ਫ਼ਤਹਿਗੜ੍ਹ ਚੂੜੀਆਂ, 1 ਜੁਲਾਈ (ਅਵਤਾਰ ਸਿੰਘ ਰੰਧਾਵਾ)-ਉੱਚ ਅਫ਼ਸਰਾਂ ਸਮੇਤ ਐੱਸ.ਐੱਸ.ਪੀ. ਬਟਾਲਾ ਡਾ. ਮਹਿਤਾਬ ਸਿੰਘ ਅਤੇ ਪੁਲਿਸ ਜ਼ਿਲ੍ਹਾ ਬਟਾਲਾ ਤੇ ਬਦਮਾਸ਼ ਵਿਚਾਲੇ ਕਸਬਾ ਅਲੀਵਾਲ ਨੇੜੇ ਨਹਿਰਾਂ ਕੋਲ ਹੋਈ ਜਵਾਬੀ ਕਾਰਵਾਈ ਵਿਚ ਇਕ ਬਦਮਾਸ਼ ਜ਼ਖ਼ਮੀ ਹੋ ਗਿਆ ਹੈ। ਜਾਣਕਾਰੀ ਦਿੰਦੇ ਹੋਏ ਪੁਲਿਸ ਅਫ਼ਸਰਾਂ ਨੇ ਦੱਸਿਆ ਬੀਤੇ ਦਿਨੀਂ ਵੱਖ-ਵੱਖ ਥਾਵਾਂ ’ਤੇ ਗੋਲੀ ਚੱਲਣ ਦੇ ਸਬੰਧ ਵਿਚ 5 ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਜਿਸ ਦੇ ਸਬੰਧ ’ਚ ਮਲਕੀਤ ਸਿੰਘ ਬਿੱਲਾ ਨੂੰ ਰਿਕਵਰੀ ਲਈ ਲੈ ਕੇ ਅਲੀਵਾਲ ਨੇੜੇ ਨਹਿਰਾਂ ਕੋਲ ਆਏ ਸਨ, ਇਸ ਮੌਕੇ ਚਕਮਾ ਦੇ ਕੇ ਬਦਮਾਸ਼ ਮਲਕੀਤ ਸਿੰਘ ਬਿੱਲਾ ਨੇ ਪੁਲਿਸ ਉੱਪਰ 3 ਗੋਲੀਆ ਚਲਾਈਆ। ਪੁਲਿਸ ਨੇ ਆਪਣੇ ਬਚਾਅ ਲਈ ਅੱਗੋਂ 2 ਫਾਇਰ ਕੀਤੇ, ਜਿਨਾਂ ’ਚੋਂ ਇਕ ਗੋਲੀ ਦੋਸ਼ੀ ਦੀ ਲੱਤ ਉੱਪਰ ਲੱਗੀ। ਉਨ੍ਹਾਂ ਦੱਸਿਆ ਕਿ ਮਲਕੀਤ ਸਿੰਘ ਬਿੱਲਾ ਉੱਪਰ ਪਹਿਲਾਂ ਵੀ ਦਰਜਨ ਦੇ ਕਰੀਬ ਫਿਰੌਤੀ ਆਦਿ ਮੰਗਣ ਦੇ ਮਾਮਲੇ ਦਰਜ ਹਨ। ਪੁਲਿਸ ਅਫ਼ਸਰਾਂ ਨੇ ਦੱਸਿਆ ਕਿ ਬੀਤੇ ਦਿਨੀ ਰੈਸਟੋਰੈਂਟ ਕਰਾਉਣ, ਕਾਰ ਫੈਸ਼ਨ, ਲੰਡਨ ਗਾਰਮੈਂਟ ਸ਼ੋਪ ਤੋਂ ਇਲਾਵਾ ਹੋਰਨਾਂ ਥਾਵਾਂ ਤੋਂ ਫਿਰ ਫਿਰੋਤੀ ਮੰਗੀ ਸੀ। ਉਪਰੰਤ ਪੁਲਿਸ ਨੇ ਉਸ ਨੂੰ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ। ਪੁਲਿਸ ਵਲੋਂ ਦੋਸ਼ੀ ਨੂੰ ਕਬਜ਼ੇ ਵਿਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
