ਰਾਜਪਾਲ ਵਲੋਂ 'ਪੰਜਾਬ: ਵੇਅਰ ਕਲਚਰ, ਹੈਰੀਟੇਜ ਐਂਡ ਨੇਚਰ ਬਿ੍ਦਸ' ਥੀਮ ਆਧਾਰਿਤ ਚਿੱਤਰਾਤਮਕ ਕੈਲੰਡਰ 2026 ਲੋਕ ਅਰਪਣ <br/>
ਅਜੀਤ ਡੈਸਕ
01-01-2026
ਇਸ ਮੌਕੇ ਪੰਜਾਬ ਦੇ ਰਾਜ ਸੂਚਨਾ ਕਮਿਸ਼ਨਰ ਹਰਪ੍ਰੀਤ ਸੰਧੂ ਨੇ ਕਿਹਾ ਕਿ ਉਨ੍ਹਾਂ ਨੇ ਕੈਲੰਡਰ 2026 ਦਾ ਸੰਕਲਨ ਇਸ ਉਦੇਸ਼ ਨਾਲ ਕੀਤਾ ਹੈ ਤਾਂ ਜੋ ਇਹ ਨਾਗਰਿਕਾਂ, ਸੈਲਾਨੀਆਂ ਅਤੇ ਵਿਸ਼ੇਸ਼ ਤੌਰ 'ਤੇ ਨੌਜਵਾਨ ਵਰਗ ਲਈ ਪ੍ਰੇਰਣਾ ਦਾ ਸਰੋਤ ਬਣੇ, ਜਿਸ ਰਾਹੀਂ ਉਹ ਪੰਜਾਬ ਦੀ ਗੌਰਵਸ਼ਾਲੀ ਵਿਰਾਸਤ ਨਾਲ ਮੁੜ ਜੁੜ ਸਕਣ ਅਤੇ ਪ੍ਰਕਿ੍ਤੀ ਤੇ ਖੇਤੀਬਾੜੀ ਨਾਲ ਇਸ ਦੇ ਅਟੁੱਟ ਸੰਬੰਧਾਂ ਦਾ ਆਦਰ ਕਰ ਸਕਣ | ਪੰਜਾਬ ਦੇ ਰਾਜਪਾਲ ਦੇ ਅਗਵਾਈ ਹੇਠ ਤਿਆਰ ਕੀਤੇ ਗਏ ਇਸ ਕੈਲੰਡਰ ਦਾ ਹਰ ਮਹੀਨਾ ਕਲਾ, ਵਿਰਾਸਤ, ਖੇਤੀਬਾੜੀ, ਆਧਿਆਤਮਿਕਤਾ ਅਤੇ ਪ੍ਰਾਕਿ੍ਤਕ ਸ਼ਾਂਤੀ ਦਾ ਸੁਮੇਲ ਪੇਸ਼ ਕਰਦਾ ਹੈ, ਜੋ ਪ੍ਰਭਾਵਸ਼ਾਲੀ ਦਿ੍ਸ਼ਾਂ ਰਾਹੀਂ ਪੰਜਾਬ ਦੀ ਆਤਮਾ ਨੂੰ ਦਰਸਾਉਂਦਾ ਹੈ | ਇਸ ਕੈਲੰਡਰ 'ਚ ਰਾਜਪਾਲ ਦਾ ਇਕ ਅਰਥਪੂਰਨ ਸੰਦੇਸ਼ ਵੀ ਸ਼ਾਮਲ ਕੀਤਾ ਗਿਆ ਹੈ | ਉਲੇਖਣੀ ਹੈ ਕਿ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ (ਅੰਮਿ੍ਤਸਰ), ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਗੁਰੂ ਅੰਗਦ ਦੇਵ ਪਸ਼ੂ ਚਿਕਿਤਸਾ ਅਤੇ ਪਸ਼ੂ ਵਿਗਿਆਨ ਯੂਨੀਵਰਸਿਟੀ (ਲੁਧਿਆਣਾ) ਅਤੇ ਪੰਜਾਬੀ ਯੂਨੀਵਰਸਿਟੀ (ਪਟਿਆਲਾ) ਦੇ ਕੁਲਪਤੀਆਂ ਵੱਲੋਂ ਇਸ ਕੈਲੰਡਰ ਪ੍ਰਤੀ ਆਪਣੀ ਸਹਿਮਤੀ ਅਤੇ ਸਮਰਥਨ ਜ਼ਾਹਿਰ ਕੀਤਾ ਗਿਆ ਹੈ, ਜੋ ਪੰਜਾਬ ਦੀ ਸੰਸਕਿ੍ਤਕ, ਪ੍ਰਾਕਿ੍ਤਕ ਅਤੇ ਆਧਿਆਤਮਿਕ ਵਿਰਾਸਤ ਦੇ ਸੰਰਕਸ਼ਣ, ਸੰਵਰਧਨ ਅਤੇ ਪ੍ਰਚਾਰ ਪ੍ਰਤੀ ਉਨ੍ਹਾਂ ਦੀ ਵਚਨਬੱਧਤਾ ਨੂੰ ਦਰਸਾਉਂਦਾ ਹੈ |
