ਗੁਰਦਾਸਪੁਰ, 7 ਜੁਲਾਈ (ਚੱਕਰਾਜਾ)-ਸਥਾਨਕ ਬਾਟਾ ਚੌਂਕ ਵਿਚ ਸਬਜ਼ੀ ਵੇਚਦਿਆਂ ਅਚਾਨਕ ਇਕ ਗਰੀਬ ਦਿਹਾੜੀਦਾਰ ਦੀ ਮੌਤ ਹੋਣ ਦੀ ਖਬਰ ਸਾਹਮਣੇ ਆਈ ਹੈ। ਨਜ਼ਦੀਕ ਦੇ ਦੁਕਾਨਦਾਰ ਦਾ ਕਹਿਣਾ ਹੈ ਕਿ ਅਚਾਨਕ ਉਸ ਨੂੰ ਛਾਤੀ ਵਿਚ ਦਰਦ ਮਹਿਸੂਸ ਹੋਈ ਅਤੇ ਕੁਝ ਦੇਰ ਬਾਅਦ ਹੀ ਉਸ ਦੀ ਮੌਤ ਹੋ ਗਈ । ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਗਰਮੀ ਕਾਰਨ ਉਸ ਨੂੰ ਦਿਲ ਦਾ ਦੌਰਾ ਪਿਆ ਹੈ। ਮ੍ਰਿਤਕ ਵੀ ਪਹਿਚਾਣ 40 ਵਰ੍ਹਿਆਂ ਦੇ ਸੋਨੀ ਵਾਸੀ ਬੱਬਰੀ ਦੇ ਤੌਰ ’ਤੇ ਹੋਈ ਹੈ। ਉੱਥੇ ਹੀ ਆਸ-ਪਾਸ ਦੇ ਦੁਕਾਨਦਾਰਾਂ ਨੇ ਇਹ ਵੀ ਦੋਸ਼ ਲਗਾਇਆ ਹੈ ਕਿ ਪਿਛਲੇ ਡੇਢ ਘੰਟੇ ਤੋਂ ਲਾਸ਼ ਉੱਥੇ ਹੀ ਪਈ ਹੈ। ਪੁਲਿਸ ਨੇ ਆ ਕੇ ਮੌਕੇ ֹ’ਤੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਪਰ ਐਂਬੂਲੈਂਸ ਵਾਲੇ ਲਾਸ਼ ਨੂੰ ਸੜਕ ਦੇ ਉੱਪਰ ਛੱਡ ਕੇ ਹੀ ਚੱਲਦੇ ਬਣੇ । ਐਮਬੂਲੈਂਸ ਚਾਲਕ ਦਾ ਕਹਿਣਾ ਸੀ ਕਿ ਉਹ ਐਬੂਲੈਂਸ ਵਿਚ ਮ੍ਰਿਤਕ ਦੇਹ ਨਹੀਂ ਲੈ ਕੇ ਜਾ ਸਕਦੇ।
