ਧਾਰੀਵਾਲ, 24 ਜਨਵਰੀ (ਸਵਰਨ ਸਿੰਘ)-ਡਾਇਓਸਿਸ ਆਫ਼ ਜਲੰਧਰ ਵਲੋਂ ਜਾਰੀ ਸਕੂਲੀ ਵਾਹਨਾਂ ਦੀਆਂ ਹਦਾਇਤਾਂ ਨੂੰ ਲੈ ਕੇ ਸਕੂਲੀ ਬੱਚਿਆਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਲਿਟਲ ਫਲਾਵਰ ਕਾਨਵੈਂਟ ਸੀਨੀਅਰ ਸੈਕੰਡਰੀ ਸਕੂਲ ਧਾਰੀਵਾਲ ਦੇ ਡਾਇਰੈਕਟਰ ਫਾਦਰ ਜੋਸ਼ ਪਡਿਆਟੀ ਦੇ ਦਿਸ਼ਾ-ਨਿਰਦੇਸ਼ਾਂ ਤੇ ਪਿ੍ੰਸੀਪਲ ਸਿਸਟਰ ਦਿਵਿਆ ਦੀ ਅਗਵਾਈ 'ਚ ਸਕੂਲ ਦੇ ਵਾਹਨ ਚਾਲਕਾਂ ਤੇ ਕੰਡਕਟਰਾਂ ਦੀ ਮੀਟਿੰਗ ਹੋਈ, ਜਿਸ 'ਚ ਪੀ.ਆਰ.ਓ. ਸਵਰਨ ਸਿੰਘ ਨੇ ਡਾਇਓਸਿਸ ਆਫ਼ ਜਲ਼ੰਧਰ ਵਲੋਂ ਜਾਰੀ ਹਦਾਇਤਾਂ ਦੇ ਦਫ਼ਤਰੀ ਹੁਕਮਾਂ ਨੂੰ ਪੰਜਾਬੀ ਵਿਚ ਤਰਜਮਾ ਕਰਕੇ ਸਮਝਾਇਆ, ਜਿਸ ਵਿਚ ਮਾਣਯੋਗ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਵਲੋਂ ਤਿਆਰ ਕੀਤੀ 'ਸੇਫ ਸਕੂਲ ਵਾਹਨ ਪਾਲਿਸੀ' ਦੇ ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਕਰਨ ਦੀ ਹਦਾਇਤ ਕੀਤੀ ਗਈ | ਇਸ ਮੌਕੇ ਪਿ੍ੰਸੀਪਲ ਸਿਸਟਰ ਦਿਵਿਆ ਨੇ ਮਹਿਲਾ ਕੰਡਕਟਰਾਂ ਨੂੰ ਹਦਾਇਤ ਕੀਤੀ ਕਿ ਵਿਦਿਆਰਥਣਾਂ ਦਾ ਖ਼ਾਸ ਧਿਆਨ ਰੱਖਿਆ ਜਾਵੇ ਤੇ ਬੱਸ ਦੇ ਚਲਦੇ ਸਮੇਂ ਕਿਸੇ ਵੀ ਬੱਸ ਦੀ ਬਾਰੀ ਆਦਿ ਖੁੱਲੀ ਨਹੀਂ ਹੋਣੀ ਚਾਹੀਦੀੇ | ਇਸ ਮੌਕੇ ਪ੍ਰਧਾਨ ਸੁਰਿੰਦਰ ਸਿੰਘ ਘੁੰਮਣ, ਸੰਦੀਪ ਸਲਵਾਨ, ਸਤਵਿੰਦਰ ਸਿੰਘ ਸੋਨੂੰ, ਦੀਦਾਰ ਸਿੰਘ ਭੁੰਬਲੀ, ਕਰਤਾਰ ਮਸੀਹ, ਗੁਰਜਿੰਦਰ ਸਿੰਘ ਘੁੰਮਣ, ਸਿਮਰਨਜੀਤ ਸਿੰਘ ਸੋਢੀ, ਸੁਖਵਿੰਦਰ ਸਿੰਘ ਫ਼ੌਜੀ, ਜਸਵਿੰਦਰ ਸਿੰਘ ਚੀਮਾ, ਲਤੀਫ ਮਸੀਹ ਬੱਬੀ, ਸੰਦੀਪ ਸਿੰਘ ਕਲਿਆਣਪੁਰ, ਇੰਦਰਜੀਤ ਇੰਦਰੀ, ਮੰਗਲ ਸਿੰਘ ਖਾਨਮਲੱਕ, ਸਕੱਤਰ ਸਿੰਘ, ਕਸਮੀਰ ਮਸੀਹ, ਹਰਜਿੰਦਰ ਸਿੰਘ ਭੁੰਬਲੀ ਆਦਿ ਹਾਜ਼ਰ ਸਨ |
