼ ’ਚ ਸਫਲਤਾਪੂਰਵਕ 85 ਕਿਲੋਗ੍ਰਾਮ ਭਾਰ ਚੁੱਕਿਆ। ਚਾਨੂ ਦੇ ਇਸ ਯਤਨ ਨੇ ਔਰਤਾਂ ਦੇ ਸਨੈਚ ਮੁਕਾਬਲੇ ਲਈ ਰਾਸ਼ਟਰਮੰਡਲ ਖੇਡਾਂ ਦਾ ਰਿਕਾਰਡ ਬਣਾਇਆ। ਹਾਲਾਂਕਿ ਉਹ ਆਪਣੀ ਪਹਿਲੀ ਕੋਸ਼ਿਸ਼ ’ਚ 82 ਕਿਲੋਗ੍ਰਾਮ ਭਾਰ ਚੁੱਕਣ ’ਚ ਅਸਫਲ ਰਹੀ, ਪਰ ਉਹ ਆਪਣੀ ਦੂਜੀ ਕੋਸ਼ਿਸ਼ ’ਚ ਸਫਲ ਰਹੀ। ਇਸ ਪ੍ਰਦਰਸ਼ਨ ਨਾਲ, ਉਸਨੇ ਸ਼ੁਰੂ ’ਚ ਖੇਡਾਂ ਦਾ ਰਿਕਾਰਡ ਆਪਣੇ ਨਾਮ ਕੀਤਾ। ਫਿਰ ਉਸਨੇ 85 ਕਿਲੋਗ੍ਰਾਮ ਭਾਰ ਚੁੱਕਣ ਦਾ ਫੈਸਲਾ ਕੀਤਾ ਤੇ ਸਫਲ ਰਹੀ। ਇਹ ਪ੍ਰਦਰਸ਼ਨ ਰਾਸ਼ਟਰਮੰਡਲ ਖੇਡਾਂ ਦੇ ਇਤਿਹਾਸ ’ਚ ਸਭ ਤੋਂ ਵਧੀਆ ਸਨੈਚ ਪ੍ਰਦਰਸ਼ਨ ਸੀ। ਪਹਿਲਾਂ ਕਿਸੇ ਵੀ ਮਹਿਲਾ ਵੇਟਲਿਫਟਰ ਨੇ ਸਨੈਚ ਸ਼੍ਰੇਣੀ ’ਚ 85 ਕਿਲੋਗ੍ਰਾਮ ਭਾਰ ਨਹੀਂ ਚੁੱਕਿਆ। ਚਾਨੂ ਨੇ ਸਨੈਚ ਈਵੈਂਟ ’ਚ ਖੇਤਰ ਦੀ ਅਗਵਾਈ ਕੀਤੀ। ਰਿਸ਼ੀਕਾਂਤਾ ਸਿੰਘ ਚਾਨੰਬਮ ਨੇ ਇੱਥੇ ਰਾਸ਼ਟਰਮੰਡਲ ਖੇਡਾਂ ’ਚ ਪੁਰਸ਼ਾਂ ਦੇ 60 ਕਿਲੋਗ੍ਰਾਮ ਵੇਟਲਿਫਟਿੰਗ ਮੁਕਾਬਲੇ ’ਚ ਚਾਂਦੀ ਦਾ ਤਗਮਾ ਜਿੱਤਿਆ। ਰਿਸ਼ੀਕਾਂਤਾ ਨੇ ਸਨੈਚ ’ਚ 121 ਕਿਲੋਗ੍ਰਾਮ ਭਾਰ ਚੁੱਕ ਕੇ ਇਕ ਨਵਾਂ ਖੇਡ ਰਿਕਾਰਡ ਬਣਾਇਆ। ਹਾਲਾਂਕਿ, ਉਹ ਕਲੀਨ ਐਂਡ ਜਰਕ ਵਿਚ ਸਿਰਫ 143 ਕਿਲੋਗ੍ਰਾਮ ਹੀ ਚੁੱਕ ਸਕਿਆ, ਕੁੱਲ 264 ਕਿਲੋਗ੍ਰਾਮ ਭਾਰ ਚੁੱਕ ਕੇ ਦੂਜੇ ਸਥਾਨ ’ਤੇ ਰਿਹਾ।
