ਨਵਾਂਸ਼ਹਿਰ ਮਸਜਿਦ ਕਾਸਿਮ ਵਿਖੇ ਈਦ-ਉਲ-ਜੂਹਾ ਦੀ ਨਮਾਜ਼ ਕੀਤੀ ਅਦਾ

ਨਵਾਂਸ਼ਹਿਰ, 28 ਮਈ (ਹਰਿਮੰਦਰ ਸਿੰਘ ਪਿੰਟੂ)-ਇਲਾਕੇ ਦੇ ਮੁਸਲਿਮ ਭਰਾਵਾਂ ਨੇ ਬੰਗਾ ਰੋਡ 'ਤੇ ਮਸਜਿਦ ਕਾਸਿਮ ਦੇ ਨੇੜੇ ਸਥਿਤ ਈਦਗਾਹ ਵਿਚ ਆ ਕੇ ਈਦ-ਉਲ-ਜੂਹਾ ਬਕਰੀਦ ਦੀ ਨਮਾਜ਼ ਅਦਾ ਕੀਤੀ ਗਈ | ਨਮਾਜ਼ ਅਦਾ ਕਰਨ ਤੋਂ ਪਹਿਲਾਂ ਇਮਾਮ ਮੁਫ਼ਤੀ ਮੁਹੰਮਦ ਗੁਲਸ਼ਾਦ ਨੇ ਲੋਕਾਂ ਨੂੰ ਸੰਬੋਧਨ ਕੀਤਾ ਅਤੇ ਈਦ-ਉਲ-ਜੂਹਾ ਦੀਆਂ ਕੁਰਬਾਨੀਆਂ ਦਾ ਅਰਥ ਸਮਝਾਇਆ | ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਮੁਫ਼ਤੀ ਸਾਹਿਬ ਨੇ ਕਿਹਾ ਕਿ ਕੁਰਬਾਨੀ ਦੀ ਇਹ ਪਰੰਪਰਾ ਹਜ਼ਰਤ ਆਦਮ ਵੇਲੇ ਸਲਾਮ ਤੋਂ ਚੱਲੀ ਆ ਰਹੀ ਹੈ ਜੋ ਦੁਨੀਆ ਦੇ ਪਹਿਲੇ ਮਨੁੱਖ ਸਨ | ਇਸ ਮੌਕੇ ਮਸਜਿਦ ਕਮੇਟੀ ਦੇ ਮੁਖੀ ਨੂਰ ਹਸਨ ਨੇ ਇਲਾਕੇ ਦੇ ਸਾਰੇ ਨਿਵਾਸੀਆਂ ਨੂੰ ਈਦ-ਉਲ-ਜੂਹਾ ਦੀਆ ਮੁਬਾਰਕਾਂ ਦਿੱਤੀਆਂ ਤੇ ਆਪਸੀ ਭਾਈਚਾਰੇ ਸਾਂਝ ਬਣਾਈ ਰੱਖਣ ਦੀ ਅਪੀਲ ਕੀਤੀ | ਇਸ ਮੌਕੇ ਵੱਖ-ਵੱਖ ਧਾਰਮਿਕ, ਰਾਜਨੀਤਿਕ ਪਾਰਟੀਆਂ ਦੇ ਆਗੂ ਵਿਸ਼ੇਸ਼ ਤੌਰ 'ਤੇ ਸ਼ਾਮਿਲ ਹੋਏ, ਜਿਨ੍ਹਾਂ ਮੁਸਲਿਮ ਭਾਈਚਾਰੇ ਨੂੰ ਈਦ ਦੀਆਂ ਵਧਾਈਆਂ ਦਿੱਤੀਆਂ | ਇਸ ਮੌਕੇ ਮੁਸਲਿਮ ਸੰਘ ਪੰਜਾਬ ਨਵਾਂਸ਼ਹਿਰ ਦੇ ਜਨਰਲ ਸੈਕਟਰੀ ਮੁਹੰਮਦ ਸ਼ਾਹਿਦ, ਮੁਹੰਮਦ ਸਲੀਮ ਅੰਸਾਰੀ, ਮੁਹੰਮਦ ਇਰਸ਼ਾਦ, ਜ਼ਿਲ੍ਹਾ ਪ੍ਰਧਾਨ ਮੁਸਲਿਮ ਸੰਗਠਨ ਪੰਜਾਬ ਮੁਹੰਮਦ ਖ਼ੁਰਸ਼ੀਦ, ਇੰਜੀਨੀਅਰ ਮੁਹੰਮਦ ਤਨਵੀਰ, ਮੁਹੰਮਦ ਉਜੇਰ, ਅਹਿਮਦ ਹਫੀਜ਼, ਵਸੀਮ ਮੁਹੰਮਦ, ਦਾਨਿਸ਼ ਮੁਹੰਮਦ, ਸਰੀਮ ਮੁਹੰਮਦ ਜੁਬੇਰ, ਮੁਹੰਮਦ ਸੁਹੇਲ, ਮੁਹੰਮਦ ਸੂਹੀ, ਮੁਹੰਮਦ ਹਾਜੀ ਤਾਲਿਬ, ਮੁਹੰਮਦ ਆਸਿਫ਼, ਮੁਹੰਮਦ ਖ਼ੁਰਸ਼ੀਦ, ਮੁਹੰਮਦ ਉਸਮਾਨ, ਮੁਹੰਮਦ ਰਸਿਦ, ਮੁਹੰਮਦ ਨਿਸਾਰ, ਮੁਹੰਮਦ ਹਾਸ਼ਿਮ ਗੁੱਜਰ, ਮੁਹੰਮਦ ਵਸੀਮ, ਮੁਹੰਮਦ ਸੁਮੀਤ, ਬਾਬਾ ਮਹਿਤਾਬ ਅਹਿਮਦ ਕਾਦਰੀ ਆਦਿ ਹਾਜ਼ਰ ਸਨ |