ਗੋਲੂ ਕਾ ਮੋੜ, 07 ਜੁਲਾਈ (ਸੁਰਿੰਦਰ ਸਿੰਘ ਪੁਪਨੇਜਾ)-ਸੇਂਟ ਰਾਓ ਦਾਸ ਗੁਰਕੁਲ ਗੋਲੂ ਕਾ ਸਕੂਲ ਵਿਚ ਗਿਆਨ ਵਰਧਕ ਕੁਇੱਜ਼ ਮੁਕਾਬਲੇ ਕਰਵਾਏ ਗਏ। ਜਿਸ ਵਿਚ ਸਕੂਲ ਦੇ ਵੱਖ-ਵੱਖ ਜਮਾਤਾਂ ਦੇ ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਭਾਗ ਲਿਆ। ਇਹ ਕੁਇੱਜ਼ ਮੁਕਾਬਲੇ ਸਕੂਲ ਵਿਚ ਚੱਲ ਰਹੇ ਸ਼ਿਵਾਲਿਕ ਹਾਊਸ, ਨੀਲਗਿਰੀ ਹਾਊਸ, ਉਦੇਗਿਰੀ ਹਾਊਸ, ’ਤੇ ਅਰਾਵਲੀ ਹਾਊਸ ਦੇ ਵਿਦਿਆਰਥੀਆ ਦੇ ਅਨੁਸਾਰ ਕਰਵਾਏ ਗਏ। ਜਿਸ ਵਿਚ ਪ੍ਰਸ਼ਨ ਵਿਗਿਆਨ, ਗਣਿਤ, ਪੰਜਾਬੀ, ਸਮਾਜਿਕ ਵਿਗਿਆਨ ਅਤੇ ਗਿਆਨ ਦੀਆ ਗੱਲਾਂ ਨਾਲ ਸੰਬੰਧਿਤ ਸਨ। ਵਿਦਿਆਰਥੀਆਂ ਨੇ ਆਪਣੀ ਸੂਝ-ਬੂਝ, ਹਾਜ਼ਰ ਜਵਾਬੀ ਅਤੇ ਟੀਮ ਵਰਕ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਜੇਤੂ ਅਰਾਵਲੀ ਹਾਊਸ ਟੀਮ ਨੂੰ ਪ੍ਰਿੰਸੀਪਲ ਵਲੋਂ ਟਰਾਫੀ ਅਤੇ ਪ੍ਰਸ਼ੰਸਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਪ੍ਰਿੰਸੀਪਲ ਪ੍ਰਸੰਨਤਾ ਰਾਣੀ ਨੇ ਕਿਹਾ ਕਿ ਇਹ ਕੁਇੱਜ਼ ਮੁਕਾਬਲੇ ਵਿਦਿਆਰਥੀਆਂ ਲਈ ਬਹੁਤ ਹੀ ਲਾਭਦਾਇਕ ਅਤੇ ਪ੍ਰੇਰਣਾਦਾਇਕ ਸਾਬਤ ਹੋਣਗੇ ਅਤੇ ਇਨ੍ਹਾਂ ਮੁਕਾਬਲਿਆਂ ਵਿਚ ਵਿਦਿਆਰਥੀਆਂ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ ਹੈ। ਇਸ ਮੌਕੇ ਸਕੂਲ ਦੇ ਵਿਦਿਆਰਥੀ ਅਤੇ ਅਧਿਆਪਕ ਹਾਜਰ ਸਨ।