ਭਾਰਤੀ ਟੀਮ ਹੁਣ ਤੱਕ ਦੋ ਤਗਮੇ ਜਿੱਤ ਚੁੱਕੀ ਹੈ। ਮਲੇਸ਼ੀਆ ਦੇ ਬਿਨ ਕਸਦਾਨ ਮੁਹੰਮਦ ਅਨਿਕ ਨੇ ਕੁੱਲ 273 ਕਿਲੋਗ੍ਰਾਮ (121 ਅਤੇ 152 ਕਿਲੋਗ੍ਰਾਮ) ਭਾਰ ਚੁੱਕ ਕੇ ਸੋਨ ਤਗਮਾ ਜਿੱਤਿਆ ਤੇ ਇਕ ਨਵਾਂ ਖੇਡ ਰਿਕਾਰਡ ਵੀ ਬਣਾਇਆ। ਕੀਨੀਆ ਦੇ ਜੋਸ਼ੂਆ ਅਮੁੰਗਾ ਮਬੋਆ ਨੇ ਕੁੱਲ 260 ਕਿਲੋਗ੍ਰਾਮ ਭਾਰ ਚੁੱਕ ਕੇ ਕਾਂਸੀ ਦਾ ਤਗਮਾ ਜਿੱਤਿਆ। ਉਸਨੇ ਸਨੈਚ ’ਚ 115 ਕਿਲੋਗ੍ਰਾਮ ਅਤੇ ਕਲੀਨ ਐਂਡ ਜਰਕ ’ਚ 145 ਕਿਲੋਗ੍ਰਾਮ ਭਾਰ ਚੁੱਕਿਆ। ਸਨੈਚ ’ਚ ਰਿਸ਼ੀਕਾਂਤਾ ਨੇ 116 ਕਿਲੋਗ੍ਰਾਮ ਦੀ ਸਫਲ ਲਿਫਟਿੰਗ ਨਾਲ ਸ਼ੁਰੂਆਤ ਕੀਤੀ, ਫਿਰ 119 ਕਿਲੋਗ੍ਰਾਮ ਤੇ ਅੰਤ ’ਚ 121 ਕਿਲੋਗ੍ਰਾਮ ਚੁੱਕਿਆ।ਕਲੀਨ ਐਂਡ ਜਰਕ ’ਚ ਰਿਸ਼ੀਕਾਂਤਾ ਨੇ ਆਪਣੀ ਪਹਿਲੀ ਕੋਸ਼ਿਸ਼ ’ਚ ਸਫਲਤਾਪੂਰਵਕ 143 ਕਿਲੋਗ੍ਰਾਮ ਚੁੱਕਿਆ ਪਰ ਆਪਣੀ ਦੂਜੀ ਕੋਸ਼ਿਸ਼ ਵਿਚ 148 ਕਿਲੋਗ੍ਰਾਮ ਤੇ ਆਪਣੀ ਤੀਜੀ ਕੋਸ਼ਿਸ਼ ਵਿਚ 151 ਕਿਲੋਗ੍ਰਾਮ ਚੁੱਕਣ ਵਿਚ ਅਸਫਲ ਰਿਹਾ, ਇਸ ਤਰ੍ਹਾਂ ਸੋਨ ਤਗਮੇ ਤੋਂ ਖੁੰਝ ਗਿਆ।
ਬਚਪਨ ਦੇ ਸੰਘਰਸ਼ਾਂ ਤੋਂ ਰਾਸ਼ਟਰਮੰਡਲ ਦੇ ਸੋਨ ਤਗਮੇ ਤੱਕ ਦੀ ਕਹਾਣੀ
ਮੀਰਾਬਾਈ ਦਾ ਜਨਮ 8 ਅਗਸਤ, 1994 ਨੂੰ ਮਨੀਪੁਰ ਦੇ ਨੋਂਗਪੇਕ ਕਾਕਚਿੰਗ ਪਿੰਡ ’ਚ ਹੋਇਆ ਸੀ। ਉਸਦਾ ਬਚਪਨ ਸੰਘਰਸ਼ਾਂ ਨਾਲ ਭਰਿਆ ਹੋਇਆ ਸੀ। ਉਹ ਪਹਾੜਾਂ ਤੋਂ ਲੱਕੜਾਂ ਇਕੱਠੀਆਂ ਕਰਦੀ ਸੀ। ਬਚਪਨ ’ਚ, ਮੀਰਾਬਾਈ ਇੱਕ ਤੀਰਅੰਦਾਜ਼ ਬਣਨ ਦਾ ਸੁਪਨਾ ਦੇਖਦੀ ਸੀ। ਸੱਤਵੀਂ ਜਮਾਤ ਤੱਕ, ਉਹ ਇਸ ਖੇਤਰ ’ਚ ਕਰੀਅਰ ਬਣਾਉਣਾ ਚਾਹੁੰਦੀ ਸੀ, ਪਰ ਅੱਠਵੀਂ ਜਮਾਤ ਵਿੱਚ ਸਭ ਕੁਝ ਬਦਲ ਗਿਆ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਉਸਦੀ ਅੱਠਵੀਂ ਜਮਾਤ ਦੀ ਪਾਠ ਪੁਸਤਕ ਵਿਚ, ਉਸਨੂੰ ਭਾਰਤ ਦੀ ਮਸ਼ਹੂਰ ਵੇਟਲਿਫਟਰ, ਕੁੰਜਰਾਨੀ ਦੇਵੀ ਬਾਰੇ ਪੜ੍ਹਨ ਦਾ ਮੌਕਾ ਮਿਲਿਆ। ਕੁੰਜਰਾਨੀ ਨੇ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਸੱਤ ਚਾਂਦੀ ਦੇ ਤਗਮੇ ਅਤੇ ਏਸ਼ੀਆਈ ਖੇਡਾਂ ਵਿੱਚ 2 ਕਾਂਸੀ ਦੇ ਤਗਮੇ ਜਿੱਤੇ ਸਨ। ਸ਼ੁਰੂ ਵਿਚ, ਮੀਰਾਬਾਈ ਸੋਚਦੀ ਸੀ ਕਿ ਉਹ ਸਿਰਫ਼ ਭਾਰ ਚੁੱਕ ਰਹੀ ਹੈ, ਪਰ ਬਾਅਦ ਵਿਚ ਉਸਨੂੰ ਅਹਿਸਾਸ ਹੋਇਆ ਕਿ ਵੇਟਲਿਫਟਿੰਗ ਇਕ ਬਹੁਤ ਮੁਸ਼ਕਲ ਖੇਡ ਹੈ।
ਮਨੀਪੁਰ ਤੋਂ ਹੀ ਸੰਬੰਧਿਤ ਹੈ ਰਿਸ਼ੀਕਾਂਤ
ਮਨੀਪੁਰ, ਜਿਥੇ ਮੀਰਾਬਾਈ ਚਾਨੂ ਵਰਗੇ ਮਹਾਨ ਐਥਲੀਟ ਹੋਏ ਹਨ, ਨੇ ਰਿਸ਼ੀਕਾਂਤਾ ਸਿੰਘ ਦੇ ਰੂਪ ’ਚ ਇਕ ਹੋਰ ਸਿਤਾਰਾ ਪੈਦਾ ਕੀਤਾ ਹੈ। ਇੰਫਾਲ ਵੈਸਟ ਦੇ ਨਿਵਾਸੀ ਰਿਸ਼ੀਕਾਂਤਾ, ਬਚਪਨ ਤੋਂ ਹੀ ਵੇਟਲਿਫਟਿੰਗ ਕਰ ਰਹੇ ਹਨ। ਭਾਰਤੀ ਫੌਜ ਦੇ ਖੇਡ ਬੁਨਿਆਦੀ ਢਾਂਚੇ ਦੇ ਅੰਦਰ ਉਸਨੇ ਆਪਣੀ ਖੇਡ ਨੂੰ ਹੋਰ ਨਿਖਾਰਿਆ, ਜਿੱਥੇ ਅਨੁਸ਼ਾਸਨ, ਆਧੁਨਿਕ ਸਿਖਲਾਈ ਤੇ ਸ਼ਾਨਦਾਰ ਸਹੂਲਤਾਂ ਨੇ ਉਸਦੀ ਖੇਡ ਨੂੰ ਆਕਾਰ ਦਿੱਤਾ।
ਰਿਕਾਰਡ ਤੋੜਦੇ ਹੋਏ ਰਾਸ਼ਟਰਮੰਡਲ ਖੇਡਾਂ ਤੱਕ ਪਹੁੰਚੇ
ਰਿਸ਼ੀਕਾਂਤਾ ਨੇ 2022 ਰਾਸ਼ਟਰਮੰਡਲ ਖੇਡਾਂ ’ਚ 55 ਕਿਲੋਗ੍ਰਾਮ ਵਰਗ ’ਚ ਆਪਣੇ ਅੰਤਰਰਾਸ਼ਟਰੀ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਉਸਨੇ ਬਾਅਦ ’ਚ ਭਾਰ ਵਰਗ ਬਦਲੇ ਤੇ ਆਪਣੇ ਆਪ ਨੂੰ 60/61 ਕਿਲੋਗ੍ਰਾਮ ਵਰਗ ’ਚ ਸਥਾਪਿਤ ਕੀਤਾ। 2024 ਰਾਸ਼ਟਰੀ ਵੇਟਲਿਫਟਿੰਗ ਚੈਂਪੀਅਨਸ਼ਿਪ ’ਚ, ਉਸਨੇ 61 ਕਿਲੋਗ੍ਰਾਮ ਵਰਗ ਦੇ ਸਨੈਚ ਵਿੱਚ 124 ਕਿਲੋਗ੍ਰਾਮ ਭਾਰ ਚੁੱਕ ਕੇ ਇਕ ਰਾਸ਼ਟਰੀ ਰਿਕਾਰਡ ਬਣਾਇਆ। ਇਸ ਤੋਂ ਬਾਅਦ, ਉਸਨੇ 2025 ਰਾਸ਼ਟਰਮੰਡਲ ਵੇਟਲਿਫਟਿੰਗ ਚੈਂਪੀਅਨਸ਼ਿਪ ’ਚ 120 ਕਿਲੋਗ੍ਰਾਮ ਸਨੈਚ, 151 ਕਿਲੋਗ੍ਰਾਮ ਕਲੀਨ ਐਂਡ ਜਰਕ, ਤੇ ਕੁੱਲ 271 ਕਿਲੋਗ੍ਰਾਮ ਭਾਰ ਚੁੱਕ ਕੇ ਸੋਨ ਤਗਮਾ ਜਿੱਤਿਆ। ਇਸ ਕੁੱਲ ਨੇ ਇਕ ਭਾਰਤੀ ਰਾਸ਼ਟਰੀ ਰਿਕਾਰਡ ਵੀ ਬਣਾਇਆ ਤੇ ਇਸ ਪ੍ਰਦਰਸ਼ਨ ਨੇ ਉਸਨੂੰ ਲਗਾਤਾਰ ਦੂਜੀ ਵਾਰ ਰਾਸ਼ਟਰਮੰਡਲ ਖੇਡਾਂ ’ਚ ਸਥਾਨ ਦਿਵਾਇਆ।
ਮੀਰਾਬਾਈ ਚਾਨੂ ਨੇ ਲਗਾਈ ਸੋਨ ਦੇ ਤਗਮਿਆਂ ਦੀ ਹੈਟ੍ਰਿਕ
ਮੀਰਾਬਾਈ ਚਾਨੂ ਨੇ ਰਾਸ਼ਟਰਮੰਡਲ ਖੇਡਾਂ ’ਚ ਸੋਨੇ ਦੇ ਤਗਮਿਆਂ ਦੀ ਇਕ ਸ਼ਾਨਦਾਰ ਹੈਟ੍ਰਿਕ ਲਗਾ ਦਿੱਤੀ ਹੈ। ਜੋ ਗਲਾਸਗੋ ’ਚ ਉਸਦੀ ਪਹਿਲੀ ਹੈ। ਉਸਨੇ 2014 ਦੀਆਂ ਖੇਡਾਂ ’ਚ ਚਾਂਦੀ ਦਾ ਤਗਮਾ ਜਿੱਤਿਆ, ਫਿਰ ਇਸਨੂੰ 2018 ’ਚ ਗੋਲਡ ਕੋਸਟ ’ਚ ਸੋਨੇ ਦੇ ਤਗਮੇ ਵਿਚ ਬਦਲ ਦਿੱਤਾ ਤੇ ਫਿਰ ਬਰਮਿੰਘਮ 2022 ਵਿੱਚ ਆਪਣਾ ਖਿਤਾਬ ਬਰਕਰਾਰ ਰੱਖਿਆ। ਉਸਨੇ ਟੋਕੀਓ ਓਲੰਪਿਕ ਵ’ਚ ਵੀ ਚਾਂਦੀ ਦਾ ਤਗਮਾ ਜਿੱਤਿਆ, ਅਜਿਹਾ ਕਰਨ ਵਾਲੀ ਪਹਿਲੀ ਭਾਰਤੀ ਬਣ ਗਈ। ਇਹ ਰਾਸ਼ਟਰਮੰਡਲ ਖੇਡਾਂ ’ਚ ਮੀਰਾਬਾਈ ਚਾਨੂ ਦਾ ਚੌਥਾ ਤਗਮਾ ਸੀ, ਜਿਸ ’ਚ ਉਸਨੇ ਤਿੰਨ ਸੋਨ ਤੇ ਇੱਕ ਚਾਂਦੀ ਦਾ ਤਗਮਾ ਜਿੱਤਿਆ।
ਉਪ ਰਾਸ਼ਟਰਪਤੀ,ਪ੍ਰਧਾਨ ਮੰਤਰੀ ਤੇ ਖੇਡ ਮੰਤਰੀ ਨੇ ਦਿੱਤੀ ਵਧਾਈ
ਮੀਰਾਬਾਈ ਚਾਨੂ ਦੀ ਪ੍ਰਾਪਤੀ ਤੇ ਉਨ੍ਹਾਂ ਨੂੰ ਉਪ ਰਾਸ਼ਟਰਪਤੀ ਸੀ.ਪੀ. ਰਾਧਾਕ੍ਰਿਸ਼ਨਨ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਖੇਡ ਮੰਤਰੀ ਮਨਸੁਖ ਮੰਡਾਵੀਆ ਨੇ ਵਧਾਈ ਦਿੱਤੀ। ਉਪ ਰਾਸ਼ਟਰਪਤੀ ਸੀ.ਪੀ. ਰਾਧਾਕ੍ਰਿਸ਼ਨਨ ਨੇ ਅਧਿਕਾਰਤ ‘ਐਕਸ’ ਪਲੇਟਫਾਰਮ ’ਤੇ ਲਿਖਿਆ ਕਿ ਮੀਰਾਬਾਈ ਚਾਨੂ ਨੂੰ ਹਾਰਦਿਕ ਵਧਾਈਆਂ। ਸਾਲਾਂ ਦੌਰਾਨ ਉੱਚ ਪੱਧਰ ’ਤੇ ਭਾਰਤ ਲਈ ਤੁਹਾਡੇ ਲਗਾਤਾਰ ਤਗਮਾ ਜਿੱਤਣ ਵਾਲੇ ਪ੍ਰਦਰਸ਼ਨ ਤੁਹਾਡੇ ਅਥਾਹ ਸਮਰਪਣ, ਹਿੰਮਤ ਤੇ ਉੱਤਮਤਾ ਦੀ ਪ੍ਰਾਪਤੀ ਨੂੰ ਦਰਸਾਉਂਦੇ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲਿਖਿਆ ਕਿ ‘ਭਾਰਤੀ ਵੇਟਲਿਫਟਿੰਗ ਵਿਚ ਇਕ ਹੋਰ ਸ਼ਾਨਦਾਰ ਅਧਿਆਇ। ਪ੍ਰਤਿਭਾਸ਼ਾਲੀ ਮੀਰਾਬਾਈ ਚਾਨੂ ਨੇ ਇਕ ਵਾਰ ਫਿਰ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਆਪਣੇ ਹੁਨਰ ਦਾ ਪ੍ਰਦਰਸ਼ਨ ਕੀਤਾ ਹੈ। ਲਗਾਤਾਰ ਤਿੰਨ ਰਾਸ਼ਟਰਮੰਡਲ ਖੇਡਾਂ ’ਚ ਸੋਨ ਤਗਮੇ ਤੇ ਕੁੱਲ ਚਾਰ ਰਾਸ਼ਟਰਮੰਡਲ ਤਗਮੇ ਜਿੱਤ ਕੇ, ਉਹ ਹਰ ਭਾਰਤੀ ਲਈ ਪ੍ਰੇਰਨਾ ਬਣੀ ਹੋਈ ਹੈ। ਉਸਨੂੰ ਭਵਿੱਖ ਦੇ ਯਤਨਾਂ ਲਈ ਸ਼ੁਭਕਾਮਨਾਵਾਂ। ਮਨਸੁਖ ਮੰਡਾਵੀਆ ਨੇ ਲਿਖਿਆ ਕਿ ਮੀਰਾਬਾਈ ਚਾਨੂ ਨੂੰ ਵਧਾਈਆਂ। ਤੁਹਾਡਾ ਅਟੁੱਟ ਸਮਰਪਣ, ਸ਼ਾਨਦਾਰ ਇਕਸਾਰਤਾ ਤੇ ਅਸਾਧਾਰਨ ਤਾਕਤ ਭਾਰਤ ਨੂੰ ਵਿਸ਼ਵ ਪੱਧਰ ‘ਤੇ ਮਾਣ ਦਿਵਾਉਂਦੀ ਰਹੇਗੀ।
ਭਾਰਤ ਦੀ ਤਾਕਤ ਦਾ ਪ੍ਰਤੀਕ।